ກອງປະຊຸມບັນດຳເນີນຊີວິການເມືອງ ປັບປຸງປົວແປງພັກ ຂອງຫນ່ວຍພັກບ້ານດົງຫມ້ຽງ, ເມືອງຈັນທະບູລີ ໄດ້ໄຂຂື້ນເມື່ອບໍ່ດົນມານີ້ ທີ່ຫ້ອງການບ້ານດັ່ງກ່າວ ໂດຍເຂົ້າຮ່ວມເປັນປະທານໃນກອງປະຊຸມ ມີທ່ານ ສຸລິວົງ ດວງປະເສີດ ຫົວຫນ້າຫ້ອງການ ຊັບພະຍາກອນ ທຳມະຊາດ ແລະ ສິງແວດລ້ອມ, ທັງເປັນຜູ້ຊີນຳ, ມີ ທ່ານນາງ ແກ້ວມະນີວັນ ແສງດາລາ ເລຂາພັກບ້ານ, ນາຍບ້ານບ້ານດົງຫມ້ຽງ, ມີບັນດາຄະນະພັກບ້ານ, ຮອງເລຂາຫນ່ວຍພັກ, ຮອງນາຍບ້ານ, ປະທານກວດກາຫນ່ວຍພັກບ້ານລວມທັງສະມາຊິກພັກບ້ານ ສົມບູນ, ສຳຮອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ ຢ່າງພ້ອມພຽງ.
ໃນພິທີ ທ່ານນາງ ແກ້ວມະນີວັນ ແສງດາລາ ເລຊາພັກບ້ານ-ນາຍບ້ານ ບ້ານດົງຫມ້ຽງ ໄດ້ກ່າວວ່າ: ການດຳເນີນຊີວິດການເມືອງ ປັບປຸງປົວແປງພັກ ຄັ້ງນີ້ ມີຄວາມໝາຍຄວາມສຳຄັນ ທີ່ສຸດ ເພາະມັນ ແມ່ນມູນເຊື້ອ ແລະ ທັງແມ່ນຫຼັກການນຳພາຂອງພັກ ທີ່ຖືແນວທາງມະຫາຊົນເປັນກົກ ໂດຍມີການໝູນໃຊ້ລັດທິ ມາກ-ເລນິນ ເປັນທິດເຍືອງທາງ, ທັງແມ່ນຄວາມຮຽກຮ້ອງຕ້ອງການອັນຮີບດ່ວນເພື່ອປັບປຸງ, ປົວແປງ ແລະ ເຊີດຊູຄວາມຮັບຜິດຊອບຂອງຄະນະພັກແຕ່ລະຂັ້ນ, ສະມາຊິກພັກແຕ່ລະສະຫາຍ, ທັງແມ່ນຄວາມຈຳເປັນ ພາວະວິໄສ ໃນພາລະກິດປ່ຽນແປງໃໝ່ ໂດຍສະເພາະແມ່ນການເປີດປະຕູເພື່ອເຊື່ອມໂຍງກັບສາກົນ. ເຮັດໃຫ້ບັ້ນດຳເນີນຊີວິດການເມືອງປັບປຸງປົວແປງທົ່ວພັກ ຄັ້ງນີ້ເລິກເຊິ່ງເຖິງຖອງ, ແກ້ໄຂຈຸດອ່ອນ, ຂໍ້ບົກຜ່ອງ, ສິ່ງທ້າທາຍພາຍໃນພັກ, ສ້າງພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ, ສືບຕໍ່ນຳພາພາລະກິດປົກປັກຮັກສາ ແລະ ພັດທະນາ ບ້ານ ຕາມທິດທີ່ກອງປະຊຸມໃຫຍ່ ຄັ້ງທີ 10 ຂອງພັກ ໄດ້ກຳນົດໄວ້.
ກອງປະຊຸມດຳເນີນຊີວິການເມືອງ ປັບປຸງປົວແປງພັກ ໄດ້ດຳເນີນເປັນເວລາ 05 ວັນ ແລະ ໄດ້ພ້ອມກັນເຊື່ອມຊຶມເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ, ໜັກແໜ້ນ ຈາກນັ້ນຈະໄດ້ພ້ອມກັນສະຫຼຸບຕີລາຄາວຽກງານຮອບດ້ານຂອງຄະນະພັກບ້ານ ທັງໝົດກໍເພື່ອເຮັດໃຫ້ ຄະນະພັກທຸກຂັ້ນ, ສະມາຊິກພັກທຸກສະຫາຍ ພ້ອມກັນຝຶກຝົນຫຼໍ່ຫຼອມ, ປັບປຸງຕົນເອງໃຫ້ສົມເປັນຄະນະນໍາ ບ້ານ ແລະ ເປັນທີ່ເຊື່ອຫມັ້ນຂອງພໍ່ແມ່ປະຊາຊົນ ຢ່າງແທ້ຈີງ.
Editor: ກຳປານາດ ລັດຖະເຮົ້າ
