ສູນກາງສະຫະພັນກຳມະບານລາວ ໄດ້ຈັດກອງປະຊຸມເຊື່ອມຊຶມຄຳສັ່ງວ່າດ້ວຍ ການປະຢັດລາຍຈ່າຍງົບປະມານຂອງລັດ ໃນເມື່ອບໍ່ດົນນີ້ ໂດຍການເຜີຍແຜ່ຂອງທ່ານ ພົມມາ ເທບພະວົງ ຫົວໜ້າຫ້ອງການສູນກາງສະຫະພັນກໍາມະບານລາວ, ມີບັນດາທ່ານຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ, ພ້ອມດ້ວຍພະນັກງານ ເຂົ້າຮ່ວມ. ໃນກອງປະຊຸມ ທ່ານ ພົມມາ ເທບພະວົງ ຫົວໜ້າຫ້ອງການສູນກາງ ສະຫະພັນກຳມະບານລາວ ໄດ້ເຜີຍແຜ່ຄຳສັ່ງ ວ່າດ້ວຍ ການປະຢັດລາຍຈ່າຍງົບປະມານຂອງລັດ ເພື່ອປະຕິບັດຕາມດຳລັດຂອງນາຍົກລັດຖະມົນຕີ ເລກທີ 09/ນຍ ລົງວັນທີ 19 ພຶດສະພາ 2017 ເພື່ອເພີ່ມທະວີການຈັດຕັ້ງປະຕິບັດ ເຂົ້າໃສ່ໃນການພັດທະນເສດຖະກິດ-ສັງຄົມ ໃຫ້ເກີດຜົນປະໂຫຍດສູງສຸດ, ໂດຍໃຫ້ບັນດາກະຊວງ, ອົງການທຽບເທົ່າຂັ້ນສູນກາງ, ແນວລາວສ້າງຊາດ, ອົງການຈັດຕັ້ງມະຫາຊົນຂັ້ນສູນກາງ, ອົງການປົກຄອງທ້ອງຖິ່ນທຸກຂັ້ນ, ກອງທຶນຂອງລັດ ແລະ ລັດວິສາຫະກິດ ເອົາໃຈໃສ່ຈັດຕັ້ງປະຕິບັດນະໂຍບາຍແຫ່ງຊາດເຂົ້າໃນວຽກງານຂອງຕົນ ໃນການນຳໃຊ້ງົບປະມານທຶນຊັບສິນ ແລະ ເວລາລັດຖະການຢ່າງເຂັ້ມງວດ ພ້ອມນີ້ຕ້ອງໄດ້ເອົາໃຈໃສ່ປະຕິບັດແຜນລາຍຈ່າຍງົບປະມານຢ່າງເຄັ່ງຄັດຫຼຸດຜ່ອນແຜນວຽກ ແລະ ກິດຈະກຳທີ່ບໍ່ຈຳເປັນ ເພື່ອແນ່ໃສ່ແກ້ໄຂຄວາມທຸກຍາກໃຫ້ປະຊາຊົນຢ່າງແທ້ຈິງຊຸກຍູ້ໃຫ້ເສດຖະກິດຂະຫຍາບຕົວຢ່າງຕໍ່ເນື່ອງຕາມທິດຍືນຍົງສີຂຽວ ແລະ ເປັນແບບຢ່າງອັນດີໃຫ້ແກ່ສັງຄົມ.
ຂອບໃຈຂໍ້ມູນຈາກ ລາຍການເພື່ອກໍາມະກອນ
Editor: ດາວໄຊ ສີວິໄລ
