ທິດຜ່ານມາ ຢູ່ທີ່ຫ້ອງຮັບຮອງແຂວງບໍລິຄໍາໄຊ. ທ່ານ ປະລິນຍາເອກ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍລິຄໍາໄຊ ພ້ອມດ້ວຍຄະນະໄດ້ຕ້ອນຮັບການເຂົ້າພົບປະ ຢ້ຽມຢາມຂອງທ່ານ ປະລິນຍາເອກ ວິໄລວົງ ບຸດດາຄໍາ ກໍາມະການສູນກາງພັກ, ປະທານກໍາມະທິການ ແຜນການ-ການເງິນ ແລະ ການກວດສອບ ສະພາແຫ່ງຊາດ. ເນື່ອງໃນໂອກາດທີທ່ານພ້ອມດ້ວຍຄະນະ ໄດ້ລົງມາເຄື່ອນໄຫວເຮັດວຽກຢູ່ແຂວງບໍລິຄໍາໄຊ. ເພຶ່ອຕິດຕາມກວດກາ ກ່ຽວກັບການຈັດຕັ້ງປະຕິບັດ ມະຕິກອງປະຊຸມສະພາແຫ່ງຊາດ ໂດຍສະເພາະ ແມ່ນການຈັດຕັ້ງແຜນພັດທະນາເສດຖະກິດ-ສັງຄົມ. ແຜ່ນງົບປະມານແຫ່ງລັດ ປະຈໍາປີ 2017 ຂອງແຂວງ ບໍລິຄໍາໄຊ.
ຫຼັງຈາກນັ້ນ ທ່ານ ປະທານກໍາມະທິການ ແຜນການ-ການເງິນ ແລະ ການກວດສອບ ສະພາແຫ່ງຊາດ. ພ້ອມດ້ວຍຄະນະຍັງໄດ້ເຂົ້າຮ່ວມກອງປະຊຸມ ຕິດຕາມກວດກາ ກ່ຽວກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ຂອງແຂວງ ບໍລິຄໍາໄຊ. ໂດຍມີບັນດາສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 11 ພ້ອມດ້ວຍຫົວໜ້າພະແນກການ ພະນັກງານວິຊາການຮັບຜິດຊອບວຽກງານທີກ່ຽວຂ້ອງ ເຂົ້າຮ່ວມ. ໂອກາດນີ້ ທ່ານ ປະລິນຍາເອກ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງບໍລິຄຳໄຊ ຍັງໄດ້ລາຍງານຫຍໍ້ ສະພາບລວມໃນການຈັດຕັ້ງປະຕິບັດວຽກງານສະພາປະຊາຊົນແຂວງ. ໃຫ້ກັບທ່ານ ພ້ອມດ້ວຍຄະນະໄດ້ຮັບຊາບ. ພ້ອມກັນນັ້ນບັນດາຫົວໜ້າພະແນກການທີກ່ຽວຂ້ອງ ຍັງໄດ້ຂຶ້ນລາຍງານ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ. ຄາດຄະແນວຽກງານການຈັດຕັ້ງປະຕິບັດ 6 ເດືອນທ້າຍປີ 2017 ແລະ ທິດທາງແຜນການຈັດຕັ້ງປະຕິດບັດ ປີ 2018. ສາເຫດທີ່ພາໃຫ້ເກີດມີ ຈຸດດີ-ຈຸດອ່ອນ ແລະ ຂໍ້ຄົງຄ້າງບ້າງດ້ານທີຈະຕ້ອງໄດ້ສຶບຕໍ່ປັບປຸງແກ້ໄຂໃນຕໍ່ໜ້າຂອງວຽກງານແຕ່ລະດ້ານ. ຕາມຄໍາຖາມເຈາະຈິ້ມຂອງ ປະທານກໍາມະທິການ ແຜນການ-ການເງິນ ແລະ ການກວດສອບ ສະພາແຫ່ງຊາດ. ທັງນີ້ກໍ່ເພຶ່ອເປັນການຕິດຕາມກວດກາ ກ່ຽວກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ໂດຍສະເພາະແມ່ນການຈັດຕັ້ງແຜນພັດທະນາເສດຖະກິດສັງຄົມ. ແຜ່ນງົບປະມານແຫ່ງລັດ ປະຈໍາປີ 2017, ການຈັດຕັ້ງປະຕິບັດໂຄງການກໍ່ສ້າງພື້ນຖານໂຄງລ່າງ. ໂຄງການຈຸດສຸມແກ້ໄຂຄວາມທຸກຍາກ, ການສົ່ງເສີມຜະລິດເປັນສິນຄ້າ ໃນດ້ານຕ່າງໆ ພ້ອມດ່ຽວກັນກໍ່ເພຶ່ອເປັນການສຶບຕໍ່ ຈັດຕັ້ງປະຕິບັດ ໃນການຫ້າງຫາກະກຽມ ແຜນພັດທະນາເສດຖະກິດ-ສັງຄົມ. ແຜນງົບປະມານແຫ່ງລັດ ປະຈໍາປີ 2018 ຂອງແຂວງບໍລິຄໍາໄຊ. ໃຫ້ເປັນໄປຕາມລະບົບ ແລະ ສໍາເລັດຜົນຕາມລະດັບຄາດ ໝາຍ
Editor: ກຳປານາດ ລັດຖະເຮົ້າ
