ໃນເມື່ອບໍ່ດົນມານີ້ ທູດຝ່າຍການທະຫານກອງທັບ ສາທາລະນະລັດ ປະຊາຊົນຈີນ ໄດ້ຈັດງານລ້ຽງການສະເຫຼີມ ສະຫຼອງວັນສ້າງຕັ້ງກອງທັບຂອງຕົນ ຄົບຮອບ 90 ປີຂຶ້ນ ທີ່ນະຄອນຫຼວງວຽງຈັນ ໃນພິທີມີທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ລັດຖະມົນຕີ ກະຊວງປ້ອງກັນປະເທດ, ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ມີທ່ານ ວາງເວີນທຽນ ເອກອັກຄະລັດຖະທູດຜູ້ມີອຳນາດເຕັມ, ແຫ່ງ ສາທາລະນະລັດ ປະຊາຊົນຈີນ, ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ, , ພ້ອມດ້ວຍນາຍທະຫານຂັ້ນສູງ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫົງບ, ບັນດາທະຫານເພື່ອມິດປະຈຳລາວ ແລະ ແຂກຖືກເຊີນເຂົ້າຮ່ວມ.
ທ່ານ ພັນເອກ ວິເສດ ເສີນ ຢົງ ຈີງ ທູດຝ່າຍການທະຫານແຫ່ງ ສາທາລະນະລັດ ປະຊາຊົນຈີນ, ປະຈຳສາທາລະນະລັດ ປະຊາທິປະໄຕ ປະຊາຊົນລາວ, ໄດ້ກ່າວໃນງານລ້ຽງໃນຄັ້ງນີ້ວ່າ: 90 ປີ ທີ່ຜ່ານມາ ພາຍໃຕ້ການຊີ້ນຳ ນຳພາຂອງພັກກອມມູນິດຈີນ, ກອງທັບປົດປ່ອຍປະຊາຊົນຈີນ, ໄດ້ມີການພັດທະນາຕົນເອງໃຫ້ເຕີບໃຫຍ່ເຂັ້ມແຂງ ກອງທັບຮັບໃຊ້ຊາດຍ້ອນຄວາມເສຍສະຫຼະເລືອດເນື້ອເພື່ອປະຊາຊຊົນ, ເສີມຂະຫຍາຍມູນເຊື້ອອັນດີງາມ ຂອງກອງ ທັບ ເຂົ້າໃນການປົກປັກຮັກສາຄວາມໝັ້ນຄົງ ແລະ ກຽດສັກສີຂອງປະເທດຊາດ, ກອງທັບປົດປ່ອຍປະຊາຊົນຈີນ, ແມ່ນ ຍຶດຖືທິດທາງຍຸດທະສາດການທະຫານແບບປ້ອງກັນຕົວ, ປ້ອງກັນອະທິປະໄຕ ຄວາມໝັ້ນຄົງ ແລະ ສິດຜົນ ປະໂຫຍດການພັດທະນາຂອງຊາດໃນຊຸມປີຜ່ານມານີ້ ກອງທັບປົດປ່ອຍປະຊາຊົນຈີນ, ໄດ້ປະຕິບັດຕາມທັດສະນະຄວາມປອດໄພທີ່ວ່າ: ຮ່ວມກັນ, ສັງລວມຮ່ວມມື, ຍືນຍົງ ແລະ ກ້າວໄປຕາມຄວາມໝັ້ນຄົງດ້ວຍການກໍ່ສ້າງຢູ່ຮ່ວມກັນຊົມໃຊ້ຮ່ວມກັນ ແລະ ຕ່າງຝ່າຍຕ່າງມີຜົນປະໂຫຍດຮ່ວມກັນ ເພີ່ມທະວີການຮ່ວມມືທາງດ້ານການທະຫານກັບອາ ຊຽນ ແລະ ສາກົນ ໃຫ້ຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ ຈີນ ແລະ ລາວ ເປັນເພື່ອນມິດທີ່ດີ ແລະ ສາຍພົວພັນຮ່ວມມືຍຸດທະສາດຮອບດ້ານໃນການພັດທະນາຢ່າງກ້ວາງຂວາງເລິກເຊິ່ງໃນລະດັບສູງ ເຊິ່ງແທດເໝາະກັບຜົນປະໂຫຍດ ປະຈຸບັນ ກອງທັບປົດປ່ອຍປະຊາຊົນຈີນ, ໄດ້ຊ່ວຍເຫຼືອສ້າງຕັ້ງໂຮງໝໍ 103 ແລະ ໂຄງການກໍ່ສ້າງສະໜາມຍິງປືນອາຊຽນ ທີ່ນອນຢູ່ໃນຂອບເຂດການຮ່ວມມືຂອງສອງກອງທັບ ແລະ ໂຄງການອື່ນໆ ໃນວໆນີ້ ທີມງານແພດທີ່ມີຊື່ວ່າ: ຂະບວນລົດໄຟສັນຕິພາບຂອງກອງທັບຈີນ ຈະເລີ່ມສະໜອງບໍລິການທັງການແພດ ໃຫ້ນາຍ ແລະ ພົນທະຫານຂອງກອງທັບ ແລະ ປະຊາຊົນລາວ ທັງເປັນການຮ່ວມມືພົວພັນຂອງສອງກອງທັບຈີນ-ລາວ ກໍ່ຄືການແລກປ່ຽນເຕັກນິກວິຊາການກັບອົງການການແພດ ໃຫ້ເຂົ້າສູ່ລວງເລິກອີກບາດກ້າວໜຶ່ງ.

Editor: ດາວໄຊ ສີວິໄລ