ທ່ານ ພູວົງ ກອງຊັບ ກໍາມະການພັກເມືອງ, ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງທ່າແຕງ ໄດ້ເປັນປະທານກອງປະຊຸມຊີ້ນຳວຽກງານ ແຜນວຽກ ປະຈຳເດືອນສິງຫາ ແລະ ໄດ້ຊີ້ໃຫ້ເຫັນວ່າ ກອງປະຊຸມຄັ້ງນີ້ໄດ້ສະຫຼຸຸບຕີລາຄາປະເມີນຜົນການຈັດຕັ້ງປະຕິບັດວຽກງານຖະແຫຼ່ງຂ່າວ,ວັດທະນະທໍາ ແລະ ທ່ອງທ່ຽວເມືອງ ນັບແຕ່ຕົ້ນປີຈົນເຖິງປັດຈຸບັນນີ້ ໄດ້ກໍາ ແໜ້ນຕາມແນວທາງຂອງພັກ-ລັດ ທີ່ຕິດພັນກັບວິຊາສະເພາະຢ່າງຖືກຕ້ອງແລະ ພາວະວິໄສ, ເຫັນໄດ້ຈຸດດີ ທີ່ຕ້ອງສືບຕໍ່ເສີມຂະຫຍາຍ, ຈຸດອ່ອນ, ສິ່ງທ້າທາຍ ແລະ ເຫດຜົນທີ່ພາໃຫ້ມີຈຸດອ່ອນ,ພ້ອມກັນມີຄວາມເປັນເອກະພາບໃນການກຳນົດທິດທາງ ໃນການແກ້ໄຂບັນຫາ, ໃນນັ້ນຈະໄດ້ພ້ອມກັນປຶກສາຫາລື ແຜນວຽກງານທີ່ປິ່ນອ້ອມພາຍໃນວຽກງານ ຖວທ ໃນຕໍ່ໜ້າໃຫ້ຖີ່ຖ້ວນ ແລະ ມີຄວາມຮັບຜິດຊອບສູງ, ຕັດສິນໃຈສູ້ຊົນຊຸກຍູ້ວຽກງານ ຖວທ ໃຫ້ມີການຫັນປ່ຽນທີ່ຕັ້ງໜ້າ ແລະ ດີຂຶ້ນກວ່າເກົ່າ. ແນໃສ່ເຮັດໃຫ້ການຈັດຕັ້ງປະຕິບັດແນວທາງ ທີ່ກຳນົດໄວ້ໃນມະຕິກອງປະຊຸມໃຫຍ່ຂອງອົງຄະນະພັກກະຊວງ ຖວທ ແລະ ມະຕິກອງປະຊຸມໃຫຍ່ຄັ້ງທີ X ຂອງພັກ, ວິໄສທັດ 2030,ແຜນຍຸດທະສາດ 2025 ແລະ ແຜນພັດທະນາວຽກງານ ຖວທ ທີ່ລັດຖະບານ ໄດ້ຮັບຮອງໃຫ້ມີຜົນສຳເລັດຕາມລະດັບຄາດໝາຍ.
ທັງນີ້ ກໍ່ເພື່ອສ້າງ ພື້ນຖານອັນໜັກແໜ້ນໃຫ້ແກ່ການພັດທະນາວຽກງານຖະແຫຼ່ງຂ່າວ,ວັດທະນະທໍາ ແລະ ທ່ອງທ່ຽວ ໃນຕໍ່ໜ້າໃຫ້ມີຜົນສຳເລັດຕາມວິໄສທັດໃຫ້ມີຄຸນນະພາບຂອງແຕ່ລະໜ້າວຽກ, ມີບາດກ້າວບຸກທະລຸ, ຫັນເປັນອຸດສາຫະກຳທັນສະໄໝ, ປອດໄພ ແລະ ສົ່ງເສີມການມີສ່ວນຮ່ວມ ຂອງສັງຄົມເພື່ອຄວາມຍືນຍົງ. ນອກນີ້ ຜູ້ເຂົ້າຮ່ວມຍັງໄດ້ຮັບຟັງການສະຫຼຸຸບລາຍງານການຈັດຕັ້ງປະຕິບັດວຽກງານ ຖທວ ປະຈຳເດືອນ ສິງຫາ2017, ສົນທະນາແລກປ່ຽນຄໍາຄິດຄໍາເຫັນໃສ່ວຽກງານດັ່ງກ່າວ ເພື່ອກ້າວໄປໃນການຈັດຕັ້ງປະຕິບັດ ພ້ອມສະເໜີເອົາບາງບັນຫາຂອງວຽກງານ ຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ ທີ່ຈໍາເປັນສະເໜີຂະແໜ່ງການກ່ຽວຂ້ອງຂັ້ນແຂວງ ເພື່ອແກ້ໄຂວຽກງານທີ່ຄົງຄ້າງ ໃຫ້ຖືກຕ້ອງສອດຄ່ອງກັບແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ ຕິດພັນກັບທຸກມະຕິຄໍາສັ່ງຂອງຂັ້ນເທິງວາງອອກຢ່າງເຂັ້ມງວດ.
ຂະນະດຽວກັນ ຍັງໄດ້ເຊື່ອມຊືມເອກະສານທີ່ສໍາຄັນຂອງລັດຖະບານ ແລະ ຂອງແຂວງເຊັ່ນ: ຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຄະນະຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດບັນດາມະຕິ, ດໍາລັດ, ຄໍາສັ່ງ,ຂໍ້ຕົກລົງ ຂອງລັດຖະບານ ແລະ ຄໍາເຫັນຊີ້ນໍາຂອງນາຍົກລັດຖະມົນຕີ, ຄໍາແນະນໍາກ່ຽວກັບການຈັດຕັ້ງປະຕິບັດຂໍ້ຕົກລົງຂອງນາຍົກລັດຖະມົນຕີ, ກອງປະຊຸມ ດັ່ງກ່າວ ເຂົ້າຮ່ວມມີບັນດາຫົວໜ້າ-ຮອງຫ້ອງການ, ຫົວໜ້າ-ຮອງໜ່ວຍງານ ພ້ອມດ້ວຍພະນັກງານວິຊາການພາຍໃນກົມກອງເຂົ້າຮ່ວມ.
Editor: ກຳປານາດ ລັດຖະເຮົ້າ
