ເມື່ອບໍ່ດົນມານີ້ ຄະນະການນຳຂອງແຂວງບໍລິຄຳໄຊ ແລະ ການນຳແຂວງຮ່າຕີ່ງ ສາທາລະນະລັດ ສັງຄົມນິຍົມຫວຽດນາມ ໄດ້ເຂົ້າວາງພວງມາລາ ແລະ ກະຕ່າດອກໄມ້ ຢູ່ສະຖາທີສຳຄັນຂອງແຂວງ ເຊັ່ນ: ຢູ່ອານຸສາວະລີນັກຮົບນິລະນາມຂອງແຂວງ ອານຸສາວະລີ ທ່ານ ສີສົມພອນ ລໍວັນໄຊ ແລະ ອານຸສະຖານປະທານ ໄກສອນ ພົມວິຫານ ຜູ້ນຳທີ່ແສນເຄົ້າລົບຮັກ ຂອງປວງຊົນລາວທັງຊາດ ແລະ ຫໍບູຊາອັດຖິທະຫານອາສາສະມັກຫວຽດນາມ ເນື່ອງໃນວັນສະເຫຼີມສະຫຼອງ 2 ວັນ ປະຫວັດສາດ ຄື: ວັນເຊັນສົນທິສັນຍາມິດຕະພາບ-ການຮ່ວມມືຮອບດ້ານ ລາວ-ຫວຽດນາມ ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 55 ປີ ໃຫ້ມີຄວາມໝາຍຄວາມສຳຄັນຢ່າງໜັກແໜ້ນ, ເລີ່ມຕົ້ນດ້ວຍຄະນະປົກຄອງແຂວງ ນຳໂດຍ ປະລິນຍາເອກ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍລິຄຳໄຊ ຕໍ່ດ້ວຍການນຳແຂວງ ຮ່າຕີ່ງ ສສ ຫວຽດນາມ ນຳໂດຍ ທ່ານ ຕື່ ວັນ ຢ້ຽນ ຄະນະປະຈຳພັກແຂວງ ປະທານແນວໂຮມແຫ່ງຊາດຫວຽດນາມ ແຂວງຮ່າຕີ່ງ ແລະ ຂົງເຂດວຽກງານຕ່າງໆ ມີທັງໝົດ 10 ຂົງເຂດ ຄື ຂົງເຂດການເມືອງ, ຂົງເຂດເສດຖະກິດ, ຂົງເຂດວັດທະນະທຳ-ສັງຄົມ, ຂົງເຂດຕຸລາການ ແລະ ນິຕິບັດຍັດ, ຂົງເຂດອົງການຈັດຕັ້ງມະຫາຊົນ, ຂົງເຂດກອງບັນຊາທະຫານແຂວງ, ກອງບັນຊາ ປກສ ແຂວງ ເມືອງປາກຊັນ, ສະມາຄົມລາວ-ຫວຽດນາມ ແລະ ທັງນີ້ກໍ່ເພື່ອສະແດງເຖິງຄວາມຮູ້ບຸນຄຸນ ຄຸນງາມຄວາມດີ ຂອງບັນພະບູລຸດລາວ ທີ່ໄດ້ເສຍສະຫຼຊິວີດເລືອດເນື້ອ ເພື່ອພາລະກິດປົດປ່ອຍຊາດ ຈາກພວກລ່າເມືອງຂື້ນແບບເກົ່າ ແລະ ແບບໃໝ່ ເພື່ອນຳປະເທດຊາດຫຼຸດພົ້ນອອກຈາກແອກປົກຄອງຂອງຕ່າງຊາດ ເຮັດໃຫ້ປະເທດຊາດ ມີຄວາມເປັນເອກະລາດເອກະພາບ ແລະ ອະທິປະໄຕ ອັນຄົບຖ້ວນຢ່າງແທ້ຈິງ ແລະ ນຳເອົາຄວາມສົມບູນຄູນສຸກມາສູ່ປະຊາຊົນ ກໍ່ຄືປະເທດຊາດໃນປະຈຸບັນນີ້.
Editor: ກຳປານາດ ລັດຖະເຮົ້າ
