ທ້າຍເດືອນ ກໍລະກົດ 2017 ຜ່ານມານີ້, ຄະນະຫ້ອງການວິທະຍາສາດ ເຕັກໂນໂລຊີເມືອງຄຳ ໄດ້ເປີດກອງປະຊຸມປຶກສາຫາລື ກຸ່ມເສດຖະກິດ ຂື້ນທີ່ ຫ້ອງການວິທະຍາສາດເຕັກໂນໂລຊີ ເມືອງຄຳ ແຂວງຊຽງຂວາງ ຢ່າງເປັນທາງການ.
ໂດຍພາຍໃຕ້ການເປັນປະທານຂອງ ທ່ານນາງ ບຸນມີ ສົມພັນສຸກ ຄະນະປະຈຳພັກເມືອງ ຮອງເຈົ້າເມືອງ-ເມືອງຄຳ, ມີ ທ່ານ ຈັນທາ ອຸຕະມະ ຫົວໜ້າ ຫ້ອງການວິທະຍາສາດເຕັກໂນ່ໂລຊີ, ມີຫົວໜ້າ, ຮອງຫົວໜ້າ, ພະນັກງານ ລັດຖະກອນຫ້ອງການ ທີ່ກ່ຽວຂ້ອງເຂົ້າຮ່ວມ
ໃນກອງປະຊຸມ ທ່ານ ດວງສະຫວັນ ມີລະບູນ ຫົວໜ້າຫ້ອງການພະລັງງານ ແລະ ບໍ່ແຮ່ ກໍ່ໄດ້ຂື້ນຜ່ານ ບົດສະຫຼຸບ 3 ເດືອນຕົ້ນປີ ແລະ ແຜນ 3 ເດືອນ ກາງປີໃຫ້ຮູ້ວ່າ: ຄວາມຮັບຜິດສອບທີ່ສຳຄັນຂອງກຸ່ມເສດ ຖະກິດຂອງເມືອງ ເຊິ່ງແຕ່ລະຫ້ອງການລ້ວນແຕ່ມີໜ້າທີ່ວຽກງານພົວພັນເຊິ່ງກັນ ແລະ ກັນ ດັ່ງນັ້ນ ຜູ້ບໍລິຫານຄວນເອົາໃຈໃສ່ຊີ້ນຳນຳພາແຕ່ລະວຽກງານຂອງຕົນຮັບຜິດ ຊອບໃນການຈັດຕັ້ງປະຕິບັດຕາມ ແຜນພັດທະນາເສດຖະກິດໃຫ້ໄດ້ຮັບຜົນສູງ ພ້ອມທັງຜ່ານການຈັດຕັ້ງປະຕິບັດ ຂອງແຕ່ລະວຽກງານເປັນຕົ້ນແມ່ນ: ວຽກງານພະລັງງານ ແລະ ບໍ່ແຮ່, ວຽກງານວິທະຍາສາດເຕັກໂນໂລຊີ, ວຽກງານການເງິນ, ວຽກງານກະສິກຳ ແລະ ປ່າໄມ້, ວຽກງານອຸດສາຫະກຳ ແລະ ການຄ້າ, ວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ວຽກງານແຜນການ ແລະ ການລົງທືນ, ວຽກງານສູນສະຖິຕິ, ວຽກງານ ຊັບພະຍາກອນທຳມະ ຊາດ ແລະ ສິ່ງແວດລ້ອມ ແລະ ວຽກງານໂຍທາທິການ ແລະ ຂົນສົ່ງ ພ້ອມນີ້ກໍ່ຍັງຈະໄດ້ແກ້ໄຂຈຸດອ່ອນ ແລະ ຂໍ້ຄົງຄ້າງເຊັ່ນ: ການປະສານງານລະຫ່ວາງຫ້ອງການກຸ່ມເສດຖະກິດ ບໍ່ທັນກົມກຽວ, ບັນດາ ຕົວຊີ້ວັດ ຍັງບໍ່ທັນແທດເໝາະກັບຕົວເລກຕົວຈິງ ແລະ ການຈັດຕັ້ງປະຕິບັດ ແຜນທີ່ວາງໄວ້ຍັງບໍ່ທັນໄດ້ຕາມຄາດໝາຍ ທີ່ກຳນົດໄວ້ເທົ່າທີຄວນ ແລະ ພ້ອມນັ້ນ, ກໍ່ຍັງໄດ້ຜ່ານທິດທາງແຜນການ 3 ເດືອນກາງປີຕື່ມອີກ. ຫຼັງຈາກນັ້ນ ຜູ້ແທນ ໃນກອງປະຊຸມກໍ່ໄດ້ຜັດປ່ຽນກັນຂື້ນປະກອບຄຳຄິດຄຳ ເຫັນເຂົ້າໃນບົດສະຫຼຸບເພື່ອເຮັດໃຫ້ບົດສະຫຼຸບດັ່ງກ່າວສົມບູນຂື້ນກ່ວາເກົ່າ.
ໃນຕອນທ້າຍ ທ່ານນາງ ບຸນມີ ສົມພັນສຸກ ຄະນະປະຈຳພັກເມືອງ ຮອງເຈົ້າເມືອງ-ເມືອງຄຳ ກໍ່ໄດ້ ໃຫ້ກຽດຂື້ນໂອ້ລົມໃຫ້ຄຳຄິດຄຳເຫັນ ກ່ອນອື່ນ ໝົດທ່ານກໍ່ໄດ້ກ່າວຍ້ອງຍໍຊົມເຊີຍຕໍ່ຜົນງານໃນການຈັດຕັ້ງປະຕິບັດໃນ 3 ເດືອນຜ່ານມາພ້ອມທັງໃຫ້ທິດຊີ້ນຳແກ່ບັນດາຫ້ອງການຈົ່ງພ້ອມກັນຈັດຕັ້ງປະຕິບັດໜ້າທີ່ວຽກ ງານຂອງຕົນໃນການວາງແຜນສະຫຼຸບສັງລວມວຽກງານປະຈຳ 9 ເດືອນ, ໃຫ້ຊັດເຈນຂື້ນ ແລະ ວຽກງານ ອື່ນໆໃຫ້ມີບາດກ້າວ ຂະຫຍາຍຕົວ ຂື້ນເລື່ອຍໆ.
Editor: ກຳປານາດ ລັດຖະເຮົ້າ
