ວັນທີ 30 ສິງຫາ 2017 ຜ່ານມານີ້, ຢູ່ສະໂມສອນຫ້ອງວ່າການປົກຄອງເມືອງເຊໂປນ, ແຂວງສະຫວັນນະເຂດ ໄດ້ຈັດກອງຊຸມເຊື່ອມຊຶມປາຖະກະຖາວັນສໍາຄັນຕ່າງໆຂອງຊາດ ແລະ ຂອງສາກົນ ຂື້ນຢ່າງເປັນທາງການ,ໂດຍການເປັນປະທານຂອງ ທ່ານ ວົງໄຊ ໄຊຍະຈັກ ຮອງເຈົ້າເມືອງເຊໂປນ, ມີບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ເລຂາ ຄະນະພັກຮາກຖານ, ຄະນະໜ່ວຍພັກ, ຫົວໜ້າ,ຄະນະຫ້ອງການ, ພະນັກງານລັດຖະກອນອ້ອມຂ້າງເມືອງເຂົ້ າຮ່ວມ ຈຳນວນ 160 ຄົນ, ຍິງ 68 ຄົນ, ເພື່ອເປັນການຍົກສູງວຽກງານການເມືອງ ແນວຄິດ ແລະ ຫັນເອົາແນວທາງນະໂຍບາຍຂອງພັກ ລົງສູ່ຮາກຖານ, ປັບປຸງທັດສະນະແນວຄິດ, ການກະທໍາ ແລະ ຄຸນສົມບັດສິນທຳປະຕິວັດຂອງພະນັກງານຫຼັກແຫຼ່ງນຳພາຄຸ້ມຄອງຢູ່ຂັ້ນເມືອງ, ຂັ້ນຮາກຖານບ້ານເປັນແບບຢ່າງຊີ້ນຳໆພາພໍ່ແມ່ປະຊາຊົນ, ເພື່ອຍົກລະດັບຄວາມຮູ້ຄວາມສາມາດໃຫ້ພະນັກງານຄຸ້ມຄອງຫ້ອງການ, ນຳພາອົງການຈັດຕັ້ງຂັ້ນຕ່າງໆໃຫ້ ໜັກແໜ້ນເຂັ້ມແຂງ.
ໃນພິທີທ່ານ ຮອງເຈົ້າເມືອງ ກໍ່ໃຫ້ກຽດຂື້ນເຜີຍແຜ່ເອກະສານຕ່າງໆ, ສໍາລັບເອກະສານທີ່ນຳມາເຜີຍແຜ່ໃນຄັ້ງນີ້ ມີ 05 ເອກະສານຄື: ເອກະສານວັນເຊັນສົນທິສັນຍາມິດຕະພາບການຮ່ວມມື ລາວ-ຫວຽດນາມ ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 55 ປີ, ວັນລັດຖະທຳມະນູນແຫ່ງ ສປ ປ ລາວ (15 ສີງຫາ1991-15 ສີງຫາ 2017 ) ຄົບຮອບ 26 ປີ, ວັນຢຶດອໍານາດ 23 ສິງຫາ ( 23 /08/1945 - 23/08/17 ) ຄົບຮອບ 72 ປີ, ວັນສ້າງຕັ້ງອາຊຽນ (08 ສີງຫາ 1967- 8 ສີງຫາ 2017 ) ຄົບຮອບ 50 ປີ ແລະ ວັນສ້າງຕັ້ງສານປະຊາຊົນ ( 15/08/1982-15 ສີຫາ 2017 ) ຄົບຮອບ 35 ປີ
ຂ່າວຈາກ: ທີມຂ່າວ ຫ້ອງການ ຖວທ ເມືອງເຊໂປນ, ແຂວງສະຫວັນນະເຂດ.
Editor: ກຳປານາດ ລັດຖະເຮົ້າ
