ວັນທີ 18 ກໍລະກົດ 2017 ນີ້, ຫ້ອງການຊາວໜຸ່ມເມືອງເຊໂປນ ໄດ້ຈັດກອງປະຊຸມຄົບຄະນະບໍລິຫານງານຊາວໜຸ່ມ ເມືອງຄັ້ງທີ 2 ສະໄໝທີ 8 ຂື້ນຢ່າງເປັນທາງການ, ທີ່ສະໂມສອນຫ້ອງວ່າການເມືອງ ດັ່ງກ່າວ, ໂດຍການເປັນປະທານຂອງທ່ານ ບຸນມາ ໄຊຍະກູລາງ ຮອງເລຂາພັກເມືອງເຊໂປນ, ຜູ້ຊີ້ນໍາອົງການຈັດຕັ້ງມະຫາຊົນ, ທ່ານນາງ. ເພັດສະໜອນ ພິລາວັນ ກໍາມະການພັກເມືອງ, ເລຂາຄະນະບໍລິຫານງານຊາວໜຸ່ມເມືອງເຊໂປນ, ມີບັນດາຄະນະກໍາມະການບໍລິຫານງານຊາວໜຸ່ມ ປະຊາຊົນ ປະຕິວັດລາວ ສະໄໝທີ 8, ເລຂາໜ່ວຍ, ຮາກຖານຊາວໜຸ່ມຫ້ອງການ, ໂຮງຮຽນ, ບ້ານ, ຫົວໜ້າ,ຄະນະຫ້ອງການອອ້ມຂ້າງເຂົ້າຮ່ວມ 70 ກວ່າທ່ານ. ໃນພີທີບັນດາແຂກເຂົ້າຮ່ວມຈະໄດ້ຮັບຟັງການລາຍງານການຈັດຕັ້ງປະຕິບັດວຽກງານຊາວໜຸ່ມ-ເຍົາວະຊົນ ຂອງຄະນະຊາວໜຸ່ມ ໃນໄລຍະ 1 ປີ ຜ່ານມາສົກປີ 2016 ພ້ອມທິດທາງແຜນການ 1 ປີຕໍ່ໜ້າສົກ 2017, ທົ່ວເມືອງມີ 36 ຮາກຖານ, 124 ໜ່ວຍ, ມີຊາວໜຸ່ມໃນເກນອາຍຸ 15-35ປີ 10,935 ຄົນ, ຍີງ 5,714 ໃນນີ້ສະມາຊີກຊາວໜຸ່ມ ປປລ ຈຳນວນ 2,386 ຄົນ,ຍີງ 1,210 ຄົນ, ປະຈຸບັນສາມາດປະກາດ ແລະ ຮັບຮອງເປັນຊາວໜຸ່ມຕົວແບບ 4 ບຸກໄດ້ແລ້ວ 27 ຮາກຖານເທົ່າ 75 ສ່ວນຮ້ອຍ, ໜ່ວຍຊາວໜຸ່ມຕົວແບບ 4 ບຸກ96 ໜ່ວຍເທົ່າ 77 ສ່ວນຮ້ອຍ ແລະ ວຽກງານອື່ນໆໃນກອງປະຊຸມຍັງໄດ້ໃຫ້ແຕ່ລະພາກສ່ວນພັດປ່ຽນກັນຂື້ນນໍາສະເໜີປະກອບຄໍາຄິດຄໍາເຫັນ ຄົ້ນຄວ້າເຈາະຈີ້ມບັນຫາຕ່າງໆກ່ຽວກັບແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກ, 3 ດີ 4 ຮູ້ ຂອງເຍົາວະຊົນຢ່າງກົງໄປກົງມາ, ສຸດທ້າຍ ທ່ານ ບຸນມາ ໄຊຍະກູລາງ ຮອງເລາພັກເມືອງ, ຜູ້ຊີ້ນໍາອົງການຈັດຕັ້ງມະຫາຊົນໄດ້ໃຫ້ກຽດຂື້ນໂອ້ລົມ ແລະ ໃຫ້ທິດເຍື່ອງທາງແກ່ກອງປະຊຸມຊື່ງກ່ອນອື່ນທ່ານ ໄດ້ຍ້ອງຍໍແລະຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ແລະ ຮຽກຮ້ອງໃຫ້ຄະນະບໍລິຫານງານຊາວໜຸ່ມ ສະໄໝທີ 8 ຕ້ອງມີທັດສະນະ ແລະຈຸດຢືນທີ່ຖືກຕ້ອງມີທັດສະ, ພາວະວິໄສ, ມີຄວາມຮັບຜິດຊອບສູງ, ສຸມໃສ່ຄົ້ນຄ້ວາ, ຜັນຂະຫຍາຍແຜນງານພັດທະນາວຽກງານຊາວໜຸ່ມເຍົາວະຊົນ ຄັ້ງທີ 1 ໄປສູ່ໜ່ວຍ,ຮາກຖານບ້ານໃຫ້ປະກົດຜົນເປັນຈິ່ງ, ເອົາໃຈໃສ່ເພີ່ມທະວີສຶກສາອົບຮົມການເມືອງແນວຄິດໃຫ້ໜັກແໜ້ນເຂັ້ມແຂງຮອບດ້ານ, ນໍາເອົາແນວທາງການນໍາຂອງພັກໄປເຜີຍແຜ່ຈັດຕັ້ງຜັນຂະຫຍາຍຢ່າງກວ້າງຂວາງ, ເອົາໃຈໃສ່ປັບປຸງກໍ່ສ້າງເຍົາວະຊົນ-ອະນຸຊົນ ເປັນ ພີເສດເພາະເຂົາເຈົ້າຄືໜໍ່ແໜ່ງຂອງປະເທດຊາດ ແລະ ເປັນຜູ້ສຶບທອດພາລະກິດຂອງຊາວໜຸ່ມໃນຕໍ່ໜ້າ, ເພີ່ມທະວີການພົວພັນຮ່ວມມືກັບອົງການຈັດຕັ້ງຊາວໜຸ່ມຂັ້ນຕ່າງໆຢ່າງສະໜໍ່າສະເໜີ.
Editor: ກຳປານາດ ລັດຖະເຮົ້າ
