ວັນທີ່ 21 ກໍລະກົດ 2017 ຄະນະຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງຄຳ ໄດ້ຈັດພິທີປິດການອອກໃບຕາດິນເປັນລະບົບ ໃຫ້ບ້ານຈອມທອງ ເຊີ່ງພິທີໄດ້ຈັດຂື້ນ ທີ່ສະໂມສອນສຳນັກ ງານປົກຄອງເມືອງຄຳ ແຂວງຊຽງຂວາງ ໂດຍການເປັນປະທານຂອງ ທ່ານນາງ ບຸນມີ ສົມພັນສຸກ ຄະນະປະຈຳພັກເມືອງ, ຮອງເຈົ້າ ເມືອງ-ເມືອງຄຳ, ເປັນກຽດເຂົ້າຮ່ວມຂອງ ທ່ານ ຄຳພູ ຈັນທະວົງ ກຳມະການພັກແຂວງ ຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງຊຽງຂວາງ, ມີຫົວໜ້າ, ຮອງຫົວໜ້າ, ພະນັກງານ ລັດຖະກອນ ຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ພ້ອມດ້ວຍພໍ່ແມ່ປະຊາຊົນ ບ້ານຈອມທອງ ເຂົ້າຮ່ວມທັງໝົດ 188 ຄົນ.
ໃນພິທີ ທ່ານ ບຸນໄທ ລາວຈົງກົວ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດ ລ້ອມເມືອງ ໄດ້ຂື້ນຜ່ານບົດສະຫຼຸບໃຫ້ຮູ້ວ່າ: ບ້ານຈອມທອງ ເປັນບາງໜຶ່ງທີຕັ້ງຢູ່ໃຈກາງ ເທດສະບານ ເມືອງຄຳ ຢູ່ລຽບຕາມສາຍທາງເລກ 7 ແລະ ສາຍທາງ ເລກ 1C, ມີພົນລະເມືອງທັງໝົດ 2,277 ຄົນ, ຍິງ 1,189 ຄົນ, ມີ 387 ຫຼັງຄາເຮືອນ, ມີ 448 ຄອບຄົວ, ມີ 3 ຊົນເຜົ່າອາໃສຢູ່ຮ່ວມກັນ, ມີເນື້ອທີ່ລວມ ຂອງບ້ານ ທັງໝົດ ( 2 ລ້ານ 3 ແສນ 1 ຫມື່ນ 679 ຕາແມັດ) , ເນື້ອທີ່ດິນປຸກສ້າງ ແລະ ດິນນາ ( 1 ລ້ານ 1 ແສນ 6 ຫມື່ນ 2 ພັນ 559 ຕາແມັດ), ສໍາເລັດການສຳຫຼວດໄດ້ 779 ຕອນ ມີເນື້ອທີ່ ( 1 ລ້ານ 4 ແສນ 6 ຫມື່ນ 2 ພັນ 618 ຕາແມັດ ) ດິນບຸກຄົນ 719 ຕອນ ມີເນື້ອທີ່ ( 9 ແສນ 1 ຫນື່ນ 5 ພັນ 171 ຕາແມັດ ) ດິນລັດ 60 ຕອນ ມີເນື້ອທີ່ ( 2 ແສນ 3 ຫມື່ນ 330 ຕາແມັດ ) , ດິນປຸກສ້າງ 37 ຕອນ ມີເນື້ອທີ່ ( 1 ແສນ 3 ຫມື່ນ 1 ພັນ 829 ຕາແມັດ) , ດິນກະສີກໍາ 23 ຕອນ ມີເນື້ອທີ່( 9 ຫມື່ນ 8 ພັນ 501 ຕາແມັດ), ຈັດປະເພດສິດນໍາໃຊ້ທີ່ດິນໄດ້ 410 ຕອນ ມີເນື້ອທີ່ ( 4 ແສນ 9 ຫມື່ນ 2 ພັນ 862 ຕາແມັດ ), ດິນບຸກຄົນ 402 ຕອນ ມີເນື້ອທີ່ ( 4 ແສນ 6 ຫນື່ນ 4 ພັນ 221 ຕາແມັດ) , ດິນລັດ 8 ຕອນ ມີເນື້ອທີ່ 28,641 ຕາແມັດ. ພາຍໃນບ້ານຍັງມີອາຊີບການປູກຝັງລ້ຽງສັດ, ຄ້າຂາຍເປັນອາຊີບຫຼັກພ້ອມທັງມີອາຊີບເສີມໃນການສ້າງ ຫັນທະກຳ, ຕ່ຳຫູກທໍໄໝ ເຊິ່ງສາມາດສ້າງລາຍຮັບເຂົ້າບ້ານໄດ້ເຖິງ ( 27 ຕື້ 329 ລ້ານ ກວ່າກີບ) ສະເລ່ຍໃສ່ຄີງຄົນໜຶ່ງໄດ້ 11 ລ້ານ 9 ແສນກວ່າກີບ ຕໍ່ຄົນຕໍ່ປີ. ນອກຈາກນີ້ກໍ່ຍັງຈະໄດ້ແກ້ ໄຂຈຸດອ່ອນ ແລະ ຂໍ້ຄົງຄ້າງເຊັ່ນ: ການນຳເອົາເອກະສານໃບຕາ ດິນລົງເຜີຍແຜ່ເຊື່ອມຊືມໃຫ້ແກ່ຄະນະພັກ ອຳນາດການປົກຄອງບ້ານ ພ້ອມດ້ວຍພໍ່ແມ່ປະຊາຊົນໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຂື້ນ. ພ້ອມທັງ ໄດ້ຜ່ານທິດທາງແຜນການໃນຕໍ່ໜ້າຕື່ມອີກ. ຫຼັງຈາກນັ້ນບັນດາຜູ້ແທນໃນພິທີກໍ່ຍັງໄດ້ຜັດປ່ຽນກັນຂື້ນ ປະ ກອບຄຳຄິດຄຳເຫັນເຂົ້າໃນບົດສະຫຼຸບເພື່ອເຮັດໃຫ້ບົດສະຫູຸບດັ່ງກ່າວສົມບູນຂື້ນກ່ວາເກົ່າພ້ອມນັ້ນກໍ່ຍັງໄດ້ມີການມອບໃບຕາດິນຈຳນວນ 378 ໃບ ໃຫ້ແກ່ຄອບຄົວ.
ຕອນທ້າຍ ທ່ານນາງ ບຸນມີ ສົມພັນສຸກ ຄະນະປະຈຳພັກເມືອງ ຮອງເຈົ້າເມືອງ-ເມືອງຄຳ ກໍ່ຍັງໄດ້ໃຫ້ກຽດຂື້ນໂອ້ລົມໃຫ້ຄຳຄິດຄຳເຫັນກ່ອນອື່ນໝົດທ່ານຍັງໄດ້ຍົກໃຫ້ເຫັນເຖິງຄວາມໝາຍຄວາມສຳຄັນຂອງໃບຕາດິນພ້ອມທັງກ່າວຍ້ອງຍໍຊົມເຊີຍຕໍ່ຜົນງານທີ່ໄດ້ຈັດຕັ້ງປະຕິບັດໃນໄລຍະຜ່ານມາ ແລະ ໃຫ້ ທິດຊີ້ນຳແກ່ຄະນະຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ຈົ່ງພ້ອມກັນເອົາໃຈໃສ່ ໃນການຈັດຕັ້ງປະຕິບັດໜ້າທີ່ວຽກງານເປັນຕົ້ນແມ່ນການສ້າງແຜນສົບທົບກັບຄະນະພັກອຳນາດການປົກ ຄອງບ້ານຢ່າງລະອຽດ ກ່ອນທີ່ຈະລົງປະຕິບັດຕົວຈິງ.
Editor: ກຳປານາດ ລັດຖະເຮົ້າ
