ຮາກຖານພັກກະສີກໍາ-ປ່າໄມ້ເມືອງເຊໂປນ ຮ່ວມບັ້ນດໍາເນີນຊິວິດການເມືອງປັບປຸງ, ປົວແປງພັກ ຂື້ນຢ່າງເປັນທາງການ,ໃນຕອນເຊົ້າວັນທີ 19 ມີຖຸນາ2017, ຢູ່ຫ້ອງການກະສີກໍາ-ປ່າໄມ້ເມືອງ,ໂດຍການເປັນປະທານຂອງ ທ່ານ ວົງໄຊ ໄຊຍະຈັກ ຮອງເລຂາພັກເມືອງ, ຮອງເຈົ້າເມືອງເຊໂປນ,ທ່ານ ສີຄູນ ບານມະນີວົງ ເລຂາຄະນະຮາກຖານພັກ, ຫົວໜ້າຫ້ອງການ ກະສີກໍາ-ປ່າໄມ້ເມືອງ ພ້ອມຄະນະ, ມີບັນດາຄະນະກໍາມະການກວດກາພັກຂັ້ນເມືອງ, ສະມາຊີກພັກສົມບູນ ແລະ ສໍາຮອງເຂົ້າຮ່ວມ, ໃນທີ່ປະຊຸມບັນດາສະມາຊີກພັກ ຈະໄດ້ເຊື່ອມຊຶມບັນດາເອກະສານຕ່າງໆໃນນັ້ນ ມີເອກະສານຄໍາສັ່ງເລກທີ 01/ກມສພ ວ່າດ້ວຍ ການດໍາເນີນຊິວິດການເມືອງປັບປຸງ, ປົວແປງທົ່ວພັກ ປີ 2017, ເອກະສານເດັດດ່ຽວ, ປັບປຸງ,ປົວແປງພັກໃຫ້ປອດໃສ, ເຂັ້ມແຂງແລະໜັກແໜ້ນ, ຈາກນັ້ນກໍ່ຍັງມີການຕໍານິສົ່ງຂ່າວປິດລັບ ແລະ ແນະນໍາທາບທາມລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ຄະນະຮາກຖານພັກ, ຮັບຟັງການສະຫລຸບຕິລາຄາຊີ້ນໍາໆພາຂອງຄະນະພັກຮາກຖານຫ້ອງການກະສີກໍາ-ປ່າໄມ້ເມືອງເຊໂປນ ໃນໄລຍະ 2ປີ 6 ເດືອນ ພ້ອມທິດທາງແຜນການຕໍ່ໜ້າ, ໃນການຈັດຕັ້ງຜັນຂະຫຍາຍກອງປະຊຸມໃຫ່ຍຄັ້ງທີ 10 ຂອງອົງຄະນະພັກເມືອງເຊໂປນ ແລະ ມະຕິກອງປະຊຸມໃຫ່ຍຄັ້ງທີ 8 ຂອງອົງຄະນະພັກແຂວງ ຊື່ງກອງປະຊຸມດັ່ງກ່າວຈະໄດ້ດໍາເນີນເປັນເວລາ 3 ວັນ ນັບແຕ່ວັນທີ19-21 ມີຖຸນາ 2017 ນີ້ຈຶ່ງສໍາເລັດ. ຕອນທ້າຍກອງປະຊຸມ ທ່ານ ວົງໄຊ ໄຊຍະຈັກ ກໍ່ໄດ້ໃຫ້ກຽດມີຄໍາເຫັນຕໍ່ກອງປະຊຸມຄັ້ງນີ້ ເຊີ່ງທ່ານໄດ້ເວົ້າຄືນເຖີງເນື້ອໃນສໍາຄັນຕ່າງໆຂອງເອກະສານດັ່ງກ່າວ, ທັງນີ້ກໍ່ເພືື່ອເຮັດໃຫ້ພະນັກງານສະມາຊີກພັກໄດ້ນໍາໄປຈັດຕັ້ງປະຕິບັດຢ່າງຖືກຕ້ອງ ແລະ ມີປະສິດທິຜົນ
Editor: ກຳປານາດ ລັດຖະເຮົ້າ
