ກອງປະຊຸມດຳເນີນຊີວິດການເມືອງ ປັບປຸງປົວແປງພັກ ທົ່ວອົງຄະນະພັກສະຫະພັນນັກຮົບເກົ່າແຫ່ງຊາດລາວ ປີ 2017 ຈັດຂຶ້ນ ລະຫວ່າ ງວັນທີ 13-16 ມິຖຸນາ 2017 ທີ່ສະຫະພັນນັກຮົບເກົ່າແຫ່ງຊາດລາວ (ສນຫລ) ໂດຍການເປັນປະທານຂອງທ່ານ ພົນຈັດຕະວາ ສົມພອນ ແກ້ວມີໄຊ, ເລຂາຄະນະພັກ ສະຫະພັນນັກຮົບເກົ່າແຫ່ງຊາດ ໃຫ້ກຽດເຂົ້າຮ່ວມໂດຍທ່ານ ພົນໂທ ຈັນສະໝອນ ຈັນຍາລາດ, ກໍາມະການກົມການເມືອງ ເລຂາຄະນະພັກລັດຖະມົນຕີກະຊວງປ້ອງກັນປະເທດ ມີບັນດາທ່ານຄະນະພັກ ຄະນະໜ່ວຍພັກ ສະມາຊິກພັກເຂົ້າຮ່ວມຢ່າງພ້ອມພຽງ. ທ່ານ ພົນຈັດຕະວາ ສົມພອນ ແກ້ວມີໄຊ ກ່າວວ່າ: ກອງປະຊຸມຄັ້ງນີ້ ແມ່ນເຊີດຊູສະຕິຄວາມຮັບຜິດຊອບຂອງຄະນະພັກສະມາຊິກພັກໃນການເຄົາລົບ ແລະ ປະຕິບັດບັນດາຫຼັກການກໍ່ສ້າງພັກ ເຊິ່ງກ່ອນອື່ນໝົດແມ່ນຫຼັກການລວມສູນປະຊາທິປະໄຕ ຫຼັກການຕິຊົມຕົນເອງ ຕິຊົມກັນແນ່ໃສ່ແກ້ໄຂປາກົດການຫຍໍ້ທໍ້ຕ່າງໆພາຍໃນພັກ ແລະ ສ້າງໃຫ້ອົງຄະນະພັກມີຄວາມປອດໃສ ເຂັ້ມແຂງ ໜັກແໜ້ນ.
ຂອບໃຈຂໍ້ມູນຈາກ: ລາຍການໂທລະພາບ ກອງທັບ ປະຊາຊົນລາວ
Editor: ດາວໄຊ ສີວິໄລ
