ບ່າຍວັນທີ 25 ກໍລະກົດ ທີ່ສຳນັກງານສູນກາງແນວລາວສ້າງຊາດ ໄດ້ມີການພົບປະສອງຝ່າຍ ລະຫ່ວາງ ຄະນະຜູ້ແທນຂອງຄະນະຂົນຂວາຍປະຊາຊົນ ພັກກອມມູນິດແຫ່ງ ສາທາລະນະລັດ ສັງຄົມນິຍົມຫວຽດນາມ ກັບ ຄະນະກຳມະການສູນກາງແນວລາວສ້າງຊາດ ເນື່ອງໃນໂອກາດເດີນທາງມາຢ້ຽມຢາມ ແລະ ເຮັດວຽກທີ່ນະຄອນຫລວງວຽງຈັນ. ຄະນະກຳມະການສູນກາງແນວລາວສ້າງຊາດ ໄດ້ຕ້ອນຮັບຄະນະຜູ້ແທນຂັ້ນສູງ ຄະນະຂົນຂວາຍປະຊາຊົນຂອງພັກຄອມມູນິດຫວຽດນາມ ດ້ວຍຄວາມອົບອຸ່ນ ການເດີນທາງມາຄັ້ງນີ້ິ ຂອງຄະນະເຊິ່ງນຳໂດຍ ທ່າວ ຊວນ ຊຸ່ງ ກຳມະການສູນກາງພັກ,ຮອງຫົວໜ້າຄະນະຂົນຂວາຍປະຊາຊົນສູນກາງພັກ ກອມມູນິດ ຫວຽດນາມ,. ພ້ອມດ້ວຍ ທ່ານ ຫງຽນ ວັນ ຮຸ່ງ ຮອງຫົວໜ້າຄະນະຂົນຂວາຍປະຊາຊົນສູນກາງພັກ ກອມມູນິດ ຫວຽດນາມ ພ້ອມດ້ວຍຄະນະ.
ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້, ແມ່ນຢູ່ໃນບັນຍາກາດທີ່ດີ ມີຄວາມໜາຍສຳຄັນ ເປັນການປະກອບສ່ວນເພີ່ມທະວີສາຍພົວພັນຮ່ວມມືອັນເປັນມູນເຊື້ອ ລະຫວ່າງ ລາວ-ຫວຽດນາມ ສືບຕໍ່ຂະຫຍາຍຕົວທັງລວງກ້ວາງ ແລະ ລວງເລິກ ກາຍເປັນຄວາມສາມັກຄີພິເສດ ແລະ ການຮ່ວມມືຮອບດ້ານ: ອັນສຳຄັນໃນປີ 2017 ນີ້ ແມ່ນປີທີ່ສອງພັກ-ສອງລັດ ແລະ ປະຊາຊົນສອງປະເທດ (ລາວ-ຫວຽດນາມ, ຫວຽດນາມ-ລາວ ) ສະເຫລີມສະຫລອງວັນປະຫວັດສາດທີ່ສຳຄັນ ແຫ່ງການພົວພັນລະຫວ່າງສອງຊາດຄື: ວັນເຊັນສົນທິສັນຍາການພົວພັນ-ການຮ່ວມມືຮອດດ້ານ ຄົບຮອບ40 ປີ, ວັນສ້າງຕັ້ງສາຍພົວພັນການທູດ ຄົບຮອບ 55 ປີ ເພື່ອສ້າງຂະບວນການໃຫ້ແກ່ສອງວັນສຳຄັນດັ່ງກ່າວ: ສຳລັບສູນກາງແນວລາວສ້າງຊາດ ກໍ່ໄດ້ສຳເລັດການເຂົ້າຮ່ວມກອງປະຊຸມປະທານ 3 ແນວໂຮມ ລາວ-ຫວຽດນາມ-ກຳປູເຈຍ ທີ່ໄດ້ຈັດຂຶ້ນທີ່ນະຄອນຫລວງຮ່າໂນ້ຍ ສສ ຫວຽດນາມ ໃນທ້າຍເດືອນ ມີຖຸນາ 2017 ຜ່ານມາ,ສຳເລັດການເຂົ້າຮ່ວມກອງປະຊຸມເສີມສ້າງຊາຍແດນສັນຕິພາບ-ມິດຕະພາບ ແລະ ຮ່ວມມືກັນພັດທະນາ ທີ່ໄດ້ຈັດຂຶ້ນຢູ່ແຂວງກວາງບິງ ສສ ຫວຽດນາມ ໃນກາງເດືອນ ກໍລະກົດ 2017 ຜ່ານມານີ້.
Editor: ກຳປານາດ ລັດຖະເຮົ້າ
