ໃນວັນທີ 27 ພຶດສະພາ 2017 ຜ່ານມານີ້, ຢູ່ທີ່ສະໂມສອນຂອງສູນວັດທະນະທຳເດັກ ແຂວງບໍລິຄຳໄຊ ໄດຈັດກິດຈະກຳສະເຫຼີມສະຫຼອງວັນເດັກນ້ອນສາກົນ 1 ມິຖຸນາ ຂື້ນຢ່າງເປັນທາງການ ໃຫ້ກຽດເຂົ້າຮ່ວມພິທີຂອງທ່ານ ສົມສີ ວິໄລຜົນ ຮອງຫົວໜ້າພະແນກ ຖວທ ແຂວງ ບໍລິຄຳໄຊ,ທ່ານ ນາງ ຂັນຫອມ ໄຊຍະວົງ ຫົວໜ້າ ກອງວິຊາການ ສູນວັດທະນະທຳເດັກແຂວງ, ທ່ານນາງ ມະນີຈັນ ປະທຳມະວົງ ຄະນະກອງທຶນ 1 ດວງໃຈບໍລິຄຳໄຊຊ່ວຍເຫຼືອສັງຄົມ, ມີຄະນະຮັບຜິດຊອບສູນວັດທະນະທຳເດັກ, ສະມາຊິກ ພ້ອມດ້ວຍຜູ້ປົກຄອງ, ນ້ອງນ້ອຍເຂົ້າຮ່ວມຢ່າງເປັນຂະບວນຟົດຟີື້ນ. ໃນພິທີໄດ້ຮັບຊົມການສະແດງປະກວດນາງສາວ ຈາກສະມາຊິກພາຍໃນສູນວັດທະນະທຳເດັກ ທີ່ສາມາດສ້າງຄວາມເບີກບານມ່ວນຊື່ນ, ດ້ວຍສຽງຫົວ, ສຽງໂຫຮ້ອງໃຫ້ແກ່ຜູ້ທີ່ເຂົ້າຮ່ວມງານ ກໍ່ຄືບັນດາຜູ້ປົກຄອງ ແລະ ລູກຫລານ ພາຍໃນງານປະກອບມີຫລາຍກິດຈະກຳທີ່ສຳຄັນ ເພື່ອເຮັດໃຫ້ຜູ້ປົກຄອງເດັກໄດ້ເຮັດກິດຈະກຳຮ່ວມກັນ, ກິດຈະກຳຕອບຄຳຖາມຄວາມຮູ້ຮອບຕົວ, ການສະແດງອອກດ້ານຄວາມສາມາດ ເປັນການສ້າງໂອກາດໃຫ້ຜູ້ປົກຄອງ ແລະ ເດັກນ້ອຍໄດ້ມີຄວາມຮັດແໜ້ນຜູກພັນກັນ. ນອກນນັ້ນ, ຄະນະຮັບຜິດຊອບງານຍັງໄດ້ແແຈກເຂົ້າໜົມໃຫ້ແກ່ນ້ອງນ້ອຍ, ລູກຫຼານທີ່ມາເຂົ້າຮ່ວມງານ ເປັນຈຳນວນຫຼວງຫຼາຍ, ສຳລັບບັນຍາກາດພາຍໃນງານແມ່ນເຕັມໄປດ້ວຍຄວາມເບີກບານມ່ວນຊື່ນ ເຫັນໄດ້ນ້ອງນ້ອຍທີ່ເຂົ້າຮ່ວມງານມີຮອຍຍີ້ມແຈ່ມໃສ, ສຽງຫົວດ້ວຍຄວາມມ່ວນຊື່ນ. ຄຽງຄູ່ກັນນັ້ນ ຍັງໄດ້ຈັດພິທີມອບໃບຍ້ອງຍໍ ຈາກທ່ານເຈົ້າແຂວງ ບໍລິຄຳໄຊ ໃຫ້ແກ່ 2 ກົມກອງ ແລະ ອີກຫຼາຍທ່ານ ຜູ້ທີ່ມີຄຸນງາມຄວາມດີປະກອບສ່ວນເຄື່ອນໄຫວກິດຈະກຳ ໃນໄລຍະ 1 ປີຜ່ານມາຕື່ມອີກ. ເນື່ອງໃນໂອກາດສະເຫຼີມສະສະຫຼອງວັນເດັກນ້ອຍສາກົນ ໃນຄັ້ງນີ້ ຍັງໄດ້ຈັດພິທີມອບ-ຮັບໂຄງຫຼັງຄາເສີມເຫຼັກ, ມຸງດ້ວຍອາລູຊີ້ງ ເຊິ່ງສະຖານທີ່ໄວ້ສຳລັບການຈັດກິດຈະກຳຂອງສູນວັດທະນາທຳເດັກ ເຊີ່ງໄດ້ຮັບການອຸປະຖຳສ້າງໂດຍ ກອງທຶນ 1 ດວງໃຈ ບໍລິຄຳໄຊ ຊ່ວຍເຫຼືອສັງຄົມ. ດ້ວຍມູນຄ່າທັງໝົດ 16 ລ້ານກວ່າກີບ. ໂດຍການກ່າວມອບຂອງ ທ່ານນາງ ມະນີຈັນ ປະທຳມະວົງ ຄະນະກອງທຶນ 1 ດວງໃຈ ບໍລິຄຳໄຊຊ່ວຍເຫຼືອສັງຄົມ ແລະ ກ່າວຮັບໂດຍ ທ່ານນາງ ຂັນຫອມ ໄຊຍະວົງ ຫົວໜ້າສູນວັດທະນາທຳເດັກແຂວງບໍຄຳໄຊ ມີຄະນະທັງສອງຝ່າຍເຂົ້າຮ່ວມເປັນສັກຂີພິຍານ. ຈຸດປະສົງກໍ່ເພື່ອຕອບສະໜອງທາງດ້ານສະຖານທີ່ໃຫ້ພຽງພໍ ໃນການສ້າງກິດຈະກຳຂອງນ້ອງນອ້ຍລູກຫຼານພາຍໃນສູນ ໃຫ້ມີຄວາມສະດວກສະບາຍ.( ທີມຂ່າວ: ແຂວງບໍລິຄຳໄຊ).
