ໂຄງການປັບປຸງຊິວິດການເປັນຢູ່ ຂອງປະຊາຊົນຜູ້ທຸກຍາກປະຈໍາເມືອງເຊໂປນໄດ້ຈັດກອງປະຊຸມສະຫລຸບຖອດຖອນບົດຮຽນ ແລະ ປິດໂຄງການຂື້ນຢ່າງເປັນທາງການເມື່ອບໍ່ດົນມານີ້, ຢູ່ສະໂມສອນຫ້ອງວ່າການເມືອງ ດັ່ງກ່າວ, ໂດຍການເປັນປະທານຂອງ ທ່ານ ຄໍາຫລ້າ ພົມມີໄຊ ຮອງເຈົ້າເມືອງເຊໂປນ, ທ່ານ ທອງພອນ ອຸດານິດ ຮອງຫົວໜ້າພະແນກແຮງງານສະຫວັດດີການ-ສັງຄົມແຂວງ, ທ່ານ ໂລນານໂດ້ ຫົວໜ້າອົງການໃຫ່ຍ ໂຄງການປັບປຸງຊິວິດການເປັນຢູ່ຂອງປະຊາຊົນຜູ້ທຸກຍາກ(RLP), ເຂົ້າຮ່ວມມີບັນດາ ທ່ານຫົວໜ້າ, ຮອງຫົວໜ້າຫ້ອງການອອ້ມຂ້າງ, ຄະນະກໍາມະການຜູ້ປະສານງານໂຄງການບ້ານເປົ້າໝາຍ, ພ້ອມດ້ວຍຄະນະທິມງານໂຄງການ ແລະ ບ້ານເຂົ້າຮ່ວມຢ່າງພ້ອມພຽງ.
ໃນທີ່ປະຊຸມຕ່າງໜ້າໂຄງການຂື້ນຜ່ານບົດສະຫລຸບການຈັດຕັ້ງປະຕິບັດ ວຽກງານໃນໄລຍະຜ່ານມາຊື່ງໂຄງການປັບປຸງຊິວິດການເປັນຢູ່ຂອງປະຊາຊົນຜູ້ທຸກຍາກແມ່ນເລີ່ມຈັດຕັ້ງປະຕິບັດ ມາແຕ່ເດືອນຕຸລາ 2014 ຫາ ເດືອນມີຖຸນາ2017 ເປົ້າໝາຍຂອງໂຄງການແມ່ນເພື່ອສົ່ງເສີມຄອບຄົວຜູ້ທຸກຍາກ ເຮັດໃຫ້ຊິວິດການເປັນຢູ່ດີຂື້ນໂດຍສະເພາະແມ່ນເນັ້ນໃສ່ແມ່ຍີງ ໃຫ້ໄດ້ເຂົ້າເຖີງປັດໃຈການຜະລິດ, ການບໍລິຫານທາງດ້ານການເງີນ, ເຂົ້າເຖີງທາງດ້ານການທະຄານຕ່າງໆຊື່ງໄດ້ຮັບທຶນສະໜັບສະໜູນຈາກລັດຖະບານອົດສະຕາລີ ກະຊວງການຄ້າ ແລະ ຕ່າງປະເທດ ຄູ່ຮ່ວມງານຫລັກແມ່ນກະຊວງແຮງງານສະຫວັດດີການ-ສັງຄົມແຂວງ,ເມືອງ ແລະ ຄູ່ຮ່ວມງານອື່ນໆ ທີ່ກ່ຽວຂ້ອງ, ຄົວເຮືອນເປົ້າໝາຍທີ່ທຸກຍາກທັງໝົດ 408 ຄົວເຮືອນ ໃນ 7 ບ້ານເປົ້າ ໝາຍໃຫ່ຍ ໃນ 25 ຄຸ້ມບ້ານນ້ອຍ, ສົ່ງເສີມກິດຈະກໍາການລ້ຽງແບ້, ໝູ, ສັດປີກ,ຄ້າຂາຍເຄື່ອງຍ່ອຍ, ການປູກສວນກ້ວຍ, ຜົນໄດ້ຮັບເບື້ອງຕົ້ນທາງໂຄງການສະໜອງແບ້ 832 ໂຕເພີ້ມຂື້ນ1,714 ໂຕ, ສັດປີກ 570 ໂຕເພີ້ມຂື້ນ 1,032 ໂຕ, ໝູ 34 ໂຕເພີ້ມຂື້ນ 87 ໂຕ ແລະ ກິດຈະກໍາອື່ນໆ, ໃນທີ່ປະຊຸມບັນດາແຂກເຂົ້າຮ່ວມກໍ່ໄດ້ພັດປ່ຽນກັນຂື້ນປະກອບຄໍາຄິດຄໍາເຫັນເຈາະຈີ້ມບັນຫາຕ່າງໆເພື່ອມາປັບປຸງແກ້ໄຂຢ່າງກົງໄປກົງມາແລະສຶບຕໍ່ຈັດຕັ້ງປະຕິບັດໃນຕໍ່ໜ້າ ແລະ ໃນພິທີຍັງໄດ້ມອບໃບຍ້ອງຍໍຂອງທ່ານເຈົ້າເມືອງເຊໂປນ ໃຫ້ໂຄງການປັບປຸງຊິວິດການເປັນຢູ່ຂອງປະຊາຊົນຜູ້ທຸກຍາກໂດຍແມ່ນທ່ານຮອງເຈົ້າເມືອງເປັນຜູ້ມອບ, ຕາງໜ້າໂຄງການຂື້ນຮັບ, ຈາກນັ້ນກໍ່ໄດ້ຮ່ວມພີທີມອບ-ຮັບຊັບສິນພາຫະນະ ແລະ ອຸະກອນລະຫວ່າງໂຄງການແລະ ຫ້ອງການແຮງງານສະຫວັດດີການ-ສັງຄົມເມືອງ ຢ່າງເປັນທາງການ.
Editor: ກຳປານາດ ລັດຖະເຮົ້າ
