ໃນເມື່ອບໍ່ດົນນີ້ ຫ້ອງການສະຫະພັນແມ່ຍິງກອງທັບ ໄດ້ຈັດພິທິລະນຶກວັນສ້າງຕັ້ງສະຫະພັນແມ່ຍິງ ຄົບຮອບ 62 ປີ, ຄືວັນທີ 20 ກໍລະກົດ 1955 ຫາ 20 ກໍລະກົດ 2017 ທີ່ສະໂມສອນກົມໃຫຍ່ການ ເມືອງກອງທັບໂດຍການເປັນປະທານຂອງທ່ານ ປ້າ ຄຳເມີງ ວໍລະຈິດ ພະນັກງານປະຕິວັດ ອາວຸໂສບໍາ ນານ, ຄອບຄົວການນຳຂັ້ນສູງ, ທ່ານ ນາງ ບົວຈັນສີຫານາດ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ທ່ານ ພົນຈັດຕະວາ ວັນທອງ ກອງມະນີ ຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ຜູ້ຊີນຳອົງການຈັດຕັ້ງມະຫາຊົນ ແລະ ພ້ອມດ້ວຍແມ່ຍິງແຕ່ລະກົມກອງເຂົ້າຮ່ວມ.
ໂອກາດດັ່ງກ່າວທ່ານ ປ້າ ຄຳເມີງ ວໍລະຈິດ ໄດ້ຂຶ້ນກ່າວຫວນຄືນວັນສ້າງຕັ້ງສະຫະພັນແມ່ຍິງ ຄົບ ຮອບ 62 ປີ, ເຊິ່ງຍົກໃຫ້ເຫັນມູນເຊື້ອການກຳເນີດເກີດຂຶ້ນ ແລະ ຂະບວນການຕໍ່ສູ້ຂອງເອື້ອຍນ້ອງແມ່ຍິງລາວ ໃນປີ 1893 ປະເທດລາວຕົກຢູ່ໃຕ້ແອກປົກຄອງຂອງພວກລ່າເມືອງຂຶ້ນແບບເກົ່າ, ພວກເຂົາໄດ້ເຂັ່ງຂ້າປະຊາຊົນຢາກໂຫດຮ້າຍປ່າເຖື່ອນ ຍ້ອນເຫັນໄດ້ຄວາມສຳຄັນໃນການຕໍ່ສູ້ຂອງປະຊາຊົນລາວ, ຜູ້ຮັກເຊື້ອແພງຊາດຈຶ່ງໄດ້ລຸກຂຶ້ນຕໍ່ສູ້ຕ້ານກັບພວກລ່າເມືອງຂຶ້ນແບບເກົ່າ ແມ່ຍິງລາວໄດ້ຄຽງບ່າຄຽງໄຫຼ່ກັບເພດຊາຍຕໍ່ສູ້ຢ່າງເດັດດ່ຽວ ເພື່ອໃຫ້ລູກຜົວຫຼຸດພົ້ນອອກຈາກການເກນໄປເປັນຂ້ອຍຂ້າຢ່າງບໍ່ມີຄ່າແຮງງານ ມາຮອດວັນທີ 20 ກໍລະກົດ 1955 ຈຶ່ງໄດ້ຈັດຕັ້ງວຽກງານແມ່ຍິງຂຶ້ນ ເຊິ່ງເປັນວັນກໍາເນີດຂອງອົງການຈັດຕັ້ງສະຫະພັນແມ່ຍິງ ເອື້ອຍນ້ອງແມ່ຍິງລາວບັນດາເຜົ່າ ໄດ້ປະກອບສ່ວນຕໍ່ສູ້ກູ້ຊາດ ຕ້ານກັບຈັກກະພັດຜູ້ຮຸກຮານສາມາດປົດປ່ອຍປະເທດຊາດໄດ້ຢ່າງສົມບູນໃນວັນທີ 2 ທັນວາ ປີ 1975 ຈາກນັ້ນ ທ່ານ ປ້າ ຄໍາເມີງ ວໍລະຈິດ ໄດ້ມອບເງິນສົດຈໍານວນ 60 ລ້ານກີບ ແລະ ທ່ານ ປ້າ ຄໍາອອນ ເພັດດາວເຮືອງ ໄດ້ມອບປື້ມປະຫວັດສາດເມືອງພວນ ຈຳນວນ 360 ຫົົົວ, ໃຫ້ຫ້ອງການສະຫະພັນແມ່ຍິງກອງທັບ ກ່າວຮັບໂດຍ ທ່ານ ພັນໂທ ນາງ ຄຳພູ ສິດທິເສນ ຄະນະບໍລິຫານງານສູນກາງສະຫະພັນແມ່ຍິງ, ຫົວໜ້າຫ້ອງການສະຫະພັນແມ່ຍິງກອງທັບ, ພ້ອມທັງໄດ້ສະແດງຄວາມຂອບອົກຂອບໃຈເປັນຢ່າງສູງ ພ້ອມນີ້ ຍັງໄດ້ຊົມການສະແດງສີລະປະຈາກ ພະນັກງານອາວຸໂສບຳນານ ແລະ ເອື້ອຍນ້ອງແມ່ຍິງຈາກກົມກອງອ້ອມຂ້າງຕື່ມອີກ.
Editor: ດາວໄຊ ສີວິໄລ
