ໃນວັນທີ 9 ສິງຫາ 2017 ຜ່ານມານີ້, ທ່ານ ສາດສະດາຈານ, ປະລິນຍາເອກ ຈະເລີນ ເຍຍປາວເຮີ ລັດຖະມົນຕີ ປະຈຳ ສຳນັກງານນາຍົກ,ໂຄສົກລັດຖະບານ ໄດ້ລົງຊີ້ນຳການຈັດຕັ້ງປະຕິບັດ ນິຕິກຳລຸ່ມກົດໝາຍ ຢູ່ທີ່ແຂວງວຽງຈັນ, ເຂົ້າຮ່ວມມີຄະນະປະຈຳ, ກຳມະຫານພັກແຂວງ, ມີບັນດາພະແນກການ, ອົງການ, ກົມກອງອ້ອມຂ້າງແຂວງ ແລະ ເມືອງຈຳນວນໜຶ່ງເຂົ້າຮ່ວມ.
ໃນໂອກາດນີ້ ໄດ້ຮັບຟັງການເຜີຍແຜ່ ຂໍ້ຕົກລົງຂອງນາຍົກລັດຖະມົນຕີ ສະບັບເລກທີ 32/ນຍ, ລົງວັນທີ 20 ເມສາ 2017 ວ່າດ້ວຍ ການແຕ່ງຕັ້ງຄະນະຕິດຕາມກວດກາ ແລະ ຊຸກຍູ້ການຈັດຕັ້ນປະຕິບັດ ບັນດາມະຕິ, ຄຳສັ່ງ,ຂໍ້ຕົກລົງຂອງລັດຖະບານ ແລະ ຄຳເຫັນຊີ້ນຳຂອງນາຍົກລັດຖະມົນຕີ ໂດຍໄດ້ຕົກລົງແຕ່ງຕັ້ງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເປັນຜູ້ຊີ້ນຳລວມ, ແຕ່ງຕັ້ງ ທ່ານ ສາດສະດາຈານ, ປະລິນຍາເອກ ຈະເລີນ ເຍຍປາວເຮີ ເປັນຫົວໜ້າຄະນະຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດບັນດາມະຕິ, ຄຳສັ່ງ, ຂໍ້ຕົກລົງຂອງລັດຖະບານ ແລະ ຄຳເຫັນຊີ້ນຳຂອງນາຍົກລັດຖະມົນຕີ ຢູ່ຂັ້ນທ້ອງຖິ່ນ 17 ແຂວງ ແລະ ນະຄອນຫຼວງວຽງຈັນ, ແຕ່ງຕັ້ງ ທ່ານ ບຸນເກີດ ສັງສົມສັກ ເປັນຫົວໜ້າຄະນະຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດ ບັນດາມະຕິ, ຄຳສັ່ງ, ຂໍ້ຕົກລົງຂອງລັດຖະບານແລະ ຄຳເຫັນຊີ້ນຳຂອງນາຍົກລັດຖະມົນຕີ ໃນບັນດາກະຊວງຂົງເຂດວຽກງານວັດທະນະທຳ-ສັງຄົມ, ແຕ່ງຕັ້ງ ທ່ານ ອາລຸນແກ້ວ ກິດຕິກຸນ ເປັນຫົວໜ້າຄະນະຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດ ບັນດາມະຕິ, ຄຳສັ່ງ, ຂໍ້ຕົກລົງຂອງລັດຖະບານ ແລະ ຄຳເຫັນຊີ້ນຳຂອງນາຍົກລັດຖະມົນຕີ ໃນຂົງເຂດວຽກງານການປົກຄອງ, ການຕ່າງປະເທດ ແລະ ຍຸຕິທຳ ແລະ ແຕ່ງຕັ້ງ ທ່ານ ປະລິນ ຍາເອກ ນາງ ສຸວັນເພັງ ບຸບຜານຸວົງ ເປັນຫົວໜ້າຄະນະຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດ ບັນດາມະຕິ, ຄຳສັ່ງ, ຂໍ້ຕົກລົງຂອງລັດຖະບານ ແລະ ຄຳເຫັນຊີ້ນຳຂອງນາຍົກລັດຖະມົນຕີ ໃນບັດາກະຊວງຂົງເຂດວຽກງານເສດຖະກິດ ແລະ ຍັງໄດ້ຮັບຟັງການເຜີຍແຜ່ຄຳແນະນຳຂອງສຳນັກງານນາຍົກລັດຖະມົນຕີສະບັບ ເລກທີ 01/ສນຍ, ລົງວັນທີ 5 ພຶດສະພາ 2017 ກ່ຽວກັບການຈັດຕັ້ງປະຕິບັດຂໍ້ຕົກລົງດັ່ງກ່າວ.
ໃນໂອກາດດຽວກັນນີ້ ທ່ານ ສາດສະດາຈານ ປະລິນຍາເອກ ຈະເລີນ ເຍຍປາວເຮີ ໄດ້ຊີ້ນຳວ່າ: ນິຕິກຳລຸ່ມກົດໝາຍຂອງລັດຖະບານ ມີບັນດາມະຕິ,ດຳລັດ,ຄຳສັ່ງ,ຂໍ້ຕົກລົງ,ແຈ້ງການ ທັງໝົດນີ້ແມ່ນເຄື່ອງມືທີ່ສັກສິດ ໃຕ້ການຊີ້ນຳຂອງລັດຖະບານ, ອຳນາດການປົກຂອງທຸກຂັ້ນ ເພຶ່ອບໍລິຫານປະເທດຊາດ,ບໍລິຫານແຂວງ, ເມືອງ ແລະ ບ້ານໄປຕາມກົດໝາຍ ແລະ ຄວາມສັກສິດຂອງການບໍລິຫານລັດຂອງລັດຖະບານ, ຂອງອຳນາດການປົກຄອງແຂວງ, ເມືອງ, ບ້ານ ແລະ ຂະແໜງ ການຕ່າງໆຂອງແຂວງ ມັນສະແດງອອກຢູ່ບ່ອນວ່ານິຕິກຳລຸ່ມກົດໝາຍຂອງລັດ ທີ່ໄດ້ອອກໄປນັ້ນ ໄດ້ຮັບການຈັດຕັ້ງປະຕິບັດຢ່າງເຂັ້ມງວດ, ສັກສິດ ແລະ ໄດ້ຮັບໝາກຜົນສູງ. ສະນັ້ນ, ນິຕິກຳລຸ່ມກົດໝາຍມັນຊີ້ໃຫ້ເຫັນເຖິງການບໍລິຫານປະເທດຂອງລັດຖະບານ ມີຄວາມສັກສິດ, ມີຄວາມເຂັ້ມງວດ, ເພາະວ່ານິຕິກຳລຸ່ມກົດໝາຍນີ້ແມ່ນການຜັນຂະຫຍາຍກົດໝາຍ, ຜັນຂະຫຍາຍມະຕິຂອງສະພາ ມາເປັນເຄື່ອງມື ເພຶ່ອຄຸ້ມຄອງການບໍລິຫານປະເທດຊາດ, ການບໍລິຫານແຂວງ, ເມືອງ ແລະ ບ້ານ
ຂອບໃຈທິມຂ່າວ ແຂວງວຽງຈັນ
Editor: ກຳປານາດ ລັດຖະເຮົ້າ
