ໃນອາທິດຜ່ານມາ ສູນກາງສະຫະພັນແມ່ຍິງລາວ ໄດ້ຈັດກອງປະຊຸມປຶກສາຫາລືກັນຄົ້ນຄວ້ານາມມະຍຸດໃຫ້ແມ່ຍິງ ແລະ ສະຫະພັນແມ່ຍິງ ທີ່ມີຜົນງານດີເດັ່ນໃນດ້ານດັ່ງກ່າວໂດຍການເປັນປະທານຂອງ ທ່ານ ປະລິນຍາເອກ ນາງ ອິນລາວັນ ແກ້ວບຸນພັນ ກຳມະ ການສູນກາງພັກ, ປະທານຄະນະບໍລິຫານສູນກາງສະຫະພັນແມ່ຍິງລາວ. ໃນກອງປະຊຸມໄດ້ມີການປຶກສາຫາລືກັນກ່ຽວກັບການປະດັບນາມມະຍຸດໃຫ້ແກ່ແມ່ຍິງທີ່ມີເງື່ອນໄຂເໝາະສົມໂດຍສະເພາະແມ່ນ ແມ່ວິລະຊົນ ຫຼື ແມ່ເສຍສະຫລະ, ແມ່ດີເດັ່ນແຫ່ງຊາດ ແລະ ແມ່ພັດທະນາດີ ເພື່ອເປັນການຈົດຈຳບຸນຄຸນຄວາມງາມຄວາມດີ, ຜົນງານຂອງບຸກຄົນການຈັດ ຕັ້ງທີ່ໄດ້ອຸທິດເຫື່ອແຮງ, ສະຕິປັນຍາຂອງຕົນໃຫ້ແກ່ພາລະກິດຕໍ່ສູ້ປົດປ່ອຍຊາດ ການປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືການພັດທະນາແມ່ຍິງລາວ ເພື່ອເປັນການສືບຕໍ່ເສີມຂະຫຍາຍມູນເຊື້ອຂອງແມ່ຍິງລາວ ພ້ອມທັງເປັນການປຸກລະດົມກຳລັງແຮງຂອງແມ່ຍິງ ໃນການຈັດຕັ້ງປະຕິບັດຄຳຂັວນ ແລະ ຂໍ້ແຂ່ງຂັນ 3 ດີ, ຂອງສູນກາງສະຫະພັນແມ່ ຍິງລາວ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາຕາມຕິດ 3 ສ້າງ, ໃຫ້ເຂົ້າສູ່ລວງເລິກ ກອງປະຊູມຄັ້ງນີ້ ມີບັນດາພະນັກງານບຳນານ, ທ່ານ ຮອງປະທານສູນກາງສະຫະພັນແມ່ຍິງລາວ, ແລະ ຄະນະກົມ, ສູນ, ບໍລິສັດວິສາຫາກິດຝ້າຍລາວເຂົ້າຮ່ວມ.
Editor: ດາວໄຊ ສີວິໄລ
