ໃນວັນທີ 20 ມີຖຸນາ 2017 ຜ່ານມານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ເຮັດວຽກຢູູ່ ແຂວງວຽງຈັນ ໂດຍການເປັນກຽດຕ້ອນຮັບຢ່າງອົບອຸ່ນ ຂອງ ທ່ານ ວິດົງ ໄຊຍະສອນ ເຈົ້າແຂວງໆວຽງຈັນພ້ອມດ້ວຍຄະນະ ໃນການລົງຢ້ຽມຢາມຄັ້ງນີ້ກໍເພື່ອຊຸກຍູ້,ຊີ້ນຳວຽກງານຢູ່ພາຍໃນແຂວງວຽງຈັນ ເປັນຕົ້ນແມ່ນການພັດທະນາເສດຖະກິດ-ສັງຄົມ ໃຫ້ມີການຂະຫຍາຍຕົວຢ່າງຕໍ່ເນື່ອງພ້ອມທັງເປັນການຊຸກຍູ້ໃຫ້ບັນດາໂຄງການທີ່ກຳລັງຈັດຕັ້ງປະຕິບັດພາຍໃນແຂວງວຽງຈັນ ໄດ້ມີການປະຕິບັດຢ່າງຕໍ່ເນື່ອງເປັນຕົ້ມແມ່ນໂຄງການ ເຊມາອຸນດົງ ເຊິ່ງແມ່ນໂຄງການທີ່ ສ ເກົາຫລີ ໃຫ້ການຊ່ວຍເຫລືອ ສ ປ ປ ລາວ, ກໍຄືແຂວງວຽງຈັນ ເຊິ່ງມີທັງຫມົດ 4 ເມືອງຄື : ເມືອງວຽງຄຳ, ເມືອງທຸລະຄົມ, ເມືອງໂພນໂຮງ ແລະ ເມືອງຫີນເຫີບ ເຊິ່ງມີທັງຫມົດ 17 ບ້ານ ເຊິ່ງໂຄງການດັ່ງກ່າວແມ່ນໄດ້ເລັ່ງໃສ່ແກ້ໄຂຄວາມທຸກຍາກໃຫ້ບັນດາພໍ່ແມ່ປະຊາຊົນ. ໂອກາດດັ່ງກ່າວ ທ່ານນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍການນຳຂອງແຂວງວຽງຈັນ ແລະ ຄະນະໄດ້ລົງຢ້ຽມຢາມບັນດາພື້ນຖານການຈັດຕັ້ງປະຕິບັດ ຂອງບັນດາໂຄງການເຊມາອຸນດົງ ເປັນຕົ້ນແມ່ນ ການປູກຜັກປອດສານພິດ ໃນເຮືອນຮົ່ມ ທີ່ບ້ານຫາດໄຊ ເມືອງທຸລະຄົມ,ໂຄງການລ້ຽງງົວ ບ້ານຖິນຍຸງ, ໂຮງງານແປຮູບຜະລິດຕະພັນຫວາຍ, ບ້ານໂນນສະຫວ່າງ ເມືອງວຽງຄຳ, ໂຄງການຫັດຖະກຳຈັກສານ, ບ້ານນາຍາງ,ໂຄງການປູກຜັກປອດສານພິດໃນເຮືອນຮົ່ມ, ບ້ານແອກຊ້າງ, ເມືອງ ໂພນໂຮງ ໂອກາດັ່ງກ່າວ ທ່ານາຍົກຍັງໄດ້ເນັ້ນຫນັກ ໃຫ້ບັນດາພໍ່ແມ່ປະຊາຊົນ ທີ່ເຮັດການຜະລິດກະສິກຳຈົ່ງພ້ອມກັນຕັ້ງໃຈເຮັດ, ເຮັດໃຫ້ເປັນກຸ່ມ ເພື່ອຂະຫຍາຍການຜະລິດໃຫ້ມີການເຕີບໃຫຍ່ ກາຍເປັນສິນຄ້າເພື່ອສ້າງລາຍຮັບເຂົ້າສູ່ຄອບຄົວເຮັດໃຫ້ກາຍເປັນຄອບຄົວ ແລະ ບ້ານແບບຢ່າງພ້ອມນີ້ຍັງໄດພ້ເນັ້ນຫນັກໃຫ້ບັນດາອຳນາດການປົກຄອງແຕ່ລະຂັ້ນຈົ່ງພ້ອມກັນຊຸກຍູ້ສົ່ງເສີມ ໃນການຈັດຕັ້ງປະຕິບັດໂຄງການດັ່ງກ່າວໃຫ້ໄດ້ຮັບຜົນສຳເລັດເພື່ອພ້ອມກັນບັນລຸເປົ້າຫມາຍ ສະຫັດສະວັດຄືການຫລຸດພົ້ນອອກຈາກຄວາມທຸກຍາກຕາມແນວທາງຂອງພັກ ໄດ້ວາງອອກແຕ່ນີ້ຫາ ປີ 2020 ເຮັດໃຫ້ປະເທດລາວຫລຸດພົ້ນອອກຈາກຄວາມທຸກຍາກໂດຍພື້ນຖານ.

Editor: ກຳປານາດ ລັດຖະເຮົ້າ