ວັນທີ 17 ກໍລະກົດຜ່ານມານີ້, ທ່ານ ດິ່ງ ກົວ ຈ່າງ, ຕ່າງຫນ້າ ບໍລິສັດ ຊັ່ງຈ່ຽງລາວ ຈຳກັດຜູ້ດຽວ ສູນການຄ້າສາກົນຊັ່ງຈ່ຽງ, ນະຄອນຫລວງວຽງຈັນ ໄດ້ອອກມາຖະແຫລງຂ່າວ ເພື່ອສະແດງຄວາມເສຍໃຈກັບຊາວຄ້າຂາຍ ທີ່ໄດ້ຮັບຄວາມເສຍຫາຍ ຈາກເຫດການໄຟໄໝ້ສູນການຄ້າຂອງຕົນຢ່າງຮຸນແຮງ ເມື່ອວັນທີ 14 ກໍລະກົດຜ່ານມາຜ່ານມາ
ສູນການຄ້າ ຊັ່ງຈ່ຽງຕຶກເກົ່າ ຖຶກໄຟໄໝ້ ມີທັງໝົດ 269 ຮ້ານ, ໃນນັ້ນມີ 212 ຮ້ານ ແລະ ຮ້ານອ້ອມນອກອີກ 57 ຮ້ານ ສ່ວນຫລາຍແມ່ນຫມົດສັນຍາເຊົ່າກັບບໍລິສັດແລ້ວໃນທ້າຍປີທີ່ຜ່ານມາ ແລະ ບໍລິສັດກໍ່ມີແຜນວ່າ ຫລັງຈາກສ້າງຕຶກໃຫມ່ສຳເລັດ ຈະມ້າງສູນການຄ້າຕຶກເກົ່າ ແລ້ວຍ້າຍແມ່ຄ້າໄປຕຶກໃຫມ່ ກ່ອນເດືອນເມສາ 2017 ແຕ່ເນື່ອງຈາກວ່າຕຶກໃຫມ່ຍັງສ້າງບໍ່ສຳເລັດ ຈຶ່ງໃຫ້ແມ່ຄ້າສືບຕໍ່ຂາຍໃນຕຶກເກົ່າໄປກ່ອນ. ຈົນມາເຖິງວັນທີ 14 ກໍລະກົດ ຈຶ່ງເກີດອັກຄີໄພເກີດຂື້ນສາກ່ອນ,
ຕໍ່ກັບເຫດການນີ້ ເພື່ອເປັນການແກ້ໄຂສະເພາະຫນ້າທາງບໍລິສັດ ກໍ່ໄດ້ແຕ່ງຕັ້ງຄະນະສະເພາະກິດຂື້ນ ເພື່ອສືບສວນສອບສວນເຖິງສາເຫດ ແລະ ມູນຄ່າການເສຍຫາຍຂອງການເກີດອັກຄີໄພ ພ້ອມດຽວກັນນັ້ນ ກໍ່ຍັງສືບຕໍ່ສ້າງຕຶກໃຫມ່ ທີ່ຄືບຫນ້າແລ້ວ 70 ສ່ວນຮ້ອຍ ແລະ ຈະໃຫ້ສຳເລັດທັນໃນທ້າຍປີນີ້.
ແນວໃດກໍ່ຕາມ ຕໍ່ກັບເຫດການທີ່ເກີດຂື້ນ ໄດ້ສ້າງຄວາມບໍ່ພໍໃຈຫລາຍ ຕໍ່ກັບແມ່ຄ້າຊາວຂາຍ ແລະ ໃນຄະນະດຽວກັນ ແມ່ຄ້າຫລາຍຄົນຍັງສົງໃສ ຕໍ່ກັບການບໍ່ມີຄຳຕອບ ເຖິງການຈັດຕັ້ງປະຕິບັດຂອງພາກສ່ວນທີ່ກ່ຽວຂ້ອງ ກໍ່ຄື ບໍລິສັດ ໂດຍສະເພາະ ຈະມີທາງອອກແບບໃດ ໃຫ້ແກ່ແມ່ຄ້າຊາວຂາຍ ໃນຊົດເຊີຍມູນຄ່າເສຍຫາຍ ແລະ ອື່ນໆ.
Editor: ຕະວັນ ແສງສະຫວັນ
