ທິດຜ່ານມາ ຢູ່ສະໂມສອນຫ້ອງວ່າການປົກຄອງເມືອງເຊໂປນ ແຂວງສະຫວັນນະເຂດ ບັນດາການນໍາຂັ້ນເມືອງ ນຳໂດຍ ທ່ານ ວົງໄຊ ໄຊຍະຈັກ ວ່າການ ເຈົ້າເມືອງເຊໂປນ ໄດ້ຕ້ອນຮັບ ທ່ານ ພົນໂທ ແສງນວນ ໄຊຍະລາດ ຄະນະເລຂາສູນກາງພັກ, ຮອງປະທານສະພາແຫ່ງຊາດ ສສຊ ປະຈຳເຂດເລືອກຕັ້ງທີ 13 ແຂວງສະຫວັນນະເຂດ, ມີ ທ່ານ ຄໍາຜັນ ຄູນສະຫວັນ ກໍາມະການພັກແຂວງ ສສຊ ປະຈຳເຂດເລືອກຕັ້ງທີ13 ຮອງປະທານສະພາປະຊາຊົນແຂວງ ພ້ອມຄະນະທີ່ໄດ້ລົງມາຢ້ຽມຢາມ ແລະ ລົງມາເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດຊຸດທີ 8. ມີບັນດາກຳມະການພັກເມືອງ, ຄະນະປະຈຳພັກເມືອງ, ສະມາຊີກສະພາທ້ອງຖິ່ນເຂດ5ເມືອງເຊໂປນ, ຫົວໜ້າ, ຄະນະຫ້ອງການ, ບັນດາບ້ານອ້ອມຂ້າງເມືອງ, ພະນັກງານປະຕິວັດອະ ວຸໂສບຳນານ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ ຕະຫຼອດຮອດພະນັກງານວິຊາການອ້ອມຂ້າງເມືອງເຂົ້າຮ່ວມ 170 ຄົນ, ຍິງ 50 ຄົນ
ທ່ານ ວົງໄຊ ໄຊຍະຈັກ ວ່າການ ເຈົ້າເມືອງໆເຊໂປນ ກໍ່ໄດ້ໃຫ້ກຽດຂື້ນລາຍງານສະພາບ ລວມຂອງເມືອງເຊໂປນ ເປັນເມືອງໜຶ່ງທີ່ຕັ້ງເຂດພູດອຍ ເຊິ່ງມີນາມວ່າເມືອງວິລະຊົນ, ຫ່າງຈາກເທດສະບານແຂວງ ໄປທາງທິດຕາເວັນອອກປະມານ 200 ກິໂລແມັດ, ມີເນື້້ອທີ່ທັງໝົດ 2.570 ກິໂລຕາແມັດ, ປະກອບມີ 88 ບ້ານ, 06 ຈຸດສຸມ ( 03 ຈຸດສຸມຂອງແຂວງ ແລະ 03 ຈຸດສຸມຂອງເມືອງ ) ມີ 04 ກຸ່ມບ້ານ,14 ບ້ານໃຫຍ່, ມີ 9.118 ຄົວເຮືອນ, ມີ 10.056 ຄອບຄົວ, ມີພົນລະເມືອງທັງໝົດ 55.666 ຄົນ, ຍິງ 20.098 ຄົນ, ປະກອບມີ 04 ເຜົ່າຄື: ເຜົ່າລາວ, ເຜົ່າຜູ່ໄທ, ເຜົ່າຕຣີ ແລະ ເຜົ່າມັງກອງ ກວມເອົາ 69 ສ່ວນຮ້ອຍ .ຈາກນັ້ນທ່ານ ພົນ ໂທ ແສງນວນ ໄຊຍະລາດ ກໍ່ໄດ້ໃຫ້ກຽດຂື້ນເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດ ຊຸດທີ 8 ເຊິ່ງໄດ້ຄຸ້ມຄອງທາງດ້ານເສດຖະກິດມະຫາພາກໃຫ້ມີສະຖຽນລະພາບ ແລະ ໝັ້ນທ່ຽງໂດຍປັບປຸງນະໂຍບາຍນິຕິກຳໃຫ້ສອດຄ່ອງກົມກຽວ, ສ້າງເງື່ອນໄຂອຳນວຍຄວາມສະດວກໃຫ້ເສດຖະກິດຂະຫຍາຍຕົວໃນລະດັບບໍ່ຫຼຸດ 07 ສ່ວນຮ້ອຍ, ປັບປຸງຄຸ້ມຄອງລະບົບການເງິນ ແລະ ງົບປະມານໃຫ້ເຂັ້ມງວດຂື້ນເພື່ອແກ້ໄຂຄວາມຫຍຸ້ງຍາກ ດ້ານງົບປະມານ ແລະ ດ້ານອື່ນໆອີກ ທີ່ສຳຄັນ, ທ່ານນາງ ມະນີຈັນ ຈັນທະນາລີ ຄະນະປະຈຳພັກເມືອງ, ປະທານກວດກາພັກລັດເມືອງທັງເປັນສະມາຊິກສະພາທ້ອງຖິ່ນເຂດ 05 ເມືອງເຊໂປນກໍ່ ໄດ້ໃຫ້ກຽດຂື້ນເຜີຍແຜ່ຄຳສັ່ງແນະນຳຂອງຄະນະປະຈຳສະພາປະຊາຊົນແຂວງ ກ່ຽວກັບການຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 03 ສະພາປະຊາຊົນແຂວງຊຸດທີ 1 ເຊີ່ງໄດ້ດຳເນີນກອງປະຊຸມສະໄໝສາມັນເທື່ອທີ 03 ຂອງຕົນຂື້ນໃນ ເດືອນກໍລະກົດ 2017 ຜ່ານມາ ໄດ້ບັນລຸຜົນສໍາເລັດຢ່າງຈົບງາມຕາມຈຸດປະສົງ ແລະ ລະດັບຄາດໝາຍທີ່ວາງໄວ້ ແລະ ເພື່ອເຮັດໃຫ້ການຈັດຕັ້ງຜັນຂະຫຍາຍເນື້ອໃນກອງປະຊຸມດັ່ງກ່າວໄດ້ຮັບຜົນດີ ແລະ ມີປະສິດທິຜົນ.ໃນກອງປະຊຸມຍັງໄດ້ມີການຈັດບາສີສູ່ຂວັນໃຫ້ບັນດາຄະນະສະມາຊິກສະພາປະຈຳເຂດເລືອກຕັ້ງທີ່ 13 ອີກດ້ວຍ.
Editor: ກຳປານາດ ລັດຖະເຮົ້າ
