ບັ້ນດໍາເນີນຊິວິດການເມືອງ ກວດກາໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈຳປີ 2017 ຂອງຄະນະພັກຮາກຖານ ພະແນການເງິນແຂວງບໍລິຄຳໄຊ ໄດ້ເປີດຂຶ້ນຢ່າງເປັນທາງການ ໃນກາງເດືອນ ສິງຫາ 2017 ນີ້, ໂດຍໃຫ້ກຽດເຂົ້າຮ່ວມ ແລະ ເຜີຍແຜ່ເອກະສານຂອງ ທ່ານ ປະລິນຍາເອກ ສຸວັນນີ ໄຊຊະນະ ຮອງເລຂາພັກແຂວງ, ປະທານສະພາປະຊາຊົນແຂວງ ບໍລິຄຳໄຊ, ມີທ່ານ ຄໍາແຫວນ ປັນຍານຸວົງ ເລຂາຄະນະພັກຮາກຖານ ຫົວໜ້າພະແນກການເງິນແຂວງ ມີບັນດາສະມາຊິກພັກ ພະນັກງານລັດຖະກອນພາຍໃນ ແລະ ຄະນະຮັບຜິດຊອບຊຸກຍູ້ກອງປະຊຸມເຂົ້າຮ່ວມ
ບັ້ນດໍາເນີນຊິວິດການເມືອງກວດກາໜ່ວຍພັກເຂັ້ມແຂງ-ຮູ້ນຳພາຮອບດ້ານປະຈໍປີ 2017 ຂອງຄະນະພັກຮາກຖານພະແນກການເງິນແຂວງຄັ້ງນີ້ ບັນດາສະມາຊິກພັກພະນັກງານ ແມ່ນຈະໄດ້ພ້ອມກັນເຊື່ອມຊຶມ ແລະ ຮໍ່າຮຽນເອກະສານສຳຄັນຕ່າງໆຂອງພັກ ເປັນຕົ້ນເອກະສານຄຸນສົມບັດສິນທໍາປະຕິວັດ ຂອງພະນັກງານສະມາຊິກພັກ ໃນພາລະກິດປຽ່ນແປງໃໝ່ ຂໍ້ກຳນົດຂອງກົມການເມືອງສູນກາງພັກ ເລກທີ່ 02 /ກມສພ ລົງວັນທີ່ 20 ເມສາ 2004 ແລະ ຂໍ້ກໍານົດຂອງກົມການເມືອງສູນກາງພັກ ເລກທີ່ 01/ກມສພ ລົງວັນທີ່ 7 ກໍລະກົດ 2003 ພາຍຫຼັງເຊື່ອມເອກະສານແລ້ວ ບັນດາສະມາຊິກພັກພະນັກງານ ແມ່ນຈະໄດ້ພ້ອມກັນຜ່ານໃບສຳຫຼວດກວດກາ ເພື່ອຕໍານິສົ່ງຂ່າວ ເຊີ່ງກັນ ແລະ ກັນ ຕີລາຄາຈັດປະເພດການຈັດຕັ້ງຮາກຖານພັກ ສະມາຊິກພັກ ແລະ ມະຫາຊົນ ທັງນີ້ກໍ່ເພື່ອເປັນການສັງເກດຕີລາຄາຄື້ນ ການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ ເພື່ອຍົກໃຫ້ເຫັນເຖິງດ້ານດີດ້ານອ່ອນຂໍ້ຄົງຄ້າງ ທີ່ຈະຕ້ອງໄດ້ນຳເອົາເນື້ອໃນຈິດໃຈດັ່ງກ່າວ ມາປັບປຸງປົວແປງແບບແຜວິທີນໍາພາ ວິທີເຮັດວຽກຂອງສະມາຊິກພັກພະນັກງານ ໃຫ້ມີຄວາມເຂັ້ມແຂງໜັ້ກແໜ້ນ ພ້ອມນີ້ກໍ່ສ້າງຄວາມເຂັ້ມແຂງ ໃຫ້ສະມາຊິກພັກພະນັກງານ ໃນແຕ່ລະຂັ້ນ ໄດ້ຈັດຕັ້ງປະຕິບັດພາລະບົດບາດ ແລະ ການເຄື່ອນໄຫວວຽກງານຂອງຕົນ ໃຫ້ມີຄຸນນະພາບ ມີຄວາມເຂັ້ມແຂງ ທາງດ້ານຄຸນທາດການເມືອງ ຄຸນສົມບັດສິນທຳປະຕິວັດ ເປັນກຳລັງແຮງໃນການປະຕິບັດໜ້າທີ່ວຽກງານຂອງຕົນ ມີແບບແຜນດໍາລົງຊິວິດ ທີ່ປອດໃສຂາວສະອາດ ສື່ສັດບໍລິສຸດ ຕໍ່ກັບອຸດົມການຂອງພັກ ກໍ່ຄືສັງຄົມນິຍົມ ຕໍ່ກັບຈຸດໝາຍອຸດົມການດັ່ງກ່າວ ຕ້ອງໄດ້ມີຄວາມບຸກບື້ນສູ້ຊົນ ແລະ ສ້າງຄວາມເຂັ້ມແຂງດ້ວຍຕົນເອງ ປະກອບສວ່ນຢ່າງຕັ້ງໜ້າ ປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນກ້າວໜ້າຕໍ່ໄປ.
Editor: ກຳປານາດ ລັດຖະເຮົ້າ
