ເມື່ອບໍ່ດົນມານີ້, ຄະນະໜ່ວຍພັກ-ໜ່ວຍທ່ອງທ່ຽວເມືອງຄໍາ ໄດ້ເປີດກອງປະຊຸມດໍາເນີນປັບປຸງປົວແປງພັກ ຂື້ນທີ່ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງຄຳ ແຂວງຊຽງຂວາງ. ໂດຍພາຍໃຕ້ການເປັນປະທານຂອງທ່ານ ພູວັນ ດົງມາລາ ເລຂາໜ່ວຍພັກໜ່ວຍທ່ອງທ່ຽວ, ມີຄະນະໜ່ວຍພັກ ພ້ອມດ້ວຍສະມາຊິກພັກເຂົ້າຮ່ວມຢ່າງພ້ອມພຽງ.
ທ່ານ ພູວັນ ດົງມາລາ ເລຂາໜ່ວຍພັກ-ໜ່ວຍທ່ອງທ່ຽວ ກໍ່ໄດ້ຂື້ນຜ່ານເອກະສານເດັດດ່ຽວປັບປຸງປົວແປງພັກ, ໃຫ້ປອດໃສເຂັ້ມແຂງ ແລະ ໜັກ ແໜ້ນໃຫ້ຮູ້ວ່າ: ພັກປະຊາຊົນ ປະຕິວັດລາວ ເປັນພັກກຳອຳນາດ, ເປັນແກນນຳປະຫວັດສາດໃນການນຳພາປະເທດຊາດ ໃຫ້ລຸດພົ້ນອອກຈາກດ້ອຍພັດທະນາ, ເຮັດໃຫ້ປະຊາຊົນຮັ່ງມີ-ຜາສຸກ, ປະເທດຊາດມັ່ງຄັ່ງ-ເຂັ້ມແຂງ, ສັງຄົມມີຄວາມສາມັກຄີ-ປອງດອງ, ມີປະຊາທິປະໄຕ, ຍຸຕິທຳ ແລະ ສີວິໄລເພື່ອກ້າວຂື້ນສູ່ ສັງຄົມນິຍົມ, ມີເງື່ອນໄຂເສດຖະກິດຕະຫຼາດເຊື່ອມໂຍງພາກພື້ນ ແລະ ສາກົນທີ່ພົບກັບສິ່ງທີ່ອຳນວຍ ແລະ ສິ່ງທ້າທ້າຍແມ່ນຄວາມຈຳເປັນພາວະວິໃສ, ຄວາມຮີບດ່ວນ, ພ້ອມທັງເອົາໃຈໃສ່ແກ້ໄຂຄຸນທາດການເມືອງຄຸນສົມບັດສີນທຳປະຕິວັດ, ແບບແຜນວິທີເຮັດວຽກ, ນ້ຳໃຈຮັບໃຊ້ປະຊາຊົນ ແລະ ຄວາມເສຍສະຫຼະເພື່ອສ່ວນລວມຂອງສະມາຊິກພັກ ພະນັກງານເປັນຕົ້ນແມ່ນສໍ້ລາດບັງຫຼວງ ທີ່ຍັງມີລັກສະນະແຜ່ລາມ ແລະ ຍັງບໍ່ທັງໄດ້ຮັບການແກ້ໄຂຢ່າງເຂັ້ມງວດເດັດຂາດ. ສະມາຊິກພັກ-ພະນັກງານທຸກຂັ້ນຕ້ອງມີ ທັດສະນະຊົນຊັ້ນ, ຫຼັກໝັ້ນມິດ ແລະ ສັດຕູ, ມີຄວາມເດັດດ່ຽວໜຽວແໜ້ນຕໍ່ອຸດົມການສັງຄົມນິຍົມ ເຊັ່ນ: ມີຄວາມເຊື່ອໝັ່ນຢ່າງຕາຍໃຈຕໍ່ອຸດົມການສັງຄົມນິຍົມ, ມີຫຼັກໝັ້ນມິດ ແລະ ສັດຕູອັນຈະແຈ້ງ, ມີຄວາມຮູ້ເລິກເຊິ່ງກ່ຽວກັບລັດທິມາກ-ເລນິນ ແລະ ແນວທາງແຜນນະໂຍບາຍຂອງພັກ, ມີຄວາມເຊື້ອໝັ້ນຢ່າງໜັກແໜ້ນຕໍ່ກຳລັງແຮງ ແລະ ສະຕິປັນຍາພ້ອມທັງເຄົາລົບ ແລະ ປະຕິບັດກົດລະບຽບຂອງພັກ, ກົດໝາຍຂອງລັດຢ່າງເຂັ້ມງວດ, ມີນ້ຳໃຈເສຍສະຫຼະ, ມີຄວາມດຸໝັ້ນ, ພາກພຽນ, ຊື່ສັດ, ປະຍັດ ແລະ ປອດໃສ.
ຫຼັງຈາກນັ້ນ ກໍ່ຍັງໄດ້ມີການປ່ອນບັດທາບທາມຄະແນນສຽງຄວາມເຊື້ອໝັ້ນໄວ້ວາງໃຈ, ຕໍ່ຄະນະພັກ, ຄະນະຫ້ອງການທົ່ວໜ້າໜ່ວຍງານ, ຮອງຫົວໜ້າໜ່ວຍງານ ແລະ ສາມະຊິກພັກທັງໝົດພ້ອມນັ້ນສະ ມາຊິກພັກທຸກສະຫາຍກໍ່ຍັງໄດ້ຂື້ນຜ່ານບົດສຳຫຼວດຕົນເອງ. ໃນຕອນທ້າຍ ທ່ານ ພູວັນ ດົງມາລາ ເລຂາໜ່ວຍພັກໜ່ວຍທ່ອງທ່ຽວ ກໍ່ຍັງໄດ້ຂື້ນໂອ້ລົມໃຫ້ຄຳຄິດຄຳເຫັນກ່ອນອື່ນໝົດສະຫາຍໄດ້ຍົກໃຫ້ເຫັນເຖິງຄວາມໝາຍຄວາມສຳຄັນຕໍ່ການປັບປຸງປົວແປງພັກ ໃນຄັ້ງນີ້ພ້ອມທັງໃຫ້ທິດຊີ້ນຳຕໍ່ຄະນະພັກ, ສາມະຊິກພັກຈົ່ງພ້ອມກັນນຳເອົາເນື້ອໃນຈິດໃຈກອງປະຊຸມໃນຄັ້ງນີ້ໄປຈັດຕັ້ງປະຕິບັດ ແລະ ຜັນຂະຫຍາຍໃຫ້ໄດ້ຮັບປະສິດທິພາບສູງຂື້ນເທື່ອລະກ້າວ. ນອກຈາກນັ້ນກໍ່ຍັງປ່ອດບັດທາບທາມລົງຄະແນນສຽງຄວາມເຊື້ອໝັ້ນໄວ້ວາງໃຈຕໍ່ຄະນະບໍລິຫານງານພັກເມືອງ ແລະ ພະນັກງານນຳພາຄຸ້ມຄອງຂອງເມືອງຕື່ມອີກ.
Editor: ກຳປານາດ ລັດຖະເຮົ້າ
