ເມື່ອບໍ່ດົນມາານີ້ ສະຫະພັນກຳມະບານລັດວິສາຫະກິດໄຟຟ້າລາວ ສາຂາແຂວງວຽງຈັນ ໄດ້ຈັດພິທີເປີດຂະບວນການແຂ່ງຂັນ 5 ເປັນເຈົ້າຂອງສູນກາງສະຫະພັນກຳມະບານລາວ, ພິທີດັ່ງກ່າວໄດ້ຈັດຂຶ້ນຢຸ່ທີ່ຫ້ອງປະຊຸມຂອງລັດວິສາຫະກິດໄຟຟ້າລາວ ສາຂາແຂວງວຽງຈັນ. ໃຫ້ກຽດເຂົ້າຮ່ວມຂອງ ທ່ານ ຈັນສະໝອນ ຈັນທາທອນ ຮອງປະທານສະຫະພັນກຳມະບານ ແຂວງວຽງຈັນ, ທ່ານ ຈຳປາທອງ ວົງເດືອນ ເລຂາຄະນະພັກຮາກຖານ ຫົວໜ້າລັດວິສາຫະກິດໄຟຟ້າລາວ ສາຂາແຂວງວຽງຈັນ, ມີປະທານ, ຮອງປະທານຕະຫລອດຮອດປະທານຮາກຖານ ພ້ອມດ້ວຍສະມາຊິກກຳມະບານລັດວິສາຫະກິດໄຟຟ້າລາວ ສາຂາແຂວງວຽງຈັນ ເຂົ້າຮ່ວມຢ່າງພ້ອມພຽງ.
ຈຸດປະສົງຂອງການເປີດຂະບວນການແຂ່ງຂັນ 5 ເປັນເຈົ້າ ຄັ້ງນີ້ແມ່ນເພື່ອເປັນການເສີມຂະຫຍາຍກຳລັງແຮງຂອງຊົນຊັ້ນກຳມະກອນ, ຊາວຜູ້ອອກແຮງງານລາວເວົ້າລວມ, ເວົ້າສະເພາະແມ່ນພະນັກງານກຳມະກອນ, ສະມາຊິກກຳມະບານພາຍໃນໄຟຟ້າສາຂາແຂວງວຽງຈັນ, ສ້າງເງື່ອນໄຂໃຫ້ເຂົາເຈົ້າມີສະຕິຕື່ນຕົວ, ມີຄວາມເປັນເຈົ້າການໃນການພັດທະນາຕົນເອງຢ່າງຮອບດ້ານ ແລະ ຕັ້ງໜ້າເຂົ້າຮ່ວມຈັດຕັ້ງປະຕິບັດແນວທາງຂອງພັກ, ປະຕິບັດແຜນພັດທະນາເສດຖະກິດ-ສັງຄົມຂອງລັດໂດຍຜ່ານຂະບວນການແຂ່ງຂັນ 5 ເປັນເຈົ້າຂອງສະຫະພັນກຳມະບານລາວ. ເພື່ອເຮັດໃຫ້ພະນັກງານ, ສະມາຊິກກຳມະບານສາມາດກຳໄດ້ເນື້ອໃນລວມ, ມາດຖານ, ບັນດາບາດກ້າວໃນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ແນໃສ່ສ້າງຄວາມເປັນເອກະພາບໃນການຊີ້ນຳໆພາ, ການຊຸກຍູ້ຕິດຕາມກວດກາ ແລະ ການປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ. ເພື່ອສ້າງຄວາມເປັນເອກະພາບໃນການຈັດຕັ້ງປະຕິບັດ ແລະ ດຳເນີນຂະບວນການຂໍ້ແຂ່ງຂັນ 5 ເປັນເຈົ້າໃນຂອບເຂດສະຫະພັນກຳມະບານລັດວິສາຫະກິດໄຟຟ້າລາວ ສາຂາແຂວງວຽງຈັນ. ທີ່ປະຊຸມໄດ້ຮັບຟັງການຜ່ານບົດສະຫລຸບການຈັດຕັ້ງປະຕິບັດຂະບວນການແຂ່ງຂັນ 2 ດີ 5 ເປັນເຈົ້າ ປະຈຳປີ 2015 -2016 ແລະ ທິດທາງແຜນການຈັດຕັ້ງຂໍ້ແຂ່ງຂັນ 5 ເປັນເຈົ້າແຕ່ປີ 2017-2020 ຂອງສະຫະພັນກຳມະບານໄຟຟ້າສາຂາແຂວງວຽງຈັນ. ໂດຍທ່ານ ອຸໃດ ພົມມະຈັນ ຄະນະພັກຮາກຖານ, ຮອງຫົວໜ້າລັດວິສາຫະກິດໄຟຟ້າ ສາຂາແຂວງວຽງຈັນ ທັງເປັນປະທານສະຫະພັນກຳມະບານລັດວິສາ ຫະກິດໄຟຟ້າລາວ ສາຂາແຂວງວຽງຈັນ. ສະຫະພັນກຳມະບານໄຟຟ້າສາຂາແຂວງວຽງຈັນມີ 4 ຮາກຖານກຳມະບານຂຶ້ນກັບ ແລະ ປະກອບດ້ວຍ 19 ໜ່ວຍ, ມີສະມາຊິກກຳມະບານທັງໝົດ 176 ສະຫາຍ, ຍິງ 61 ສະຫາຍ. ເຊິ່ງໃນໄລຍະຜ່ານມາ ຜ່ານການຈັດຕັ້ງປະຕິບັດ ແລະ ເຄື່ອນໄຫວວຽກງານ 2 ດີ 5 ເປັນເຈົ້າ ສາມາດເກັບກຳຜົນງານດ້ານຕ່າງໆຄື: ຕີລາຄາຜົນການແຂ່ງຂັນ 2 ດີ, ດີທີ1 ພະນັກງານດີ, ສະມາຊິກກຳມະບານ ແລະ ກຳມະກອນດີ ທັງ 4 ຮາກຖານກຳມະບານສາມາດປະຕິບັດໄດ້ 90 ສ່ວນຮ້ອຍ. ດີທີ2 ຂະບວນກຳມະບານດີ ທັງ 4 ຮາກຖານກຳມະບານສາມາດປະຕິບັດໄດ້ 95 ສ່ວນຮ້ອຍ. ຕີລາຄາຜົນການແຂ່ງຂັນ 5 ເປັນເຈົ້າ,
- ເປັນເຈົ້າທີ 1 ເປັນເຈົ້າສຶກສາອົບຮົມການເມືອງ - ແນວຄິດ ທັງ 4 ຮາກຖານກຳມະບານສາມາດປະຕິບັດໄດ້ 90 ສ່ວນຮ້ອຍ,
- ເປັນເຈົ້າທີ 2 ເປັນເຈົ້າການປັບປຸງແຜນການນຳພາ ແລະ ການຂະຫຍາຍການຈັດຕັ້ງກຳມະບານ ທັງ 4 ຮາກຖານກຳມະບານສາມາດປະຕິບັດໄດ້ 95 ສ່ວນຮ້ອຍ,
- ເປັນເຈົ້າທີ 3 ເປັນເຈົ້າປົກປ້ອງສິດຜົນປະໂຫຍດ ອັນຊອບທຳຂອງພະນັກງານ, ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ ທັງ 4 ຮາກຖານກຳມະບານສາມາດປະຕິບັດໄດ້ 90 ສ່ວນຮ້ອຍ,
- ເປັນເຈົ້າທີ 4 ເປັນເຈົ້າໃນການຮ່ວມມືຕິດຕາມກວດກາຄຸ້ມຄອງເສດຖະກິດ, ວັດທະນະທຳ - ສັງຄົມ ທັງ 4 ຮາກຖານກຳມະບານສາມາດ ປະຕິບັດໄດ້ 90 ສ່ວນຮ້ອຍ

Editor: ກຳປານາດ ລັດຖະເຮົ້າ