ກອງປະຊຸມດຳເນີນຊີວິການເມືອງປັບປຸງປົວແປງພັກ ສານປະຊາຊົນ ແຂວງວຽງຈັນ ປີ 2017 ໄດ້ສຳເລັດລົງ ໃນວັນທີ 1 ສິງຫາ 2017 ນີ້ທີ່ຫ້ອງປະຊຸມຂອງຕົນ ພາຍໃຕ້ການເປັນປະທານຂອງ ທ່ານ ບຸນເພັງ ສາຍນໍລະດີ ຮອງເລຂາພັກແຂວງໆວຽງຈັນ ມີບັນດາສະຫາຍໃນຄະນະພັກ, ເລຂາຫນ່ວຍພັກ ພ້ອມສະມາຊິກພັກພາຍໃນຫນ່ວຍ ເຂົ້າຮ່ວມ

ການດຳເນີນຊີວິດການເມືອງປັບປຸງປົວແປງພັກຄັ້ງນີ້ ມີຄວາມໝາຍຄວາມສຳຄັນທີ່ສຸດ ເພາະມັນແມ່ນມູນເຊື້ອ ແລະ ທັງແມ່ນຫຼັກການນຳພາຂອອງພັກ ໂດຍມີການໝູນໃຊ້ລັດທິ ມາກ-ເລນິນ ເປັນທິດເຍືອງທາງ, ທັງແມ່ນຄວາມຮຽກຮ້ອງຕ້ອງການອັນຮີບດ່ວນເພື່ອປັບປຸງ,ປົວແປງ ແລະ ເຊີດ ຊູຄວາມຮັບຜິດຊອບຂອງຄະນະພັກແຕ່ລະຂັ້ນ, ສະມາຊິກພັກແຕ່ລະສະຫາຍ, ທັງແມ່ນຄວາມຈຳເປັນພາວະວິໄສຂອງພັກເຮົາ ໃນພາລະກິດປ່ຽນແປງໃໝ່ ໂດຍສະເພາະແມ່ນການເປີດປະຕູເພື່ອເຊື່ອມໂຍງກັບສາກົນ. ເຮັດໃຫ້ບັ້ນດຳເນີນຊີວິດການເມືອງປັບປຸງປົວແປງທົ່ວພັກຄັ້ງນີ້ເລິກເຊິ່ງເຖິງຖອງ, ແກ້ໄຂຈຸດອ່ອນ, ຂໍ້ບົກຜ່ອງ, ສິ່ງທ້າທາຍພາຍໃນພັກ, ສ້າງພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ, ສືບຕໍ່ນຳພາພາລະກິດປົກປັກຮັກສາ ແລະ ພັດທະນາ ຕາມທິດທີ່ກອງປະຊຸມໃຫຍ່ ຄັ້ງທີ 10 ຂອງພັກ ໄດ້ກຳນົດໄວ້. ສູ້ຊົນ ພັດທະນາແຂວງວຽງຈັນ ໃຫ້ເປັນຫົວໜ່ວຍຍຸດ ທະສາດ ແລະ ພັດທະນາຮອບດ້ານແຕ່ນີ້ຮອດປີ 2020 ຕາມມະຕິກອງປະຊຸມໃຫຍ່ຄັ້ງທີ 5 ຂອງອົງຄະນະພັກແຂວງວາງອອກ.

ກອງປະຊຸມດຳເນີນຊີວິດການເມືອງ ປັບປຸງປົວແປງພັກສານປະຊາຊົນ ແຂວງວຽງຈັນ ໃນຄັ້ງນີ້ ໄດ້ດຳເນີນເປັນເວລາ 03 ວັນ, ຊຶ່ງ ໄດ້ພ້ອມກັນເຊື່ອມຊຶມເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ, ໜັກແໜ້ນ ໄດ້ພ້ອມກັນສະຫຼຸບຕີລາຄາວຽກງານຮອບດ້ານຂອງຄະນະພັກຮາກຖານພະແນກການເງິນ ເພື່ອເປັນບ່ອນອີງໃຫ້ແກ່ການສຳຫຼວດບຸກຄົນ ໃນຄະນະພັກຮາກຖານ, ເລຂາໜ່ວຍພັກ, ຄະນະໜ່ວຍພັກຂື້ນກັບ ແລະ ໄດ້ພ້ອມກັນຂຽນໃບສໍາຫຼວດ, ແບ່ງໜ່ວຍ, ຜ່ານ ແລະ ປະກອບຄໍາເຫັນໃສ່ບົດສໍາຫຼວດບຸກຄົນ, ຜ່ານການດໍາເນີນຊີວິດການເມືອງໄດ້ສໍາຫຼວດຕີລາຄາຈັດປະເພດ ຂອງຄະນະພັກ,ສະມາຊິກພັກສານປະຊາຊົນ ແຂວງວຽງຈັນ ຈໍານວນ 21 ສະຫາຍ ສາມາດຈັດປະເພດແຂງໄດ້ຈຳນວນ 20 ສະຫາຍ,ຍິງ 08 ສະຫາຍ ປະເພດກາງ 01 ສະຫາຍ, ປະເພດອ່ອນ: ບໍ່ມີ. ທັງໝົດກໍເພື່ອໃຫ້ ຄະນະພັກທຸກຂັ້ນ, ສະມາຊິກພັກທຸກສະຫາຍ ພ້ອມກັນຝຶກຝົນຫຼໍ່ຫຼອມ, ປັບປຸງຕົນເອງໃຫ້ສົມເປັນຄະນະນໍາ ທີ່ໄດ້ຮັບຄວາມໄວ້ເນື້ອເຊື່ອໃຈຈາກຄະນຳຂອງແຂວງ ກໍ່ຄືສູນກາງພັກ ແລະ ຄວາມໄວ້ເນື້ອເຊື່ອໃຈຂອງປະຊາຊົນບັນດາເຜົ່າຊາວແຂວງວຽງຈັນ

ແຫລ່ງຂ່າວ: ທີມຂ່າວ ຈາກແຂວງວຽງຈັນ

Editor: ກຳປານາດ ລັດຖະເຮົ້າ