ທິດຜ່ານມາ ທ່ານ ປະລິນຍາເອກ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ລົງພົບປະໂອລົມ ປະຊາຊົນບ້ານ ຜາເມືອງ, ເມືຶອງບໍລິຄັນ ໂດຍການນຳພາທາງຂອງ ທ່ານ ປະລິນຍາເອກ ກອງແກ້ວ ໄຊສົງຄາມ ກຳມະການສູນກາງພັກ, ເລຂາພັກແຂວງ ເຈົ້າແຂວງບໍລິຄຳໄຊ ໂດຍການຮັບຕ້ອນຈາກຄະນະປະຈຳພັກເມືອງ ພ້ອມດ້ວຍພໍ່ແມ່ປະຊາຊົນບັນດາເຜົ່າ ບ້ານ ຜາເມືອງ.
ທ່ານ ເລື່ອນວິໄລ ຈັນທະລາພັນ ເຈົ້າເມືອງບໍລິຄັນ ລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ ເຫັນວ່າທົ່ວເມືອງ ມີຄວາມສະຫງົບທາງດ້ານການເມືອງ,ສັງຄົມມີຄວາມເປັນລະບຽບຮຽບຮ້ອຍ,ປະກົດການຫຍໍ້ທໍ້ໃນສັງຄົມໄດ້ຮັບການແກ້ໄຂ, ປະຊາຊົນບັນດາເຜົ່າມີຄວາມສມັກຄີເປັນປຶກແຜ່ນ,ກຳລັງປກສ-ປກຊ, ກອງຫຼອນໄດ້ຮັບປັບປຸງໃຫ້ເຂັ້ມແຂງ ແລະ ຍົກລະດັບຂື້ນ ກາຍເປັນທົ່ວປວງຊົນ, ທົ່ວເມືອງ ມີ 6 ກຸ່ມບ້ານ, ມີ 43 ບ້ານ, ປະຊາກອນ 49,943 ຄົນ, ລວມມີ 10 ເຜົ່າ, ປະຊາຊົນສ່ວນຫຼວງຫຼາຍຢຶດຖືອາຊີບປູກຝັງ-ລຽ້ງສັດເປັນຕົ້ນຕໍ. ເສດຖະກິດຂະຫຍາຍຕົວຢູ່ໃນລະດັບ 11,95 ສ່ວນຮ້ອຍ, ສະເລ່ຍລາຍຮັບຕໍ່ຫົວຄົນໄດ້ 1,384 ໂດລາຕໍ່ຄົນຕໍ່ປີ, ມີບ້ານພົ້ນທຸກແລ້ວ 42 ບ້ານ, ຍັງ 1 ບ້ານ, ໄດ້ຮັບການອະນຸມັດການລົງທຶນຂອງລັດ 30 ໂຄງການ, ທົ່ວເມືອງໄດ້ຊົມໃຊ້ໄຟຟ້າຖາວອນ, ໄດ້ປະກາດເປັນເມືອງຈົບຊັ້ນມັດທະຍົມບຳລຸງຕອນຕົ້ນ,ເດັກໃນເກນອາຍຸໄດ້ເຂົ້າຮຽນ ແລະ ໄດ້ຮັບການຢອດຢາຢ່າງທົ່ວເຖິງ, ວຽກງານແນວລາວສ້າງຊາດ ແລະ ອົງການຈັດຕັ້ງມະຫາຊົນ ໄດ້ເປັນເຈົ້າການສຶກສາອົບຮົມຊັ້ນຄົນ, ເຜົ່າ, ສາດສະໜາ ໃຫ້ມີຄວາມສາມັກຄີປອງ ໄປຕາມແນວທາງນະໂຍບາຍຂອງພັກ, ກົດໝາຍຂອງລັດ ກໍ່ຄືແຜນພັດທະນາເສດຖະກິດ-ສັງຄົມ ຂອງເມືອງ, ຂອງແຂວງ. ພ້ອມຮັບຟັງການລາຍງານ ແຜນພັດທະນາເສດຖະກິດ-ສັງຄົມ ຈາກເລຂາພັກບ້ານ ນາຍບ້ານບ້ານໃຫຍ່ຜາເມືອງຕື່ມອີກ.
ທ່ານ ປະທາານສູນກາງແນວລາວສ້າງຊາດ ໄດ້ ຕີລາຄາສູງ,ຍ້ອງຍໍຊົມເຊີຍ ຜົນງານໃນການຊີ້ນຳ-ນຳພາອົງຄະນະພັກເມືອງ,ອົງຄະນະພັກບ້ານ ໃນໄລຍະຜ່ານມາ, ເພື່ອບັນລຸເປົ້າໝາຍຂອງການພັດທະນາ ແຜນນພັດທະນາເສດຖະກິດ-ສັງຄົມຂອງເມືອງ,ຂອງບ້ານນນັ້ນ ຈະຕ້ອງໄດ້ມີຄວາມບຸກບືນຫຼາຍດ້ານ, ຖືເອົາວຽກງານແນວລາວສ້າງຊາດເປັນສຳຄັນໃນການປະກອບສ່ວນເຂົ້າໃນວຽກງານຕ່າງໆ, ເຕົ້າໂຮມຄວາມສາມັກຄີປອງດອງ ປະຊາຊົນບັນດາເຜົ່າ, ຊັ້ນຄົນ, ສາສະໝາ ໃຫ້ເປັນຈິດໜຶ່ງໃຈດຽວກັນ,ອົງການແນວລາວສ້າງຊາດ ຂັ້ນເມືອງ, ຂັ້ນບ້ານຈະຕ້ອງໄດ້ໂຄສະນາປຸກລະດົມ ສິດເປັນເຈົ້າຂອງປະຊາຊົນໃຫ້ເຂົ້າໃຈຕໍ່ແຜນພັດທະເສດຖະກິດ-ສັງຄົມ ແຕ່ລະຂັ້ນ ໃຫ້ຮັບຮູ້ເຂົ້າໃຈຢ່າງເລິກເຊິ່ງ,ກໍ່ຄືລະບຽບ, ກົດໝາຍ, ລັດທະທຳມະນູນຂອງລາວວາງອອກ ແລະ ເຂົ້າຮ່ວມຂະບວນການກວດກາ,ຕິດຕາມການບໍລິຫານການປົກຄອງທ້ອງຖິ່ນ, ປົກປ້ອງສິດ, ຜົນປະໂຫຍດອັນຊອບທຳຂອງປະຊາຊົນບັນດາເຜົ່າ, ເສີມຂະຫຍາຍມູນເຊື້ອຮັກຊາດ. ໂອກາດທີ່ທ່ານ ໄດ້ລົງມາພົບປະ ໂອລົມ ປະຊາຊົນບ້ານ ຜາເມືອງໃນຄັ້ງນີ້ຍັງໄດ້ນຳເອົາເຄື່ອງ ອຸປະໂພກ-ບໍລິໂພກ ຈຳນວນໜື່ງ ເປັນຕົ້ນເເມ່ນ ນົມ, ອຸປະກອນການສຶກສາ ແລະ ຜ້າຫົ່ມ ຈໍານວນ 120 ຜືນ, ກ່າວຮັບໂດຍ ທ່ານນາງ ຈັນທະຈອນ ອິນທິສານ ເລຂາພັກບ້ານ, ນາຍບ້ານຜາເມືອງ. ດ້ວຍຄວາມກະຕັນຍູຮູ້ບຸນຄຸນຕໍ່ຂັ້ນເທິງທີ່ມີຜົນງານຄວາມດີໃນການຊີ້ນຳ-ນຳພາ ໃນການປົກປັກຮັກສາ ແລະ ສ້າງສາພັດທະນາປະເທດຊາດຕະຫຼອດໄລຍະຜ່ານມາ ເພື່ອຮັດແໜ້ນຄວາມສາມມັກຄີລະຫວ່າງ ທ້ອງຖິ່ນກັບສູນກາງ ກໍ່ຄືເສີມຂະຫຍາຍມູນເຊື້ອ ຮີດຄອງຂອງຄົນລາວ ຊາວພຸດ ທີ່ນັບຖືກັນມາແຕ່ດົນນານນັ້ນ ອຳນາດການປົກຄອງຂັ້ນບ້ານ, ຂັ້ນເມືອງ ຍັງໄດ້ຈັດພິທີບາສີສູ່ຂັວນໃຫ້ແກ່ການນຳຂັ້ນສູນກາງ ແລະ ການນຳແຂວງບໍລິຄຳໄຊ ເປັນການຖາມຂ່າວຄາວ,ອວຍພອນເຊີ່ງກັນ ແລະ ກັນ. ມາໃນຕອນບ່າຍຂອງວັນດຽວກັນ ທ່ານ ປະທານສູນກາງແນວລາວສ້າງຊາດຍັງໄດ້ລົງພົບປະໂອ້ລົມ ປະຊາຊົນ ທີ່ຍົກຍ້າຍຈັດສັນເຂດບ້ານຫ້ວຍສູບ, ທີ່ຖືກຜົນກະທົບຈາກເຂື່ອນໄຟ້ານໍ້າງຽບ 1. ເຫັນໄດ້ຊີວິດໃໝ່ຂອງປະຊາຊົນ ເປັນຕົ້ນແມ່ນມີເຮືອນຢູ່ແໜ້ນໜາຖາວອນ, ມີອາຊີບທຳການຜະລິດ ທຳມາຫາກິນທີ່ໝັ້ນຄົງ ທ່ານຍັງໄດ້ຮຽກຮ້ອງໃຫ້ປະຊາຊົນ, ເອົາໃຈໃສ່ໃນການ ພັດທະນາເສດຖະກິດ-ສັງຄົມຂື້ນໄປເລື້ອຍໆ, ພ້ອມນັ້ນ ບໍລິສັດຈະຕ້ອງປະຕິບັດວຽກງານ, ທົດແທນ, ຊົດເຊີຍໃຫ້ບັນລຸຕາມແຜນການ ທີ່ວາງໄວ້.
Editor: ກຳປານາດ ລັດຖະເຮົ້າ
