ໜ່ວຍພັກຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງ ທ່າແຕງ ຈັດພິທີຮັບເອົາສະມາຊິກພັກສໍາຮອງ ຂື້ນເປັນສະມາຊິກພັກສົມບູນ 4 ສະຫາຍ, ຍິງ 2 ສະຫາຍ ແລະ ຮັບມະຫາຊົນຜູ້ທີ່ມີຄວາມກ້າວໜ້າ 2 ສະຫາຍ, ຍິງ 1 ສະຫາຍ ເຂົ້າເປັນສະມາຊິກພັກສໍາຮອງ ຂຶື້ນໃນວັນທີ 2 ມິຖຸນາ 2017 ນີ້, ຢູ່ທີ່ຫ້ອງປະຊຸມຫ້ອງການແຜນການແລະການລົງທືນເມືອງທ່າແຕງ, ແຂວງເຊກອງ ໂດຍເປັນປະທານຂອງ ສະຫາຍ ແສງສຸບັນ ໄຊສະຫວັນ ກໍາມະການພັກເມືອງ ຫົວໜ້າຫ້ອງການແຜນການ ແລະ ການລົງທືນເມືອງ, ເລຂາໜ່ວຍພັກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ,      ມີສະຫາຍ ເພັດຕຸລາ ສຸດທິຈັກ ຮອງຫົວໜ້າຫ້ອງການຈັດຕັ້ງເມືອງ, ໜ່ວຍພັກອ້ອມຂ້າງ ພ້ອມດ້ວຍສະມາຊິກພັກສົມບູນ ແລະ ສະມາຊິກພັກສໍາຮອງເຂົ້າຮ່ວມ.ໃນພິທີ ສະຫາຍ ກິຕາ ອິນທະວົງສາ ຮອງເລຂາໜ່ວຍພັກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງທ່າແຕງ ກ່າວວ່າ: ມະຕິຕົກລົງຂອງຄະນະປະຈຳພັກເມືອງທ່າແຕງ, ສະບັບເລກທີ 105/ຄຈພມ, ລົງວັນທີ 10 ພຶດສະພາ 2017 ໄດ້ລະບຸວ່າ: ດ້ວຍຮັບເອົາສະມາຊິກພັກສໍາຮອງຂື້ນເປັນສະມາຊິກພັກສົມບູນ ມີ 4 ສະຫາຍ, ຍິງ 2 ສະຫາຍ ຄື: ສະຫາຍ ບຸນຊົມ ສີລາພົມ, ສະຫາຍ ພອນ ບຸນອຸທິດ, ສະຫາຍນາງ   ພອນເພັດ ຄໍາວິທອນ ແລະ ສະຫາຍນາງ ສຸພາລັກ ແກ້ວກຸນນະວົງ ທັງ 4 ສະຫາຍນີ້ ໄດ້ຜ່ານການຄົ້ນຄ້ວາຮໍ່າຮຽນເອກະສານ ສະໜັບສະໜູນ, ກົດລະບຽບຂອງພັກປະຊາຊົນປະຕິວັດລາວ ແລະ ໄດ້ຝຶກຝົນຫຼໍ່ຫຼອມຕົນເອງໃນຂະບວນການວຽກງານຕົວຈິງ ໃນໄລຍະສະໄໝສໍາຮອງ 12 ເດືອນຜ່ານມາ, ເຫັນວ່າ ມີຄວາມຮູ້, ຄວາມເຂົ້າໃຈກ່ຽວກັບພັກ ແລະໜ້າທີ່ຂອງສະມາຊິກພັກ, ຍິນດີປະຕິບັດໂຄງການ-ການເມືອງ ແລະ ກົດລະບຽບຂອງພັກປະຊາຊົນ ປະຕິວັດລາວ ທີ່ໄດ້ກໍານົດໄວ້ໃນໝວດທີ 1, ມາດຕາ 2, ຂໍ້ ຄ ວ່າດ້ວຍ   ການພິຈາລະນາເລື່ອນສະມາຊິກພັກສໍາຮອງ ຂື້ນເປັນສະມາຊິກພັກສົມບູນ, ພ້ອມນີ້ ກໍ່ໄດ້ຈັດພິທີຮັບເອົາມະຫາຊົນຜູ້ທີ່ມີຄວາມກ້າວໜ້າ ຈໍານວນ 2 ສະຫາຍ, ຍິງ 1 ສະຫາຍ   ທີ່ໄດ້ຜ່ານການທົດສອບພຶດຕິກຳຕົວຈິງໃນໄລຍະຜ່ານມາໂດຍຖືກຕ້ອງ ແລະ ສອດຄ່ອງຕາມກົດລະບຽບຂອງພັກວາງອອກຢ່າງເຂັ້ມງວດຄື: ສະຫາຍ ນາງ ເພັດສະໝອນ ສາຍຕາ ແລະ ສະຫາຍ ພູທອນ ເຮືອງສະຫວັນ ເຂົ້າເປັນສະມາຊິກພັກສໍາຮອງ. ຕອນທ້າຍພິທີ ສະຫາຍ ແສງສຸບັນ ໄຊສະຫວັນ ກໍາມະການພັກເມືອງ ຫົວໜ້າຫ້ອງການແຜນການ ແລະ ການລົງທືນເມືອງ ເລຂາໜ່ວຍພັກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ໄດ້ໃຫ້ກຽດໂອ້ລົມໂດຍເນັ້ນໃຫ້ສະມາຊິກພັກທັງສົມບູນ ແລະ ສຳຮອງທຸກສະຫາຍ ຈົ່ງສຶກສາອົບຮົມການເມືອງ-ແນວຄິດເປັນກົກ ເພື່ອຍົກສູງຄຸນນະພາບຂອງສະມະຊິກພັກ ໃນໄລຍະໃໝ່,ກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ເອົາໃຈໃສ່ຊີ້ນຳ-ນຳພາ, ແບ່ງຄວາມຮັບຜິດຊອບໃຫ້ແຕ່ລະສະຫາຍໃຫ້ລະອຽດ,ມີຄວາມອຸ່ນອຽງທຸ່ນທ່ຽງ, ເຮັດວຽກແບບລວມສູນປະຊາທິປະໄຕຢ່າງຈິງຈັງ ໂດຍຖືຄຸນສົມບັດ ສິນທຳປະຕິວັດ, ຄຸນທາດການເມືອງ ຕິດພັນກັບໜ້າທີ່ວຽກງານວິຊາສະເພາະໃຫ້ໜັກແໜ້ນ. ພ້ອມນີ້,  ກໍ່ຕ້ອງເປັນເຈົ້າການເອົາໃຈໃສ່ກຳແໜ້ນຕາມ 5 ຫຼັກການ,     3 ທິດນຳ,  5 ໜ້າທີ່,  6 ສິດ ແລະ 9 ຂໍ້ຫ້າມ ຂອງພັກປະຊາຊົນ ປະຕິວັດລາວ   ວາງອອກຢ່າງເຂັ່ງຄັດ.

Editer: ກຳປານາດ ລັດຖະເຮົ້າ