ສະມາຊີກເອື້ອຍນ້ອງແມ່ຍີງທົ່ວເມືອງເຊໂປນ ພ້ອມກັນຫວນຄືນມູນເຊື້ອ ແລະ ຮັບຟັງບັນດາຜົນງານ, ການເຕີບໃຫ່ຍຂະຫຍາຍຕົວຂອງສະຫະພັນແມ່ຍີງລາວ ໃນຕະຫລອດໄລຍະ 62 ປີ ຜ່ານມາ (20 ກໍລະກົດ 1955-20 ກໍລະກົດ 2017 ) ເຊີ່ງພີທີປາຖະກະຖາວັນດັ່ງກ່າວ ໄດ້ຈັດຂື້ນທີ່ສະໂມສອນຫ້ອງວ່າການເມືອງເຊໂປນ ຂວງສະຫວັນນະເຂດ, ໂດຍການເປັນປະທານຂອງ ທ່ານ ວົງໄຊ ໄຊຍະຈັກ ຮອງເລຂາພັກເມືອງ, ຮອງເຈົ້າເມືອງເຊໂປນ, ທ່ານນາງ ພູທອງ ພົມມະຈັນ ກໍາມະການພັກເມືອງ, ປະທານສະຫະພັນແມ່ຍີງເມືອງ, ເຂົ້າຮ່ວມມີບັນດາຫົວໜ້າ, ຄະນະຫ້ອງການ ອອ້ມຂ້າງ, ໜ່ວຍ, ຮາກຖານພ້ອມດ້ວຍສະມາຊີກເອື້ອຍນ້ອງແມ່ຍີງ ເຂົ້າຮ່ວມ 100 ກວ່າຄົນ.
ທ່ານ ວົງໄຊ ໄຊຍະຈັກ ຮອງເຂົ້າເມືອງເຊໂປນ ໄດ້ຂື້ນເລົ່າປະຫວັດການກໍາເນີດ ແລະ ການເຕີບໃຫ່ຍຂະຫຍາຍຕົວຂອງສະຫະພັນແມ່ຍີງລາວ ເຮົານັບແຕ່ອາດີດຈົນເຖີງປະຈຸບັນຊື່ງມີບາງຕອນທ່ານກ່າວວ່າ: ພາຍຫລັງພັກປະຊາຊົນລາວ ໄດ້ຮັບການສ້າງຕັ້ງຂື້ນໃນວັນທີ 22 ມີນາ1955 ຈາກນັ້ນພັກ ໄດ້ເອົາໃຈໃສ່ໃນການປຸກລະດົມກໍ່ສ້າງໃຫ້ແມ່ຍີງ ມີຄວາມຕື່ນຕົວປະກອບສ່ວນໃນພາລະກິດປະຕິວັດ ແລະ ຖືແມ່ຍີງເປັນພາກສ່ວນໜຶ່ງໃນກໍາລັງແຮງທີ່ສໍາຄັນຂອງພັກ, ມາຮອດວັນທີ 20 ກໍລະກົດ 1955 ພັກໄດ້ຈັດຕັ້ງໜ່ວຍຄົ້ນຄ້ວາວຽກງານແມ່ຍີງເຊີ່ງເປັນຕົ້ນກໍາເນີດຂອງ ອົງການຈັດຕັ້ງສະຫະພັນແມ່ຍີງລາວ ມາເຖິງປະຈຸບັນຂື້ນຢ່າງເປັນທາງການ, ນັບແຕ່ມື້ສ້າງຕັ້ງເປັນຕົ້ນມາອົງການ ຈັດຕັ້ງແມ່ຍີງໄດ້ເຄື່ອນໄຫວຕາມພາລະບົດບາດ, ໜ້າທີ່ໆໄດ້ກໍານົດໄວ້ໃນໂຄງການດໍາເນີນງານໃນປີ 1958 ເຊີ່ງເປັນປີທໍາອິດໃນປະຫວັດສາດຂອງຊາດລາວເຮົາທີ່ການຈັດຕັ້ງແມ່ຍີງໄດ້ເຂົ້າຮ່ວມຄົ້ນຄ້ວາ ແລະ ສະເໜີໃຫ້ດັດແປງກົດໝາຍການເລືອກຕັ້ງຄືນໃໝ່ໂດຍໃຫ້ແມ່ຍີງລາວບັນດາເຜົ່າທີ່ມີອາຍຸ 18 ປີ ຂື້ນໄປມີສິດປ່ອນບັດເລືອກຕັ້ງ ແລະ ອາຍຸ 21ປີຂື້ນໄປມີສິດສະໝັກຮັບເລືອກຕັ້ງເປັນຜູ້ແທນລາດຊະດອນນັບແຕ່ນັ້ນມາແມ່ຍີງລາວບັນດາເຜົ່າຍີ່ງມີບົດບາດສູງເດັ່ນຂື້ນໃນສັງຄົມ ແລະ ໄດ້ຮັບການພັດທະນາທຸກດ້ານ.
Editor: ກຳປານາດ ລັດຖະເຮົ້າ
