ພະແນກຖະແຫຼງຂ່າວ, ວັເທະນະທຳ ແລະ ທ່ອງທ່ຽວ ແຂວງເຊກອງ ໄດ້ຈັດຕັ້ງເຜີຍແຜ່ເອກກະສານ ການຕິດຕາມ, ກວດກາ ແລະ ການຈັດຕັ້ງປະຕິບັດນິຕິກຳລຸ່ມ ກົດໝາຍ, ໂດຍການເປັນປະທານຂອງ ທ່ານ ບຸນທົງ ຖິ່ນດອນໂຂງ ຮອງເລຂາຄະນະພັກຮາກຖານ, ຮອງຫົວໜ້າພະແນກ ຖວທ ແຂວງເຊກອງ, ມີຄະນະພັກຮາກຖານ, ຄະນະພະແນກ, ຄະນະໜ່ວຍພັກ, ສະມາຊິກພັກສົມບູນ, ສຳຮອງ ຕະຫຼອດຮອດພະນັກງານລັດຖະກອນເຂົ້າຮ່ວມ, ເຊິ່ງພິທີດັ່ງກ່າວໄດ້ຈັດຂຶ້ນໃນວັນທີ 5 ກໍລະກົດ 2017 ຢູ່ທີ່ ຫ້ອງປະຊຸມພະແນກ ຖວທ ແຂວງເຊກອງ.
ໃນພິທີ ທ່ານ ຈັນໄທ ຄຳມະນີວົງ ຮອງຫົວໜ້າພະແນກ ຖວທ ແຂວງເຊກອງ ໄດ້ຂຶ້ນຜ່ານຂໍ້ຕົກລົງເລກທີ 179/ຈຂ.ຊກ, ລົງວັນທີ 20/6/2017 ວ່າດ້ວຍແຕ່ງຕັ້ງຄະນະຕິດຕາມ, ກວດກາ ແລະ ຊຸກຍູ້ການປະຕິບັດມະຕິ, ດໍາລັດ, ຄໍາສັ່ງ, ຂໍ້ຕົກລົງ ຂອງລັດຖະບານ ແລະ ຄໍາເຫັນຊີ້ນໍາຂອງນາຍົກລັດຖະມົນຕີ ຢູ່ແຂວງເຊກອງ ແລະ ຂໍ້ຕົກລົງເລກທີ 32/ນຍ, ລົງວັນທີ 20/4/2017 ວ່າດ້ວຍການຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດມະຕິ, ຄໍາສັ່ງ, ຂໍ້ຕົກລົງ ຂອງລັດຖະບານ ແລະ ຄຳເຫັນຊີ້ນໍາຂອງນາຍົກລັດຖະມົນຕີ.
ທ່ານ ບຸນທົງ ຖິ່ນດອນໂຂງ ຮອງຫົວໜ້າພະແນກ ຖວທ ແຂວງ ໄດ້ຂຶ້ນຜ່ານຄໍາແນະນໍາເລກທີ 01/ສນຍ, ລົງວັນທີ 5/5/2017 ວ່າດ້ວຍການຈັດຕັ້ງປະຕິບັດຂໍ້ຕົກລົງເລກທີ 32/ນຍ, ລົງວັນທີ 20 ເມສາ 2017 ແລະ ແນະນຳວິທີການຈັດຕັ້ງປະຕິບັດນິຕິກຳລຸ່ມກົດໝາຍ ໃນຂົງເຂດວຽກງານ ຖະແຫຼງຂ່າວ, ວັດທະນະນຳ ແລະ ທ່ອງທ່ຽວ; ທັງນີ້ກໍ່ເພື່ອເຮັດໃຫ້ບັນດາຂະແໜງການ ກໍ່ຄືພະນັກງານ-ລັດຖະກອນ ເຊື່ອມຊຶມຢ່າງເລິກເຊິ່ງ ແລະ ນຳໄປຈັດຕັ້ງຜັນຂະຫຍາຍໃຫ້ສອດຄ່ອງກັບວຽກງານຕົວຈິງຢ່າງມີຜະສິດທິຜົນ, ພ້ອມນັ້ນ ກໍ່ເປັນເປັນການສັງເກດຕີລາຄາຄືນ ການຈັດຕັ້ງປະຕິບັດບັນດາມະຕິ, ຄໍາສັ່ງ, ຂໍ້ຕົກລົງ ຂອງລັດຖະບານ ດ້ານດີ, ດ້ານອ່ອນ ເພື່ອປັບປຸງແກ້ໄຂ ໃຫ້ມີຄວາມຖືກຕ້ອງ -ສອດຄ່ອງກັບສະພາບຕົວຈິງຂອງການພັດທະນາໃນແຕ່ລະໄລຍະ
Editor: ກຳປານາດ ລັດຖະເຮົ້າ
