ບັ້ນດໍາເນີນຊິວິດການເມືອງ ປັບປຸງປົວແປງພັກ ທົ່ວອົງຄະນະພັກແຂວງ ບໍລິຄໍາໄຊ ຄັ້ງທີ 2 ໄດ້ຈັດຂຶ້ນໃນວັນທີ 5 ມີຖຸນາ 2017 ຢູ່ທີສະໂມສອນໃຫຍ່ຂອງແຂວງ. ພາຍໃຕ້ການເປັນປະທານຂອງ ທ່ານ ປະລິນຍາເອກ ກອງແກ້ວ ໄຊສົງຄາມ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ ເຈົ້າແຂວງບໍລິຄໍາໄຊ. ມີບັນດາ ຄະນະພະແນກ ຫົວໜ້າຂະແໜ່ງການ-ກົມກອງ. ວິສະຫະກິດຕະຫຼອດຮອດ ພະນັກງານຫຼັກແຫຼ່ງ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດເຂົ້້າຮ່ວມ. ບັ້ນດຳເນີນຊີວິດການເມືອງ ປັບປຸງປົວແປງພັກ ທົ່ວອົງຄະນພັກແຂວງບໍລິຄຳໄຊ ຄັ້ງທີ 2 ປະຈໍາປີ 2017 ຈະໄດ້ດໍາເນີນເປັນເວລາ 3 ວັນ ນັບແຕ່ວັນທີ 5 – 7 ມິຖຸນາ 2017 ຈຶ່ງຈະສຳເລັດ, ຈຸດປະສົງ ລະດັບຄາດໃນການເປີດບັ້ນດໍາເນີນຊິວິດການເມືອງ ປັບປຸງປົວແປງພັກ ທົ່ວອົງຄະນະພັກແຂວງບໍລິຄໍາໄຊ ໃນຄັ້ງນີ້ ເພຶ່ອເປັນການເສີມຂະຫຍາຍມູນເຊື້ອ, ຜົນງານດ້ານດີຂອງພັກໃນໄລຍະຜ່ານມາ, ແລະ ເປັນການສຶບຕໍ່ແກ້ໄຂຈຸດອ່ອນ ຂໍ້ບົກພ່ອງ ແລະ ສິ່ງທ້າທາຍທົດສອບ ທີເປັນໄພອັນຕະລາຍຕໍ່ພັກເຮົາ ທີ່ກໍານົດໄວ້ໃນມະຕິກອງປະຊຸມໃຫຍ່ຄັ້ງ ທີ 10 ຂອງພັກ. ໃຫ້ມີການຫັນປ່ຽນໃໝ່ຢ່າງຕັ້ງໜ້າ ດ້ວຍຈິດໃຈບຸກທະລຸ ແນ່ໃສຍົກສູງຄວາມສາມາດນໍາພາ ແລະ ລັກສະນະນໍາໜ້າຂອງພັກ, ເພີມທະວີຄວາມສາມັກຄີເປັນປຶກແຜນພາຍໃນພັກ, ສຶບຕໍ່ປະຕິບັດແນວທາງປ່ຽນແປງໃໝ່ຮອບດ້ານ ແລະ ມີຫຼັກການຂອງພັກ, ເດັດດ່ຽວປົກປັກຮັກສາ ແລະ ພັດທະນາກ້າວຂຶ້ນສູ່ຈຸດໝາຍສັງຄົມນິຍົມ. ສ້າງໃຫ້ມີການຫັນປ່ຽນຕົວຈິງທາງດ້ານແນວຄິດ, ຄຸນສົມບັດ, ແບບແຜນວິທີນໍາພາເຮັດວຽກ, ຄວາມຮັບຜິດຊອບຂອງຄະນະພັກແຕ່ລະຂັ້ນ. ຍົກລະດັບການຄົ້ນຄວ້າກໍາແໜ້ນແນວທາງ, ວຽກງານກໍ່ສ້າງພັກ ແລະ ຄວາມເປັນແບບຢ່າງເຮັດແທ້-ທໍາຈິງ, ນໍາໃຈເສຍສະຫຼະເພຶ່ອຊາດເພຶ່ອປະຊາຊົນຂອງຄະນະພັກ ໂດຍສະເພາະຄະນະພັກ ແລະ ພະນັກງານ ນໍາພາ-ຄຸ້ມຄອງແຕ່ລະຂັ້ນ ບົນພື້ນຖານການເສີມຂະຫຍາຍປະຊາທິປະໄຕ, ຕໍານິຕິຊົມກັນຢ່າງແຂງແຮງ ຕາມສະພາບ ແລະ ຂໍ້ມູນຕົວຈິງ. ເພຶ່ອແກ້ໄຂປະກົດການຫຍໍ້ທໍຕ່າງໆ ໃນຖັນແຖວພະນັກງານ, ສະມາຊິກພັກ ແລະ ຄະນະພັກແຕ່ລະຂັ້ນ. ພາຍຫຼັງດໍາເນີນຊີວິດການເມືອງແລ້ວ ຕ້ອງມີການຫັນປ່ຽນໃໝ່ ຢ່າງຕັ້ງໜ້າ, ປັບປຸງຄວາມສາມັກຄີເປັນເອກະພາບພາຍໃນພັກ, ຍົກສູງການຈັດຕັ້ງ, ເຄົາລົບລະບຽບວິໃນຂອງພັກ, ຂໍ້ຫ້າມສະມາຊິກພັກ. ກົດໝາຍ ແລະ ລະບຽບການຕ່າງໆຂອງລັດ ປັບປຸງຍົກສູງນໍາໃຈຮັບຜິດຊອບ ແລະ ຄວາມເປັນແບບຢ່າງນໍາໜ້າຂອງຄະນະພັກ ສະມາຊິກພັກ. ທັງນີ້ກໍ່ເພຶ່ອເປັນການປັບປຸງປົວແປງພາຍໃນພັກ ໃຫ້ປອດໃສເຂັມແຂງ ແລະ ໜັກແໜ້ນ ຮັກສາໄດ້ບົດບາດແກນນໍາຂອງພັກ, ແນ່ໃສ່ຍົກສູງຄວາມສາມາດນໍາພາ ລັກສະນະນໍາໜ້າຂອງພັກ. ຮັບປະກັນບົດບາດການເປັນແກນນໍາແຂງແກ່ນ ແລະ ໃສແຈ້ງ ໃນລະບົບການເມືອງນັບແຕ່ສູນກາງຮອດຖ້ອງຖິ່ນ ໃນການປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງພັກໃຫ້ນັບມື້ນັບສູງຂຶ້ນ.
Editor: ກຳປານາດ ລັດຖະເຮົ້າ
