ບັ້ນດໍາເນີນຊີວິດການເມືອງປັບປຸງປົວແປງພັກ ທົ່ວເມືອງໄຊທານີ ໄດ້ໄຂຂຶ້ນໃນເມື່ອບໍ່ດົນນີ້ ໂດຍການໃຫ້ກຽດເຂົ້າຮ່ວມຂອງທ່ານ ບຸນຖອງ ພົມມະຈັນ ຄະນະປະຈໍາພັກ ຫົວໜ້າຄະນະຈັດຕັ້ງນະຄອນຫຼວງວຽງຈັນ, ທ່ານ ຈັນທາລາ ອິນທະລັງສີ, ກໍາມະການພັກ ນະຄອນຫຼວງວຽງຈັນ, ເລຂາພັກເມືອງ ເຈົ້າເມືອງໆໄຊທານີ ພ້ອມດ້ວຍຄະນະພັກເມືອງ ແລະ ເລຂາພັກບ້ານອ້ອມຂ້າງເມືອງໄຊທານີ ເຂົ້າຮ່ວມຢ່າງພ້ອມພຽງ.
ໃນວາລະບັ້ນດໍາເນີນຜູ້ເຂົ້າຮ່ວມຈະໄດ້ເຊື່ອມຊຶມເອກະສານເດັດດ່ຽວປັບປຸງປົວແປງພັກປອດໃສຂາວສະ
ອາດເຂັ້ມແຂງ ແລະ ໜັກແໜ້ນ ຜ່ານບົດສະຫຼຸບຕີລາຄາຄວາມຮັບຜິດຊອບໃນການຈັດຕັ້ງນຳພາວຽກງານຮອບດ້ານຂອງອົງຄະນະພັກເມືອງໄຊທານີ ໃນການຈັດຕັ້ງປະຕິບັດ ມະຕິ 9 ຂອງພັກ ແລະ ມະຕິ 6 ຂອງອົງຄະນະພັກນະຄອນຫຼວງວຽງຈັນ ໃນໄລຍະ 3 ປີ ຜ່ານມາ ພ້ອມດ້ວຍທິດທາງລວມແຜນວຽກຈຸດສຸມໃນໄລຍະ ທີ່ຍັງເຫຼືອ ຂອງສະໄໝທີ 6 ຄຳແນະນຳວ່າດ້ວຍການທ້າມທາມຄະແນນສຽງ, ຄວາມເຊື່ອໝັ້ນໄວ້ວາງໃຈ ຕໍ່ບຸກຄົນໃນຄະນະພັກ ແລະ ຄະນະແຕ່ລະຂັ້ນ ຮ່າງປະກອບຄຳຄິດ-ຄຳເຫັນ ຄຳຕຳນິສົ່ງຂ່າວຕໍ່ບຸກຄົນຄະນະບໍລິຫານພັກເມືອງໄຊທານີ ສະໄໝທີ 6.

Editor: ດາວໄຊ ສີວິໄລ