ໃນທ້າຍເດືອນກໍລະກົດ 2017 ຜ່ານມານີ້, ທ່ານ ຈູມມະລີ ໄຊຍະສອນ ອະດິດເລຂາທິການໃຫຍ່ ຄະນະບໍລິຫານງານສູນກາງພັກ ອະດິດປະທານປະເທດ ແຫ່ງ ສປປ ລາວ. ພ້ອມດ້ວຍຄະນະ ໄດ້ລົງເຄື່ອນໄຫວພົບປະ ຢ້ຽມຢາມໂອ້ລົມ ພະນັກງານການນໍາຫຼັກແຫຼ່ງ ເມືອງວຽງທອງ, ແຂວງບໍລິຄໍາໄຊ. ໂດຍການຕ້ອນຮັບຢ່າງອົບອຸ່ນຂອງ ທ່ານ ວົງສີ ທອງສີອິນທີປັນຍາ. ກໍາມະການພັກແຂວງ, ເລຂາພັກເມືອງ. ເຈົ້າເມືອງວຽງທອງ ເນື່ອງໃນໂອກາດທີ່ທ່ານໄດ້ລົງພົບປະຢ້ຽມຢາມໃນຄັ້ງນີ້ ຍັງໄດ້ຮັບຟັງການລາຍງານສະພາບລວມໂດຍຫຍໍ້. ໃນການຈັດຕັ້ງປະຕິບັດວຽກງານແຕ່ລະດ້ານ ຂອງເມືອງ ໃນໄລຍະຜ່ານມາ. ເມືອງວຽງທອງ, ເປັນເມືອງພູດອຍ ມີເນື້ອທີທັງໝົດ 4 ແສນ 8 ພັນ ກວ່າກິໂລຕາແມັດ. ເນື້ອທີພູພຽງ-ພູສູງ ກວມ 70 ສ່ວນຮ້ອຍ. ແລະ ທົ່ງພຽງ 30 ສ່ວນຮ້ອຍ. ເຊິ່ງຫ່າງຈາກເທດສະບານແຂວງ ປະມານ 210 ກິໂລແມັດ. ປະຈຸບັນ ມີ 5 ກຸ່ມບ້ານພັດທະນາ. ມີ 2 ຄະນະພັກຮາກຖານບ້ານໃຫຍ່, ປະກອບດ້ວຍ 41 ບ້ານ. ມີ 5 ພັນກວ່າຄອບຄົວ. ມີພົນລະເມືອງ 32 ພັນກວ່າຄົນ, ຍິງ 15 ພັນກວ່າຄົນ. ປະກອບມີ 3 ເຜົ່າໃຫຍ່ ຄື: ເຜົ່າລາວ ກວມ 47,7 ສ່ວນຮ້ອຍ. ເຜົ່າມົ້ງ ກວມ 30 ສ່ວນຮ້ອຍ. ເຜົ່າຜ້ອງ ກວມ 14,3 ສ່ວນຮ້ອຍ. ຄວາມໜ້າແໜ້ນຂອງປະຊາກອນສະເລຍ. 7 ຄົນ ຕໍ່ 1 ກິໂລຕາແມັດ. ໂດຍຢຶດຖືອາຊີບຕົ້ນຕໍ່ແມ່ນ ຜະລິດກະສິກໍາ, ປູກຝັງລ້ຽງສັດ ແລະ ຄ້າຂາຍ ຈໍານວນໜຶ່ງ. ວຽກງານພັດທະນາຊົນນະບົດ ແລະ ລືບລ້າງຄວາມທຸກຍາກ ໄດ້ສຸມໃສ່ວຽກງານກໍ່ສ້າງຮາກຖານການເມືອງ. ແຕ່ລະກຸ່ມບ້ານຢ່າງຕໍ່ເນື່ອງ. ຍູ້ແຮງການຜະລິດ ພັດທະນາເສດຖະກິດ-ສັງຄົມ ນັບມື້ດີຂື້ນການແກ້ໄຂຄວາມທຸກຍາກໃຫ້ປະຊາຊົນນັບມື້ນັບດີຂຶ້ນເປັນກ້າວໆ. ທຽບໃສ່ແຜນ 5 ປີ ມາຮອດປະຈຸບັນ ສາມາດແກ້ໄຂໄດ້ແລ້ວ ຈໍານວນ 29 ບ້ານ ເທົ່າກັບ 70 ກວ່າສ່ວນຮ້ອຍ. ບ້ານຍັງທຸກຍາກມີ ຈໍານວນ 12 ບ້ານ ເທົ່າກັບ 29 ກວ່າສ່ວນຮ້ອຍ. ຄອບຄົວພົ້ນທຸກ 4 ພັນ ກວ່າຄອບຄົວ. ເທົ່າກັບ 93 ກວ່າ ສ່ວນຮ້ອຍ. ຂອງຄອບຄົວທັງໝົດ. ຄອບຄົວທຸກຍາກຍັງເຫຼື່ອ 301 ຄອບຄົວ ເທົ່າກັບ 6,8 ສ່ວນຮ້ອຍ. ໄດ້ປະກາດເປັນບ້ານພັດທະນາ ຈໍານວນ 10 ບ້ານ. ຄອບຄົວພັດທະນາຈໍານວນ 3 ພັນ 6 ຮ້ອຍ ກວ່າຄອບຄົວ ແລະ ໄດ້ປະກາດເມືອງວຽງທອງ ເປັນເມືອງທີພົ້ນທຸກເປັນທີຮຽບຮ້ອຍແລ້ວ.
ໂອກາດນີ້ ທ່ານ ຈູມມະລີ ໄຊຍະສອນ ຍັງໄດ້ສະແດງຄວາມຍ້ອງຍໍ້ຊົມເຊີຍ ໃນການຈັດຕັ້ງປະຕິບັດໜ້າທີວຽກງານຂອງເມືອງ ໃນໄລຍະຜ່ານມາ ພ້ອມດຽວກັນທ່ານຍັງໄດ້ ໂອ້ລົມຊີ້ນໍາວຽກງານຫລາຍດ້ານ ເປັນຕົ້ນແມ່ນຈະຕ້ອງໄດ້ສຶບຕໍ່ເອົາໃຈໃສ່ປັບປຸງບັນດາຂະແໜ່ງການອ້ອມຂ້າງ ໃຫ້ມີຄວາມໜັກແໜ້ນເຂັມແຂງຮອບດ້ານ. ເປັນຕົ້ນແມ່ນວຽກງານການພັດທະນາເສດຖະກິດ, ວັດທະນະທໍາ-ສົງຄົມ. ເອົາໃຈໃສ່ຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ, ແກ້ໄຂ້ປະກົດການຫຍໍ້ທໍ້. ອອກແຮງກໍ່ສ້າງພັກໃຫ້ປອດໃສ່ເຂັມແຂງ ແລະ ໜັກແໜ້ນ ຫັນເອົາພະນັກງານລົງກໍ່ສ້າງຮາກຖານສຸ່ມໃສ່ຕິດພັນກັບວຽກງານ ຊຸກຍູ້ສົ່ງເສີມການຜະລິດເປັນສິນຄ້າ ໃຫ້ເປັນຂະບວນຟົດຟື້ນ. ເພຶ່ອສ້າງມາດຖານບ້ານໃຫຍ່ ໃຫ້ກາຍເປັນຕົວເມືອງນ້ອຍຢູ່ຊົນນະບົດໃຫ້ໄດ້ຕາມລະດັບຄາດໝາຍ
ຂອບໃຈພາບ ແລະ ບົດ: ທີມຂ່າວຈາກແຂວງບໍລິຄຳໄຊ.
Editor: ກຳປານາດ ລັດຖະເຮົ້າ
