ເຊິ່ງໄດ້ຍົກໃຫ້ເຫັນບັນຍາກາດ, ຜົນສໍາເລັດ, ດ້ານດີ ແລະ ຈຸດອ່ອນຂໍ້ຄົງຄ້າງ. ບັ້ນດໍາເນີນຊີວິດການເມືອງປັບປຸງປົວແປງພັກຄັ້ງນີ້ ມີເລຂາໜ່ວຍພັກ, ຄະນະໜ່ວຍພັກ ແລະ ສະມາຊິກພັກ 9 ໜ່ວຍພັກເຂົ້າຮ່ວມ 75 ທ່ານ, ຍິງ 27 ທ່ານ ແລະ ໄດ້ແບ່ງອອກເປັນ 5 ຈຸສໍາຫຼວດ. ດ້ານດີເຫັນວ່າ ແຕ່ລະທ່ານໄດ້ເອົາໃຈໃສ່ ໃນການຂຽນບົດສໍາຫຼວດຕີລາຄາຕົນເອງ ຍົກໃຫ້ເຫັນຄວາມຮັບ, ຮູ້ເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ໂດຍສະເພາະຄວາມຮັບຜິດຊອບ ແລະ ຜົນສໍາເລັດຕໍ່ໜ້າທີ່ໆໄດ້ຮັບມອບໝາຍ, ຍົກໃຫ້ເຫັນຈຸດອ່ອນ,ຂໍ້ຄົງຄ້າງ ແລະ ວິທີປັບປຸງແກ້ໄຂໃນຕໍ່ໜ້າ. ພ້ອມກັນນັ້ນ, ແຕ່ລະທ່ານໄດ້ເອົາໃຈ ປະກອບຄໍາຄິດເຫັນ ຕໍານິກໍ່ສ້າງຊ່ວຍເຫຼືອເຊິ່ງກັນ ແລະ ກັນຢ່າງມີບັນຍາກາດຟົດຟື້ນ, ກົງໄປກົງມາ ດ້ວຍຄວາມຈິງໃຈ ຊ່ວຍເຫຼືອທັງອັນລວມ ແລະ ອັນສະເພາະ ແລະ ຜູ້ຖຶກຕໍານິສົ່ງຂ່າວ ຕ່າງກໍ່ຍອມຮັບເອົາທຸກຄໍາຕໍານິດ້ວຍຄວາມຈິງໃຈ ອັນໃດຖືກກໍ່ຍອມຮັບເອົາໄປປັບປຸງແກ້ໄຂ ແລະ ອັນໃດບໍ່ຖືກກໍ່ຍອມຮັບເອົາເປັນບົດຮຽນ.
ສ່ວນດ້ານອ່ອນເຫັນວ່າ: ການຂຽນບົດສຳຫຼວດຂອງບາງທ່ານ ຍັງມີລັກສະນະລວມໆ, ບໍ່ຊັດເຈນ, ຍັງບໍ່ທັນສະແດງໃຫ້ເຫັນໝົດຈຸດອ່ອນ, ຂໍ້ຄົງຄ້າງຂອງຕົນ, ບາງສະຫານຍັງບໍ່ກ້າຕຳນິຕົນເອງ ຕິຊົມໝູ່ຄະນະ, ມີຄວາມຈົ່ງຈຽມໃນການຊ່ວຍເຫຼືອໝູ່ຄູ່ດ້ວຍກັນ ແລະ ບາງທ່ານຍົກໃຫ້ເຫັນດ້ານອ່ອນ ແຕ່ບໍ່ຍົກໃຫ້ເຫັນວິທີການປັບປຸງແກ້ໄຂໃນຕໍ່ໜ້າ. ຜ່ານການດໍາເນີນການສໍາຫຼວດກວດກາ ສາມາດຕີລາຄາແບ່ງປະເພດ ບຸກຄົນໃນກໍາມະການພັກເມືອງມີ 5/0 ທ່ານ, ແຂວງ 5/0 ທ່ານ, ບຸກຄົນເລຂາໜ່ວຍພັກຫົວໜ້າຫ້ອງການ ແລະ ອໍານວຍການ ບໍ່ແມ່ນກໍາມະການພັກເມືອງມີ 4/1 ທ່ານ,ແຂວງ 4/1 ທ່ານ ແລະ ບຸກຄົນສະມາຊິກພັກມີ 66/26 ທ່ານ, ແຂວງ 65/26 ທ່ານ ແລະ ປະເພດກາງ 1/0 ທ່ານ.
Editor: ດາວໄຊ ສີວິໄລ
