ກອງປະຊຸມດຳເນີນຊີວິການເມືອງປັບປຸງປົວແປງພັກ ຂອງຄະນະພັກຮາກຖານໄຟຟ້າ ສາຂາ ແຂວງວຽງຈັນ ປີ 2017 ໄດ້ສຳເລັດ ໃນວັນທີ 2 ສິງຫາ 2017 ຜ່ານມານີ້ ທີ່ຫ້ອງປະຊຸມໄຟຟ້າ ສາຂາ ແຂວງວຽງຈັນ, ພາຍໃຕ້ການເປັນປະທານຂອງ ທ່ານນາງ ສິງຄຳ ຄົງສະຫວັນ ຮອງເລຂາ ພັກແຂວງ ຮອງເຈົ້າແຂວງໆວຽງຈັນ ມີບັນດາສະຫາຍໃນຄະນະພັກ ເລຂາຫນ່ວຍພັກ ພ້ອມສະມາຊິກພັກ ເຂົ້າຮ່ວມ 56 ທ່ານ, ຍິງ 16 ທ່ານ.
ການດຳເນີນຊີວິດການເມືອງປັບປຸງປົວແປງພັກ ຄັ້ງນີ້ ມີຄວາມໝາຍຄວາມສຳຄັນທີ່ສຸດ ເພາະມັນແມ່ນມູນເຊື້ອ ແລະ ທັງແມ່ນຫຼັກການນຳພາຂອອງພັກ ໂດຍມີການໝູນໃຊ້ລັດທິ ມາກ-ເລນິນ ເປັນທິດເຍືອງທາງ, ທັງແມ່ນຄວາມຮຽກຮ້ອງຕ້ອງການອັນຮີບດ່ວນເພື່ອປັບປຸງ, ປົວແປງ ແລະ ເຊີດຊູຄວາມຮັບຜິດຊອບຂອງຄະນະພັກແຕ່ລະຂັ້ນ, ສະມາຊິກພັກແຕ່ລະສະຫາຍ, ທັງແມ່ນຄວາມຈຳເປັນພາວະວິໄສຂອງພັກເຮົາ ໃນພາລະກິດປ່ຽນແປງໃໝ່ ໂດຍສະເພາະແມ່ນການເປີດປະ ຕູເພື່ອເຊື່ອມໂຍງກັບສາກົນ. ເຮັດໃຫ້ບັ້ນດຳເນີນຊີວິດການເມືອງປັບປຸງປົວແປງທົ່ວພັກຄັ້ງນີ້ເລິກເຊິ່ງເຖິງຖອງ, ແກ້ໄຂຈຸດອ່ອນ, ຂໍ້ບົກຜ່ອງ, ສິ່ງທ້າທາຍພາຍໃນພັກ, ສ້າງພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ, ສືບຕໍ່ນຳພາພາລະກິດປົກປັກຮັກສາ ແລະ ພັດທະນາແຂວງຫຼຸດພົ້ນອອກຈາກຄວາມດ້ອຍພັດທະນາ ຕາມທິດທີ່ກອງປະຊຸມໃຫຍ່ ຄັ້ງທີ 10 ຂອງພັກ ໄດ້ກຳນົດໄວ້. ສູ້ຊົນ ພັດທະນາແຂວງວຽງຈັນ ໃຫ້ເປັນຫົວໜ່ວຍຍຸດທະສາດ ແລະ ພັດທະນາຮອບດ້ານແຕ່ນີ້ຮອດ ປີ 2020 ຕາມມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກແຂວງວາງອອກ.
ກອງປະຊຸມດຳເນີນຊີວິດການເມືອງ ປັບປຸງປົວແປງພັກຂອງຄະນະພັກຮາກຖານ ໄຟຟ້າ ສາຂາ ແຂວງວຽງຈັນ ໃນຄັ້ງນີ້ ໄດ້ດຳເນີນເປັນເວລາ 03 ວັນ, ຊຶ່ງໄດ້ພ້ອມກັນເຊື່ອມຊຶມເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ, ໜັກແໜ້ນ ຈາກນັ້ນ ໄດ້ພ້ອມກັນສະຫຼຸບຕີລາຄາວຽກງານຮອບດ້ານຂອງຄະນະພັກຮາກຖານໄຟຟ້າສາຂາ ແຂວງວຽງຈັນ ເພື່ອເປັນບ່ອນອີງໃຫ້ແກ່ການສຳຫຼວດບຸກຄົນ ໃນຄະນະພັກຮາກຖານ, ເລຂາໜ່ວຍພັກ, ຄະນະໜ່ວຍພັກຂື້ນກັບ ແລະ ໄດ້ພ້ອມກັນຂຽນໃບສໍາຫຼວດ, ແບ່ງໜ່ວຍ, ຜ່ານ ແລະ ປະກອບຄໍາເຫັນໃສ່ບົດສໍາຫຼວດບຸກຄົນ, ຜ່ານການສະຫລຸບຕີລາຄາການຈັດແບ່ງປະເພດຂອງສະມາຊິກພັກໃນ ຈຳນວນ 50 ສະຫາຍ, ຍິງ 12 ສະຫາຍ ສາມາດຈັດໄດ້ປະເພດແຂງໄດ້ 38 ສະຫາຍ, ຍິງ 10 ສະຫາຍ, ປະເພດກາງມີ 12 ສະຫາຍ, ຍິງ 2 ສະຫາຍ, ປະເພດ ອ່ອນ: ບໍ່ມີ. ທັງໝົດກໍເພື່ອໃຫ້ ຄະນະພັກທຸກຂັ້ນ, ສະມາຊິກພັກທຸກສະຫາຍ ພ້ອມກັນຝຶກຝົນຫຼໍ່ຫຼອມ, ປັບປຸງຕົນເອງໃຫ້ສົມເປັນຄະນະນໍາ ທີ່ໄດ້ຮັບຄວາມໄວ້ເນື້ອເຊື່ອໃຈຈາກຄະນຳຂອງແຂວງ ກໍ່ຄືສູນກາງພັກ ແລະ ຄວາມໄວ້ເນື້ອເຊື່ອໃຈຂອງປະຊາຊົນບັນດາເຜົ່າຊາວແຂວງ
ຂອບໃຈ ແຫລ່ງຂ່າວ ແຂວງວຽງຈັນ
Editor: ກຳປານາດ ລັດຖະເຮົ້າ
