ກອງປະຊຸມສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈຳປີ 2017 ແລະ ທິດທາງແຜນການຈັດ ຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈຳປີ 2018 ຂອງກໍາມະການຮາກຖານຊາວໜຸ່ມແຂວງ ສາລະວັນ ໂດຍການເປັນປະທານຂອງທ່ານ ໂສພາ ຈັນທະວົງ ກໍາມະບານຮາກຖານຊາວໜຸ່ມແຂວງ, ທ່ານ ຈັນສີລອນ ສີສົມບູນ ກຳມະການພັກແຂວງ, ກຳມະການສູນກາງຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ, ທ່ານ ຄຳປ່ຽນ ອັກຊັງຕິນ ຮອງປະທານສະຫະພັນກໍາມະບານແຂວງ, ຮອງເລຂາໜ່ວຍພັກ, ມີບັນດາພະນັກ ງານ-ລັດຖະກອນ, ສະມາຊິກຊາວໜຸ່ມແຂວງເຂົ້າຮ່ວມ.
ກໍາມະບານຮາກຖານຊາວໜຸ່ມ ແຂວງສາລະວັນ ແມ່ນອົງການມະຫາຊົນໜຶ່ງ ທີ່ຕັ້ງຢູ່ຫ້ອງການຄະນະບໍລິຫານງານຊາວໜຸ່ມແຂວງ ສາລະວັນ ໄດ້ສ້າງຕັ້ງ ແລະ ດຳເນີນກອງປະຊຸມໃຫຍ່ຂັ້ນຕົນຄັ້ງທີ 3 ມີສາຍ ຕັ້ງຂຶ້ນກັບຫ້ອງການສະຫະພັນກຳມະບານແຂວງ ສາລະວັນ, ສາຍຂວາງຂຶ້ນກັບໜ່ວຍພັກຄະນະບໍລິຫານງານຊາວໜຸ່ມແຂວງ ສາລະວັນ ມີພະນັກງານ-ລັດຖະກອນ 27 ທ່ານ, ຍິງ 12 ທ່ານ, ເປັນສະມາຊິກກຳມະບານ 27 ທ່ານ, ຍິງ 12 ທ່ານ, ໄປຍົກລະດັບທິດສະດີການເມືອງ-ການປົກຄອງ ຈຳນວນ 3 ທ່ານ, ຍິງ 2 ທ່ານ, ຍັງມີໜ້າຕົວຈິງ 27 ທ່ານ, ຍິງ 12 ທ່ານ, ໃນນັ້ນ ມີພະນັກງານຕາມສັນຍາ 5 ທ່ານ, ຍິງ 2 ທ່ານ ແລະ ມີສະມາຊິກເຂົ້າຮ່ວມຂະບວນການແຂ່ງຂັນ 5 ເປັນເຈົ້າ ຈຳນວນ 26 ທ່ານ, ຍິງ 12 ທ່ານ. ໂດຍປະຕິບັດຕາມຄາດໝາຍ ມະຕິກອງປະຊຸມໃຫຍ່ຄັ້ງທີ 7 ຂອງສູນກາງກຳມະບານລາວ, ມະຕິກອງປະຊຸມໃຫຍ່ຄັ້ງທີ 8 ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີ 6 ຂອງສະຫະພັນກຳມະບານແຂວງສາລະວັນ ແລະ ມະຕິກອງປະຊຸມໃຫຍ່ຄັ້ງທີ 3 ຂອງກຳມະບານຮາກຖານວາງອອກ. ໂດຍສະເພາະແມ່ນການເປີດຂະບວນການປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ສຳເລັດໃນວັນທີ 14 ມິຖຸນາ 2017 ກວມ 100 ສ່ວນຮ້ອຍ ຂອງການຈັດຕັ້ງກໍາມະບານທີ່ຂຶ້ນກັບ ແລະ ມີສະມາຊິກກຳມະບານເຂົ້າຮ່ວມໃນຂະບວນການແຂ່ງຂັນປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຈຳນວນ 27 ທ່ານ, ຍິງ 12 ທ່ານ, ກວມ 100 ສ່ວນຮ້ອຍ ຂອງສະມາຊິກກໍາມະບານທັງໝົດ.
Editor: ດາວໄຊ ສີວິໄລ
