ກາງເດືອນສິງຫາ 2017 ນີ້ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງ ບໍລິຄຳໄຊ ກົມຈັດຕັ້ງ-ພະນັກງານ ກະຊວງ ຖະແຫລງຂ່າວ-ວັດທະນະທຳ ແລະ ທ່ອງທ່ຽວ ໄດ້ຈັດກອງປະຊຸມປັບປຸງພາລະບົດບາດ ພະແນກ ຖວທ ແຂວງບໍລິຄຳໄຊ, ເປັນກຽດເຂົ້າຮ່ວມໂດຍ ທ່ານ ຂັນແກ້ວ ພົມມະໄກສອນ ຄະນະພັກກະຊວງ ຖວທ ຫົວໜ້າກົມຈັດຕັ້ງ-ພະນັກງານ, ທ່ານ ເຄນ ລໍມະນີ ກຳມະການພັກແຂວງ, ຫົວໜ້າພະແນກ ຖວທ ແຂວງ, ມີຫົວໜ້າຂະແໜງ, ຮອງຂະ ແໜງ ແລະ ເມືອງເຂົ້າຮ່ວມ, ຈຸດປະສົງກອງປະຊຸມແມ່ນ ເພື່ອກຳນົດທີ່ຕັ້ງ, ພາລະບົດບາດ, ໜ້າທີ່, ຂອບເຂດສິດ, ໂຄງປະກອບການຈັດຕັ້ງ, ຫຼັກການ ແລະ ແບບແຜນວິທີເຮັດວຽກ ເພື່ອເປັນບ່ອນອິງທາງດ້ານ ນິຕິກຳໃຫ້ແກ່ການເຄື່ອນໄຫວ ຂອງພະແນກ ຖວທ ແຂວງບໍຄຳໄຊ, ໃຫ້ໄດ້ຮັບການພັດທະນາ ຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປະກອບສ່ວນເຮັດໃຫ້ເສດຖະກິດ-ສັງຄົມຂອງແຂວງບໍລິຄຳໄຊ ມີການເຕິບໃຫຍ່ຂະຫຍາຍຕົວຮອບດ້ານ ແລະ ໝັ້ນຄົງ.

ພະແນກ ຖວທ ແຂວງບໍລິຄຳໄຊ ແມ່ນໂຄງປະກອບກົງຈັກ ການຈັດຕັ້ງໜຶ່ງຂອງອົງການປົກຄອງແຂວງບໍລິຄຳໄຊ ໃນດ້ານວິຊາການແມ່ນຢູ່ພາຍໃຕ້ການຊີ້ນຳ ແລະ ກວດກາຂອງ ກະຊວງ ຖວທ ເຊິ່ງມີພາລະບົດບາດເປັນເສນາທິການ ຊ່ວຍອົງການປົກຄອງແຂວງ ແລະ ກະຊວງ ຖວທໃນການຄຸ້ມຄອງ ກຳກົດ-ປັບປຸງກົນໄກການບໍລິຫານລັດ ລະບຽບການຄຸ້ມຄອງພະນັກງານ -ລັດຖະກອນ ແລະ ກຳນົດຂັ້ນຂອງການອະນຸຍາດ, ການເຄື່ອນໄຫວວຽກງານ ຖວທ ແຂວງບໍລິຄຳໄຊ, ກອງປະຊຸມຄັ້ງນີ້ ໄດ້ດຳເນີນເປັນເວລາສອງວັນ.

Editor: ກຳປານາດ ລັດຖະເຮົ້າ