ວັນທີ 22 ສິງຫາ ຜ່ານມານີ້, ຄະນະຫ້ອງການແນວລາວສ້າງຊາດເມືອງຄໍາ ແຂວງຊຽງຂວາງ ໄດ້ຈັດພິທີປະຖະກະຖາວັນສ້າງຕັ້ງອົງການແນວລາວສ້າງຊາດ ຄົບຮອບ 67 ປີ ແລະ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 15 ປີ ຂື້ນທີ່ສະໂມສອນກອງບັນຊາການທະຫານເມືອງຄຳ, ແຂວງຊຽງຂວາງ ຢ່າງເປັນທາງການ. ໂດຍເປັນກຽດເຂົ້າຮ່ວມເປັນປະທານຂອງທ່ານ ພົມມາ ເທບທິລາດ ຄະນະປະຈຳພັກເມືອງປະທານແນວລາວສ້າງຊາດ, ມີທ່ານ ພັນຕີ ບຸນທັນ ຈັນທະສອນ ກຳມະການສະຫະພັນນັກຮົບເກົ່າ ແຂວງຊຽງຂວາງ, ປະທານສະຫະພັນ ນັກຮັບເກົ່າເມືອງຄຳ, ມີທະຫານ, ຕຳຫຼວດ, ພະນັກງານລັດຖະກອນ ຫ້ອງການທີ່ກ່ຽວຂ້ອງ, ມີສະມາຊິກນັກຮົບເກົ່າພ້ອມດ້ວຍແຂກ ຖືກເຊີນເຂົ້າຮ່ວມ 130 ທ່ານ, ຍິງ 18 ທ່ານ.
ຈາກນັ້ນ ທ່ານ ພົມມາ ເທບທິລາດ ຄະນະປະຈຳພັກເມືອງປະທານແນວລາວສ້າງຊາດເມືອງກໍ່ໄດ້ຂື້ນປະຖະກະຖາເອກະສານປະຫວັດການກຳເນີດ, ເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າ ລາສີຂອງແນວລາວສ້າງຊາດ ຄົບຮອບ 67 ປີ ໃຫ້ຮູ້ວ່າ: ພາລະກິດຂອງມະຫາຊົນເປັນຜູ້ສ້າງປະຫວັດສາດ, ເປັນກຳລັງໜູນຂອງການປະຕິວັດພ້ອມທັງເປັນເປົ້າໝາຍຮັບໃຊ້ການປະຕິວັດ ເຊິ່ງແມ່ນປະເທດໜຶ່ງທີ່ມີດິນແດນບໍ່ກ້ວາງໃຫຍ່ ມີຈຳນວນພົນໜ້ອຍແຕ່ມີຊັບພະຍາກອນອຸດົມສົມບູນດ້ວຍທຳມະຊາດ, ມີຫຼາຍຊົນເຜົ່າຢູ່ ຮ່ວມກັນ, ມີມູນເຊື້ອສາມັກຄີຮັກແພງເປັນປຶກແຜ່ນ ແລະ ປະຫວັດສາດແຫ່ງ ການຕໍ່ສູ້ເພື່ອປົກ ປັກຮັກສາຜືນແຜ່ນດິນຂອງຊາດລາວຢ່າງເດັດດ່ຽວ, ອົງອາດກ້າຫານ ໂດຍພາຍໃຕ້ການຊີ້ນຳນຳພາຂອງ ບັນດາວິລະບູລຸດແຫ່ງຊາດ
ສະນັ້ນ, ວັນທີ 13 ສິງຫາ 1950 ກອງປະຊຸມໃຫຍ່ຜູ້ແທນແນວລາວຕໍ່ຕ້ານທົ່ວປະເທດໄດ້ໄຂຂື້ນຢູ່ທີ່ ຕວຽນກວາງ ສສ ຫວຽດນາມ ໂດຍມີຜູ້ແທນເຂົ້າຮ່ວມ 150 ທ່ານ, ເຊິ່ງເປັນຕົວແທນໃຫ້ແກ່ກຳລັງປະກອບອາວຸດ, ຕົວແທນ ຂອງບັນດາເປົ່າ, ຊັ້ນຄົນ, ອົງການຈັດຕັ້ງສັງຄົມ, ສາສະ ໜາເພດໄວ ກອງປະຊຸມດັ່ງກ່າວຈິ່ງໄດ້ປະກາດ ສ້າງຕັ້ງແນວໂຮມແຫ່ງຊາດໂດຍໃສ່ຊື່ວ່າ: ແນວລາວອິດສະຫຼະຈົນມາຮອດກອງປະຊຸມໃຫຍ່ສະໄໝທີ 3 ວັນທີ່ 6-9 ເມສາ 1964 ຈີ່ງໄດ້ປ່ຽນຊື່ເອີ້ນວ່າ: ແນວລາວຮັກຊາດ ແລະ ມາຮອດໄລຍະກອງປະຊຸມ ໃຫຍ່ສະໄໝທີ່ 5 ຈິ່ງປ່ຽນຊື່ເອີ້ນວ່າ ແນວລາວສ້າງຊາດຈົນເຖິງປະຈຸບັນ.
ພ້ອມນັ້ນ ທ່ານ ພັນຕີ ບຸນທັນ ຈັນທະສອນ ກຳມະການສະຫະພັນນັກຮົບເກົ່າ ແຂວງຊຽງຂວາງ, ປະທານສະຫະພັນນັກຮົບເກົ່າເມຶອງ ກໍ່ຍັງໄດ້ ຂື້ນປະຖະກະຖາເອກະສານວັນສ້າງຕັ້ງອົງການ ສາຫະພັນນັກຮົບເກົ່າ ແຫ່ງຊາດລາວ ຄົບຮອບ 15 ປີ ຕື່ມອີກ. ຫຼັງຈາກນັ້ນກໍ່ຍັງໄດ້ມີການມອບຫຼຽນທີລະນຶກຂອງ ກອງທັບໃຫ້ແກ່ສາມາຊິກນັກຮົບເກົ່າຜູ້ທີ່ມີຜົນງານ ຄວາມດີໃນໄລຍະຜ່ານມາຈຳນວນ 6 ທ່ານ, ໂດຍ ເປັນກຽດຂື້ນມອບຂອງ ທ່ານ ພົມມາ ເທບທິລາດ ຄະນະປະຈຳພັກເມືອງ, ປະທານແນວລາວສ້າງຊາດເມືອງຄຳ.
ຈຸດປະສົງ ໃນຄັ້ງນີ້ກໍ່ເພື່ອເປັນການເຕົ້າໂຮມຄວາມສາມັກຄີພ້ອມທັງເປັນການເຜີຍແຜ່ເຊື່ອຊືມຜົນງານຄວາມດີຂອງບັນພະບູລຸດໃນເມື່ອກ່ອນ ໃນການປະຕິບັດໜ້າທີວຽກງານໃຫ້ແກ່ພະນັກງານລັດຖະກອນ, ນັກຮົບໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ແລະ ເອົາເປັນແບບຢ່າງໃນການຈັດຕັ້ງປະຕິບັດໜ້າທີ່ວຽກງານຂອງຕົນເອງ.
Editor: ກຳປານາດ ລັດຖະເຮົ້າ
