ເພຶ່ອເປັນການຫວນຄືນມູນເຊື້ອຜົນງານ ການເຄື່ອນໄຫວວຽກງານຖະແຫຼ່ງຂ່າວສື່ມວນຊົນ ແລະ ການພິມຈໍາໜ່າຍ ພາຍໃນແຂວງບໍລິຄໍາໄຊ ພະແນກ ຖະແຫຼ່ງຂ່າວ ວັດທະນະທໍາ ແລະ ທ່ອງທ່ຽວແຂວງ ໄດ້ຈັດພິທີສະເຫຼີມສະຫຼອງ ວັນສ້າງຕັ້ງສື່ມວນຊົນແຫ່ງຊາດ ແລະ ການພີມຈໍາໜ່າຍຄົບຮອບ 67 ປີຂຶ້ນ. ພາຍໃຕ້ການເຂົ້າຮ່ວມເປັນປະທານ ຂອງ ທ່ານ ລໍາສະໄໝ ວໍລະສານ ຄະນະປະຈໍາພັກແຂວງ ປະທານແນວລາວສ້າງຊາດແຂວງບໍລິຕຳໄຊ, ມີ ທ່ານ ເຄນ ລໍມະນີ ກໍາມະການພັກແຂວງ ຫົວໜ້າພະແນກ ຖະແຫຼ່ງຂ່າວ ວັດທະນະທໍາ ແລະ ທ່ອງທ່ຽວແຂວງບໍລິຄຳໄຊ. ມີບັນດາ ຄະນະພັກ ພະນັກງານວິຊາການພາຍໃນພະແນກການ ພ້ອມດ້ວຍບັນດາແຂກ ພາກສ່ວນຫົວໜ່ວທຸລະກິດ ອົງການຈັດຕັ້ງທີກ່ຽວຂ້ອງເຂົ້າຮ່ວມ.
ໂອກາດນີ້ ທ່ານ ເຄນ ລໍມະນີ ຫົວໜ້າພະແນກ ຖວທ ແຂວງ ຍັງໄດ້ຂຶ້ນລາຍງານການຈັດຕັ້ງປະຕິບັດວຽກງານສື່ມ່ວນຊົນໃນໄລຍະຜ່ານມາພາຍໃນແຂວງ, ຕະຫຼອດ ໄລຍະຜ່ານມາ ພະແນກ ຖວທ ແຂວງ ໄດ້ເອົາໃຈໃສ່ຊີ້ນໍາ - ພາໂດຍກົງ ເພຶ່ອ ປັບປຸງ ແລະ ພັດທະນາວຽກງານດັ່ງກ່າວໃນແຕ່ລະໄລຍະ ເຊິງເຮັດໃຫ້ສື່ມ່ວນຊົນປະເພດຕ່າງໆ ເຄື່ອນໄຫວ ຢ່າງຖືກຕ້ອງ ຕາມກົດໝາຍວ່າດ້ວຍສື່ມ່ວນຊົນ ເຊິງສາມາດສ່ອງແສງໄດ້ຕາມຮູບການ ເນື້ອໃນ 4 ລັກສະນະຂອງສື່ມ່ວນຊົນລາວຄື: ລັກສະນະຕົວຈິງ ລັກສະນະສຶກສາອົບຮົມ ແລະ ສະນະຈັດຕັ້ງຊີນໍາ ແລະ ລັກສະນະຕໍ່ສູ້.ວຽກງານການໂຄສະນາ, ສື່ມວນຊົນທຸກປະເພດໄດ້ສຸ້ມໃສ່ໂຄສະນາ ໃຫ້ແກ່ເຫດການສໍາຄັນຂອງພັກ, ຂອງຊາດ ສາກົນ, ແລະ ຂອງແຂວງໃນແຕ່ລະໄລຍະ, ເນື້ອໃນຂອງສື່ມ່ວນຊົນແຕ່ລະປະເພດ ໄດ້ສ່ອງແສງຄວາມເປັນຈິງ ບໍວ່າເຫດການ ທີ່ເກີດຂຶ້ນພາຍໃນແຂວງ, ພາຍໃນປະເທດ ແລະ ຕ່າງປະເທດ. ສ້າງຄວາມຮັບຮູ້ ຄວາມເຂົ້າໃຈຕໍ່ເຫດການ, ສະພາບການເຄື່ອນໄຫວໃນຊີວິດການເມືອງ, ເສດຖະກິດ, ວັດທະ ນະທໍາ-ສັງຄົມໃຫ້ແກ່ທຸກຊັ້ນຄົນໃນສັງຄົມ.ຮັບປະກັນທາງດ້ານຂໍ້ມູນຂ່າວສ່ານ,ໃຫ້ສາລະ ຄວາມຮູ້, ສຶກສາອົບຮົມປຸກລະດົມ ແລະ ການບັນເທິງໄປເຖິງແຕ່ລະເປົ້າໝາຍ, ຜ່ານຫຼາຍປະຕູ, ຫຼາຍເສັ້ນທາງດ້ວຍຄວາມວ່ອງໄວ, ຊັດເຈນທົ່ວເຖິງກວ່າເກົ່າ. ທັງໃຫ້ຄໍາຕອບຕໍ່ກັບບັນຫາທີສັງຄົມສົນໃຈ, ແນະນໍາໃຫ້ສັງຄົມເຄື່ອນໄຫວທໍາມາຫາກິນ ຖືກຕ້ອງສອດຄ່ອງກັບລະບຽບກົດໝາຍບ້ານເມືອງ ແລະ ຮີດຄອງປະເພນີວັດທະນະທໍາອັນດີງາມຂອງຊາດ ແລະ ຕໍ່ສູ້ກັບປະກົດການຫຍໍ້ທໍ້, ຕີຖ້ອຍເລ່ກົນມ້າງເພທໍາລາຍອິດທິກໍາລັງປໍລະປັກ ແລະ ຖ້ອຍທໍານອງໂຄສະນາໂຈມຕີ ໃສຮ້າຍປ້າຍສີ ຂອງສື່ມວນຊົນຕ່າງປະເທດທີບໍຫວັງດີໃນດ້ານຕ່າງໆ. ເປັນຕົ້ນກ່ຽວກັບການສ້າງເຂື່ອນໄຟຟ້າ, ສິດທີມະນຸດ, ຊົນເຜົ່າ-ສາສະໜາ, ການໃຫ້ສໍາປະທານຊັບພະຍາກອນທໍາ ມະຊາດ ແລະ ອື່ນໆ ດ້ວຍການນໍາໃຊ້ພາຫະນະສື່ມ່ວນຊນປະເພດຕ່າງໆເຊັ່ນ: ໂທງລະໂຄ່ງ, ວິທະຍຸກະຈາຍສຽງ, ໂທລະພາບ, ໜັງສືພີມ, ທີແທດເໝາຍກັບແຕ່ລະເປົ້າໝາຍ.
ເພຶ່ອສຶບຕໍ່ປະຕິບັດໜ້າທີການເມືອງທີຖືກມອບໝາຍ, ເສີມຂະຫຍາຍຜົນງານດ້ານດີ ແລະ ກໍາຈັດຈຸດອ່ອນໃນດ້ານຕ່າງໆ ເຮັດໃຫ້ວຽກງານໃນຕໍ່ໜ້າມີບາດກ້າວຂະຫຍາຍຕົວ. ໃນຕອນທ້າຍພິທີ ທ່ານ ລໍາສະໄໝ ວໍລະສານ ປະທານ ແນວລາວສ້າງຊາດແຂວງ ຍັງໄດ້ມີຄໍາເຫັນໂອ້ລົມ. ຮຽກຮ້ອງໃຫ້ ຈົ່ງໄດ້ເອົາໃຈໃສ່ປັບປຸງວຽກງານຄຸ້ມຄອງສື່ມວນຊົນ ແລະ ການພີມຈໍາໜ່າຍພາຍໃນແຂວງ.ໃຫ້ເຂັ້ມງວດ ແລະ ມີປະສິດທິຜົນສູ່ງຂຶ້ນກວ່າເກົ່າ. ສຶບຕໍ່ເອົາໃຈໃສ່ສຶກສາອົບຮົມທິດສະດີການເມືອງ ແລະ ວິຊາສະເພາະໃຫ້ກັບພະນັກງານນໍາພາຄຸ້ມຄອງ - ພະນັກງານວິຊາການໄດ້ຢ່າງເນື່ອງນິດລຽນຕິດ. ໂດຍຫັນເອົາມະຕິກອງປະຊຸມໃຫຍ່ຄັ້ງທີ 10 ຂອງພັກ. ມະຕິກອງປະຊຸມໃຫຍ່ຂອງຄັ້ງທີ 6 ຂອງແຂວງ. ເຂົ້າສູ່ຊີວິດຕົວຈິງ, ໂຄສະນາເຫດການສໍາຄັນຂອງພັກ, ຂອງຊາດ ແລະ ສາກົນຢ່າງແຂງແຮງ.ພ້ອມທັງຈັດຕັ້ງປະຕິບັດຢ່າງເຂັ້ມງວດ. ແລະ ພັດທະນາຕາມທິດ ຢ່າງມີຄຸນນະພາບ, ທັນສະໄໝ, ປອດໄພ ແລະ ຍືນຍົງ.
ທີມຂ່າວແຂວງບໍລິຄຳໄຊ
Editor: ກຳປານາດ ລັດຖະເຮົ້າ
