ໂອກາດເຂົ້າຮ່ວມກອງປະຊຸມດຳເນີນຊີວິດການເມືອງປັບປຸງປົວແປງພັກ  2017 ຂອງອົງຄະນະພັກກະຊວງອຸດສາຫະກຳ ແລະ ການຄ້າ, ທ່ານ  ບຸນທອງ ຈິດມະນີ  ກຳມພການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ທັງເປັນຫົວຫນ້າອົງການຕ້ານການສໍ້ລາດບັງຫລວງຂັ້ນສູນກາງ, ທັງເປັນຮອງນາຍົກລັດຖະມົນຕີ ແຫ່ງ ສປປ ລາວ ໄດ້ເນັ້ນໃຫ້ສະມາຊີກພັກ  ກະຊວງອຸດສາຫະກຳ ແລະ ການຄ້າ ເອົາໃຈໃສ່ປະຕິບັດກົດລະບຽບຂອງພັກຢ່າງເຂັ້ມງວດ, ຕ້ານພະຍາດອາດຍາສິດ, ຫລີກລ້ຽງການໃຊ້ຈ່າຍຟຸມເຟືອຍ. ພ້ອມທັງກຳໃຫ້ໄດ້ຄວາມຕ້ິອງການຂອງຕະຫລາດຕ່າງປະເທດ ເພື່ອນຳພາຂະບວນການຄ້າຂາຍ ໂດຍມີຜະລິດຕະພັນພາຍໃນເປັນສິນຄ້າ. ທ່ານ ຮອງນາຍົກລັດຖະມົນຕີ ຍັງເນັ້ນຕື່ມອີກວ່າ: ໃນຍຸກແຫ່ງການເຊື່ອມໂຍງ ກະຊວງອຸດສາຫະກຳ ແລະ ການຄ້າ ຈພເປັນຕ້ອງຮູ້ໄດ້ ເຖິງຄວາມຕ້ອງການຂອງຕະຫລາດຕ່າງປະເທດ ເພື່ອກຳນົດເປັນນະໂຍບາຍທີ່ຊັດເຈນ ໃຫ້ການວາງແຜນຜະລິດຕະພັນພາຍໃນທີ່ມີຕະຫລາດຮອງຮັບ. ພ້ອມດຽວກັນນັນ ຍັງຕ້ອງໄດ້ເກັບກຳຄືນ ຜະລິດຕະພັນພາຍໃນ ໂດຍການປະສານສົມທົບກັບຂະແຫນງການທີ່ກ່ຽວຂ້ອງ ເພື່ອຫລຸດຜ່ອນການນຳເຂົ້າ ແລະ ສະມາຊີກທຸກພາກສ່ວນຂອງກະຊວງ ຕ້ອງເປັນເຈົ້າການ ເປັນແບບຢ່າງຕ້ານພະຍາດອາຍາສິດ, ຫລີ້ນກິນຟຸມເຟືອຍ. ສຶບຕໍ່ຄົ້ນຄວ້າ, ເຊື່ອມຊືມ ກຳແຫນ້ນ ແລະ ສູ້ຊົນຜັນຂະຫຍາຍແຜນພັດທະນາເສດຖະກິດສັງຄົມ 5 ປີ ຄັ້ງທີ 8, ລວມເຖິງບັນດາຄາດຫມາຍກອງປະຊຸມໃຫຍ່ ຄັ້ງທີ 4 ຂອງກະຊວງອຸດສາຫະກຳ ແລະ ການຄ້າ ບົນຈິດໃຈບຸກທະລຸແຂງແຮງ ແລະ ຕັ້ງຫນ້າກວ່າເກົ່າ. ໃນຕອນທ້າຍຂອງກອງປະຊຸມ ທ່ານນາງ ເຂັມມະນີ ພົນເສນາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງອຸດສາຫະກຳ ແລະ ການຄ້າ ຍັງໄດ້ຮັບເອົາ ຄຳໂອວາດຂອງ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເພື່ອນຳໄປຈັດຕັ້ງປະຕິບັດ ໃຫ້ເກີດຜົນສຳເລັດ ແລະ ເກີດດອກອອກຜົນ ເທື່ອລະກ້າວ.

Editor: ກຳປານາດ ລັດຖະເຮົ້າ