ບັ້ນດໍາເນີນຊິວິດການເມືອງ ກວດກາໜ່ວຍພັກເຂັ້ມແຂງ-ຮູ້ນໍາະາຮອບດ້ານ ປະຈຳປີ 2017 ຂອງຄະນະພັກຮາກຖານ ພະແນກອຸດສາຫະກຳ ແລະ ການຄ້າແຂວງບໍລິຄຳໄຊ ໄດ້ເປີດຂຶ້ນຢ່າງເປັນທາງການ ໃນ ວັນທີ 21 ສິງຫາ 2017 ຜ່ານມານີ້ ຢູ່ທີ່ຫ້ອງປະຊຸມພະແນກ ໂດຍໃຫ້ກຽດເຂົ້າຮ່ວມ ແລະ ເຜີຍແຜ່ເອກະສານຂອງ ທ່ານ ປະລິນຍາເອກ ສຸວັນນີ ໄຊຊະນະ ຮອງເລຂາພັກແຂວງ, ປະທານສະພາປະຊາຊົນແຂວງ, ມີ ທ່ານ ແສງອາລຸນ ແສງອາພອນ ເລຂາຄະນະພັກຮາກຖານ, ຫົວໜ້າພະແນກອຸດສາຫະກຳ ແລະ ການຄ້າແຂວງ, ມີບັນດາສະມາຊິກພັກ ພະນັກງານລັດຖະກອນພາຍໃນ ແລະ ຄະນະຮັບຜິດຊອບສຊຸກຍູ້ກອງປະຊຸມເຂົ້າຮ່ວມຢ່າງພ້ອມພຽງ.
ບັ້ນດໍາເນີນຊິວິດການເມືອງກວດກາໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈໍປີ 2017 ຂອງຄະນະພັກຮາກຖານພະແນກອຸດສາຫະກຳ ແລະ ການຄ້າແຂວງ ຄັ້ງນີ້ ບັນດາສະມາຊິກພັກພະນັກງານ ແມ່ນຈະໄດ້ພ້ອມກັນເຊື່ອມຊຶມ ແລະ ຮໍ່າຮຽນເອກະສານສຳຄັນຕ່າງໆຂອງພັກ ເປັນຕົ້ນ ເອກະສານຄຸນສົມບັດສິນທໍາປະຕິວັດ ຂອງພະນັກງານສະມາຊິກພັກ ໃນພາລະກິດປຽ່ນແປງໃໝ່ ຂໍ້ກຳນົດຂອງກົມການເມືອງສູນກາງພັກ ເລກທີ່ 02 /ກມສພ ລົງວັນທີ່ 20 ເມສາ 2004 ແລະ ຂໍ້ກໍານົດຂອງກົມການເມືອງສູນກາງພັກ ເລກທີ່ 01/ກມສພ ລົງວັນທີ່ 7 ກໍລະກົດ 2003 ພາຍຫຼັງເຊື່ອມເອກະສານແລ້ວ ບັນດາສະມາຊິກພັກພະນັກງານ ແມ່ນຈະໄດ້ພ້ອມກັນຜ່ານໃບສຳຫຼວດກວດກາ ເພື່ອຕໍານິສົ່ງຂ່າວ ເຊີ່ງກັນ ແລະ ກັນ ຕີລາຄາຈັດປະເພດການຈັດຕັ້ງຮາກຖານພັກ ສະມາຊິກພັກ ແລະ ມະຫາຊົນ ທັງນີ້ກໍ່ເພື່ອເປັນການສັງເກດຕີລາຄາຄື້ນ ການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ ເພື່ອຍົກໃຫ້ເຫັນເຖິງດ້ານດີດ້ານອ່ອນຂໍ້ຄົງຄ້າງ ທີ່ຈະຕ້ອງໄດ້ນຳເອົາເນື້ອໃນຈິດໃຈດັ່ງກ່າວ ມາປັບປຸງປົວແປງແບບແຜນວິທີນໍາພາ ວິທີເຮັດວຽກຂອງຄະນະພັກສະມາຊິກພັກພະນັກງານ ໃຫ້ມີຄວາມເຂັ້ມແຂງໜັ້ກແໜ້ນ ພ້ອມນີ້ກໍ່ເພື່ອສ້າງຄວາມເຂັ້ມແຂງ ໃຫ້ສະມາຊິກພັກພະນັກງານ ໃນແຕ່ລະຂັ້ນ ໄດ້ຈັດຕັ້ງປະຕິບັດພາລະບົດບາດ ແລະ ການເຄື່ອນໄຫວວຽກງານຂອງຕົນ ໃຫ້ມີຄຸນນະພາບ ມີຄວາມເຂັ້ມແຂງ ທາງດ້ານຄຸນທາດການເມືອງ ຄຸນສົມບັດສິນທຳປະຕິວັດ ເປັນກຳລັງແຮງໃນການປະຕິບັດໜ້າທີ່ວຽກງານຂອງຕົນ ມີແບບແຜນດໍາລົງຊິວິດ ທີ່ປອດໃສຂາວສະອາດ ຊື່ສັດບໍລິສຸດຕໍ່ກັບອຸດົມການຂອງພັກ ກໍ່ຄືສັງຄົມນິຍົມ ຕໍ່ກັບຈຸດໝາຍອຸດົມການດັ່ງກ່າວ ຕ້ອງໄດ້ມີຄວາມບຸກບື້ນສູ້ຊົນ ແລະ ສ້າງຄວາມເຂັ້ມແຂງດ້ວຍຕົນເອງ ຕັ້ງໜ້າປະກອບສວ່ນປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າຕໍ່ໄປ.
Editor: ກຳປານາດ ລັດຖະເຮົ້າ
