ໃນວັນທີ 17 ກໍລະກົດ ທີ່ຜ່ານມານີ້, ຄະນະຮັບຜິດຊອບພິພິທະພັນປະທານໄກສອນ ພົມວິຫານ ໄດ້ເປີດບັ້ນດໍາເນີນຊີວິດການເມືອງປັບປຸງປົວແປງພັກຂຶ້ນ. ໂດຍການເປັນປະທານຂອງ ທ່ານ ບຸນຂຽນ ສຸລິວົງ ຮອງເລຂາຄະນະພັກຮາກຖານ, ຮອງຫົວໜ້າຄະນະຮັບຜິດຊອບພິພິທະພັນໄກສອນ ພົມວິຫານ, ມີບັນດາຄະນະພັກ, ຄະນະນໍາຫ້ອງວ່າການສູນກາງພັກ, ຄະນະພັກຮາກຖານ, ເລຂາໜ່ວຍພັກ, ຮອງເລຂາໜ່ວຍພັກ, ຄະນະໜ່ວຍພັກ, ຫົວໜ້າພະແນກ, ຮອງພະແນກ, ແລະ ສະມາຊິກພັກສົມບູນເຂົ້າຮ່ວມ.
ອີງຕາມແຜນດຳເນີນຊີວິດການເມືອງປັບປຸງປົວແປງພັກ ທົ່ວອົງຄະນະພັກຮາກຖານຄະນະຮັບຜິດຊອບພິພິທະພັນໄກສອນ ພົມວິຫານ ສະບັບເລກທີ 28/ຄພຮ.ຄພກ ລົງວັນທີ 28 ມິຖຸນາ 2017. ໃນທົ່ວພັກ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດ ພວມຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 10 ຂອງພັກ ກໍ່ຄືມະຕິກອງປະຊຸມໃຫຍ່ຄັ້ງທີ 6 ອົງຄະນະພັກຫ້ອງວ່າການສູນກາງພັກ ແລະ ແຜນດຳເນີນງານຂອງຄະນະພັກຮາກຖານຄະນະຮັບຜິດຊອບພິພິທະພັນໄກສອນ ພົມວິຫານ.
ປະຈຸບັນກະຊວງ, ອົງການ, ນະຄອນຫຼວງວຽງຈັນ ແລະ ບັນດາແຂວງທົ່ວປະເທດ ພວມດຳເນີນຊີວິດການເມືອງ ປັບປຸງປົວແປງພັກ 2017 ຢ່າງເປັນຂະບວນຟົດຟື້ນ ແລະ ດໍາເນີນຊີວິດການເມືອງ ປັບປຸງປົວແປງພັກສຳເລັດເປັນຈຳນວນຫຼາຍ ຍັງມີຈຳນວນໜ້ອຍກຳລັງສືບຕໍ່ດຳເນີນໃຫ້ສຳເລັດໃນມໍ່ໆນີ້. ຄະນະຮັບຜິດຊອບພິພິ ທະພັນໄກສອນ ພົມວິຫານ ກໍ່ເປີດບັ້ນດໍາເນີນຊີວິດການເມືອງປັບປຸງປົວແປງພັກ ແລະ ເຊື່ອມຊຶມເອກະສານຕ່າງໆທີ່ສຳຄັນທີ່ກ່ຽວຂ້ອງ ກັບບັ້ນດຳເນີນຊີວິດການເມືອງປົວແປງພັກ. ການດຳເນີນຊີວິດການເມືອງໃນຄັ້ງນີ້ ຫຼັງຈາກຜ່ານບົດສະຫຼຸບການຕີລາຄາຊີ້ນໍານໍາພາໃນໄລຍະທີ່ຜ່ານມາ ແລະ ທິດທາງໃນຕໍ່ໜ້າຂອງຄະນະພັກຮາກຖານແລ້ວ ຜູ້ເຂົ້າຮ່ວມຍັງໄດ້ປະກອບຄຳຄິດເຫັນຕໍ່ຮ່າງບົດສະຫຼຸບ ແລະທິດທາງໃນຕໍ່ໜ້ານຳອີກດ້ວຍ.
Editor: ກຳປານາດ ລັດຖະເຮົ້າ
