ໜວ່ຍພັກຖະແຫຼງຂ່າວ, ວັດທະນະທຳ ແລະ ທອ່ງທ່ຽວ ໄດ້ສໍາເລັດການດຳເນີນຊີວິດການເມືອງປັບປຸງປົວແປງພັກ ຂຶ້ນວັນທີ 21 ກໍລະກົດ ນີ້ ທີ່ຫອ້ງປະຊຸມຫອ້ງການແຜ່ນການ ແລະ ການລົງທືນ ເມືອງທ່າແຕງ, ແຂວງເຊກອງ, ໂດຍເປັນປະທານຂອງ ທ່ານ ແສງສຸບັນ ໄຊສະຫວັນ ກຳມະການພັກເມືອງ ເລຂາໜວ່ຍພັກຖະແຫຼງຂ່າວ-ວັດທະນະທຳ ແລະ ທອ່ງທ່ຽວ, ເປັນກຽດເຂົ້າຮ່ວມຂອງ ທ່ານ ລົດແກ້ວ ເພັງພູນສະຫວັດ ຮອງເລຂາພັກເມືອງທ່າແຕງ, ຄະນະຮັບຜິດຊອບດຳເນີນຊີວິດການເມືອງ, ມີບັນດາສະຫາຍຄະນະໜ່ວຍພັກ, ແຂກຖືກເຊີນ ພ້ອມດ້ວຍສະມາຊິກພັກສົມບູນ ແລະ ສໍາຮອງໃນໜ່ວຍເຂົ້າຮ່ວມ.
ທ່ານ ສະຫຍາມ ຈັນທະສອນ ກໍາມະການກວດກາໜ່ວຍພັກ, ຮອງເລຂາໜ່ວຍພັກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ກ່າວວ່າ: ການດໍາເນີນຊີວິດການເມືອງ ປັບປຸງປົວແປງພັກໃຫ້ປອດໃສ່ເຂັ້ມແຂງ ແລະ ໜັກແໜ້ນ ຂອງໜ່ວຍພັກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ໃນຄັ້ງນີ້ ມີຜົນສໍາເລັດດ້ວຍຄຸນນະພາບ ໂດຍລວມສະມາຊິກພັກທຸກສະຫາຍ ໄດ້ເອົາໃຈໃສ່ເຊື່ອມຊືມບັນດາເນື້ອໃນເອກະສານ ເດັດດ່ຽວປັບປຸງປົວແປງພັກໃຫ້ປອດໃສ່,ເຂັ້ມແຂງ ແລະ ໜັກ ແໜ້ນ ເຊິ່ງເຮັດໃຫ້ສະມາຊິກພັກຮັບຮູ້ ແລະ ເຂົ້າໃຈຢ່າງເລິກເຊິ່ງ,ສາມາເຮັດໃຫ້ສະມາຊິກພັກ ມີຄວາມເຂົ້າໃຈ 90 ສ່ວນຮ້ອຍ, ຂະນະດຽວກັນ ສະມາຊິກພັກ ໄດ້ເອົາໃຈໃສ່ຕໍານິສົ່ງຂ່າວ, ກໍ່ສ້າງຊ່ວຍເຫຼືອເຊິ່ງກັນ ແລະ ກັນ ດ້ວຍຄວາມຈິງໃຈ,ມີຄວາມຮັບຜິດຊອບສູງ,ສົງຜົນເຮັດໃຫ້ສະມາຊິກພັກແຂງມີ 21 ສະຫາຍ, ກວມເອົາ 87 ກວ່າສ່ວນຮ້ອຍ, ສະມາຊິກພັກກາງມີ 3 ສະຫາຍ, ກວມເອົາ 12 ກວ່າສ່ວນຮ້ອຍ, ນອກຈາກນີ້ ການລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ຄະນະພັກ,ຄະນະໜ່ວຍພັກ,ຫົວໜ້າຫ້ອງການ, ຮອງຫ້ອງການ ແລະ ຫົວໜ້າໜ່ວຍງານ ມີຄວາມເຊື່ອໝັ້ນໄວ້ວາງໃຈ 100 ສ່ວນຮ້ອຍ, ໃນຈໍານວນ 5 ສະຫາຍ, ຍິງ 3 ສະຫາຍ, ກວມເອົາ 25 ສ່ວນຮ້ອຍ,ເຊື່ອຜົນໄວ້ວາງໃຈ 80 ເຖິງ 95 ສ່ວນຮ້ອຍ ຈໍານວນ 12 ສະຫາຍ, ຍິງ 1 ສະຫາຍ, ກວມເອົາ 60 ສ່ວນຮ້ອຍ ແລະ ເຊື່ອໝັ້ນໄວ້ວາງໃຈ 75 ສ່ວນຮ້ອຍ, ມີຈໍານວນ 3 ສະຫາຍ, ກວມເອົາ 15 ສ່ວນຮ້ອຍ ຂອງຈໍານວນສະມາຊິກພັກທີ່ທາບທາມທັງໝົດ ມີ 21 ສະຫາຍ.
ໂອກາດທີ່ມີຄວາມໝາຍສຳຄັນນີ້ ທ່ານ ລົດແກ້ວ ເພັງພູນສະຫວັດ ຮອງເລຂາພັກເມືອງ ທ່າແຕງ ກໍ່ໄດ້ໃຫ້ກຽດໂອ້ລົມ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ຜົນງານທີ່ໜວ່ຍພັກ ຖະແຫຼງຂ່າວ, ວັດທະນະທຳ ແລະ ທອ່ງທ່ຽວ ຍາດມາໄດ້ໄລຍະຜ່ານມາ ພ້ອມເນັ້ນໃຫ້ບັນດາຄະນະພັກ,ຄະນະໜ່ວຍພັກ ພ້ອມດ້ວຍສະມາຊິກພັກທຸກສະຫາຍ ຈົ່ງສືບຕໍ່ເອົາໃຈໃສ່ໃນການເພີ່ມທະວີສຶກສາອົບຮົມ ການເມືອງ-ແນວຄິດ, ຍົກສູງຄວາມຮັບຜິດຊອບທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ປັບປຸງແບບແຜນວິທີນຳພາ, ວິທີເຮັດວຽກ,ແບບແຜນການດໍາລົງຊີວິດ, ການກໍ່ສ້າງພັກ,ສ້າງພະນັກງານສືບທອດປ່ຽນແທນ, ນຳພາຄຸ້ມຄອງຕໍ່ການປະຕິບັດໜ້າທີ່ການເມືອງ, ເພີ່ມທະວີຄວາມຮັບຜິດຊອບ, ເປັນເຈົ້າການປັບປຸງປ່ຽນແປງແກ້ໄຂບັນດາຂໍ້ຂາດຕົກບົກຜ່ອງ, ຈຸດອ່ອນ, ຂໍ້ຄົງຄ້າງ ດ້ວຕົວເອງ ເພື່ອປະກອບສ່ວນສ້າງພັກໃຫ້ມີຄວາມປອດໃສ່ເຂັ້ມແຂງ, ໜັກແໜ້ນ ໂດຍສະເພາະບັນດາພະຍາດທີ່ພວມລະບາດໃນຖັນແຖວພະນັກງານ,ສະມາຊິກພັກເປັນຕົ້ນ: ພະຍາດອາດຍາສິດ, ພະຍາດສໍ້ລາດບັງຫຼວງ, ອັກຄະຕິ, ຂາດລະບຽບວິໄນ ແລະ ພະຍາດຂີ້ຄ້ານມັກງ່າຍ. ທັງໝົດນີ້ ເປັນການກົດໜ່ວງທ່ວງດຶງຕໍ່ການພັດທະນາ, ຄວາມຈະເລີນກ້າວໜ້າຂອງປະເທດຊາດ ຈະຕ້ອງເດັດດ່ຽວແກ້ໄຂດ້ວຍວິທີການ, ມາດຕະການຢ່າງເຂັ້ມງວດ ແລະ ຮັດກຸ່ມໃຫ້ດີຂື້ນກວ່າເກົ່າ.
Editor: ກຳປານາດ ລັດຖະເຮົ້າ
