ພິທີດັ່ງກ່າວ ໄດ້ຈັດຂື້ນໃນທ້າຍເດືອນ ກໍລະກົດ 2017 ຜ່ານມາ ຢູ່ທີ່ສະໂມສອນປົກຄອງແຂວງບໍລິຄຳໄຊ ໃຫ້ກຽດຂື້ນປະຖະກະຖາຂອງ ທ່ານ ທ່າວ ຊັວນ ຊຸງ ກຳມະການສູນກາງພັກ, ຮອງຫົວໜ້າຄະນະປະຈຳການ ຄະນະຂົນຂວາຍ ປະຊາຊົນສູນກາງພັກຄອມມູນິດຫວຽດນາມ, ເຂົ້າຮ່ວມມີ ທ່ານ ລຳສະໄໝ ວໍລະສານ ຄະນະປະຈຳພັກແຂວງ ປະທານແນວລາວສ້າງຊາດແຂວງບໍລິຄຳໄຊ, ມີທ່ານນາງ ຄຳຈັນ ພົມແສງສະຫວັນ ຄະນະປະຈຳ,ຮອງປະທານ ສູນກາງແນວລາວສ້າງຊາດ. ມີຄະນະປະຈຳພັັກແຂວງ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ຕະຫຼອດຮອດ ພະນັກງານວິຊາການ, ພະແນກການ,ຫ້ອງການຂັ້ນແຂວງ, ຂັ້ນເມືອງ, ຜູ້ຊົງຄຸນວຸດທິເຂົ້າຮ່ວມ.
ໃນພິທີ ທ່ານ ໄດ້ຍົກເຫັນຄວາມສາມັກຄີແບບພິເສດ,ຮ່ວມມືຮອບດ້ານ ລະຫວ່າງ 2 ຊາດ, 2 ພັກ ລາວ-ຫວຽດນາມ, ຫວຽດນາມ-ລາວ ຕະຫຼອດໄລຍະທີ່ຜ່ານມາ. ກໍ່ຄືຄຳເວົ້າ,ຄຳສັ່ງສອນຂອງທ່ານປະທານ ໂຮ່ຈີ່ມິງ ແລະ ປະທານ ໄກສອນພົມວິຫານ ຜູ້ນຳທີ່ແສນເຄົາລົບຮັກຂອງ 2 ຊາດ ເຊີ່ງເປັນຜູ້ນຳທີ່ໄດ້ຈັດຕັ້ງເຜີຍແຜ່ລັດທິມາກ-ເລນິນ, ສຳລັບບົດຮຽນຂົນຂວຍປະຊາຊົນພັກຄອມມູນິດ ຫວຽດນາມ ໃນໄລຍະໃໝ່ແມ່ນໄດ້ຈັດຕັ້ງແຕ່ສູນກາງລົງຮອດຮາກຖານຂັ້ນບ້ານ ຕິດພັນກັບການພັດທະນາຊົນນະບົດໂດຍລວມ ມີ 10 ກົມຂື້ນກັບ,ຄັດເລືອກເອົາພະນັກງານຜູ້ທີ່ມີຄຸນທາດການເມືອງໜັກແໜ້ນ ມີຄວາມຮູ້ຄວາມສາມາດ, ພຽບພ້ອມທາງດ້ານທິດສະດີ ແລະ ພຶດຕິກໍາຕົວຈິງໃນການປະຕິບັດວຽກງານຂົນຂວຍ ເຊີ່ງເລີ່ມປະຕິບັດ ມາແຕ່ປີ 2016 ເຖິງປະຈຸບັນ, ໂດຍມີຂັ້ນຕອນ, ວິທີ່ການໂດຍມີຫຼັກການ ຕິດພັກັບສະພາບຈຸດພິເສດຂອແຕ່ລະທ້ອງຖິ່ນຕ່າງໆ, ຈຸດປະສົງກໍ່ເພື່ອເຮັດໃຫ້ປະຊາຊົນຮັບຮູ້,ເຂົ້າໃຈຕໍ່ກັບພາລະກິດປຽ່ນແປງໃໝ່ ເຮັດເພື່ອປະຊາຊົນ ໂດຍປະຊາຊົນ ແລະ ປະຊາຊົນເປັນເຈົ້າຂອງປະເທດຊາດ. ພ້ອມນັ້ນ ຜູ້ແທນທັງສອງຝ່າຍຍັງໄດ້ມີການແລກປຽ່ນ, ຖອດຖອນບົດຮຽນຮ່ວມກັນ ຫຼາຍດ້ານ ໃນການຈັດຕັ້ງປະຕິບັດວຽກງານຂົນຂວາຍແຕ່ລະຂັ້ນ. ຈຸດປະສົງກໍ່ເພື່ອເຮັດໃຫ້ພະນັກງານ, ວິຊາການ,ທົ່ວແຂວງ ຮັບຮູ້, ເຂົ້າໃຈ ແລະ ເຫັນໄດ້ຄວາມໝາຍ,ຄວາມສຳຄັນວຽກງານຂົນຂວາຍປະຊາຊົນໄລຍະໃໝ່ຂອງ 2 ຊາດ, ເພື່ອຈະໄດ້ນຳໃຊ້ເຂົ້າໃນວຽກງານວິຊາສະເພາະຕົວຈິງ.
Editor: ກຳປານາດ ລັດຖະເຮົ້າ
