ກອງປະຊຸມສາມັນຄົບຄະນະ ກໍາມະການແນວລາວສ້າງຊາດແຂວງໄຊຍະບູລີ ໄດ້ສໍາເລັດລົງຢ່າງເປັນທາງການ ໃນຕອນເຊົ້າຂອງວັນທີ 2 ກັນຍາ 2017 ທີ່ຜ່ານມາຢູ່ທີ່ຫ້ອງປະຊຸມພະແນກສຶກສາທີການ ແລະ ກິລາແຂວງໄຊຍະບູລີ ພາຍໃຕ້ການເປັນປະທານ ຂອງ ທ່ານ ຄໍາສຸກ ທໍ່ ຮອງເລຂາພັກແຂວງ ກໍາມະການສູນກາງແນວລາວສ້າງຊາດ, ປະທານແນວລາວສ້າງຊາດແຂວງ ຜູ້ຊີ້ນໍາວຽກງານອົງການຈັດຕັ້ງມະຫາຊົນ ໂດຍເປັນກຽດເຂົ້າຮ່ວມຂອງ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ ເຈົ້າແຂວງໄຊຍະບູລີ, ມີກໍາມະການປະຈໍາພັກແຂວງ, ຄະນະສະພາປະຊາຊົນຂັ້ນແຂວງ, ກໍາມະການພັກແຂວງ, ກໍາມະການສູນກາງແນວລາວສ້າງຊາດປະຈໍາແຂວງ, ຫົວໜ້າພະແນກ, ປະທານແນວລາວສ້າງຊາດ 11 ເມືອງພ້ອມດ້ວຍແຂກຖືກເຊີນເຂົ້າຮ່ວມ.
ໃນກອງປະຊຸມໄດ້ຮັບຟັງການຮັບຮອງເອົາການສັງເກດຕີລາຄາກ່ຽວກັບຈຸດດີທີ່ເປັນຜົນງານອັນພົ້ນເດັ່ນ, ຈຸດອ່ອນຂໍ້ຄົງຄ້າງ ພ້ອມທັງສາເຫດທີ່ພາໃຫ້ມີຈຸດ ແລະ ບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດມະຕິກອງປະຊຸມສາມັນຄົບຄະນະກໍາມະການແນວລາວສ້າງຊາດຄັ້ງທີ 2 ສະໄໝທີ 5 , ມະຕິກອງປະຊຸມສາມັນຄົບຄະນະກໍາມະການແນວລາວສ້າງຊາດຄັ້ງທີ 3 ສະໄໝທີ 5 , ໄດ້ຮັບຮອງເອົາຄາດໝາຍສູ້ຊົນ, ທິດທາງ, ໜ້າທີ່ ແລະ ມາດຕະການໃນການຈັດຕັ້ງປະຕິບັດວຽກແນວລາວສ້າງຊາດ, ຮັບຟັງການເຜີຍແຜ່ເນື້ອໃນບາດກ້າວຂັ້ນຕອນໃນການຈັດຕັ້ງປະຕິບັດການສ້າງຄອບຄົວ ແລະ ບ້ານສາມັກຄີປອງດອງ ແລະ ເອກະສານອື່ນໆ, ກອງປະຊຸມໄດ້ພິຈາລະນາຮັບຮອງເອົາການແຕ່ງຕັ້ງຄະນະກໍາມະການແນວລາວສ້າງຊາດແຂວງ ຜູ້ໃໝ່ປະຈໍາເມືອງທົ່ງມີໄຊ. ຮັບຟັງການຮັບຮອງເອົາມະຕິກອງປະຊຸມຄົບຄະນະກໍາມະການແນວລາວສ້າງຊາດແຂວງ ໄຊຍະບູລີ ຄັ້ງທີ 3 ສະໄໝທີ 5.
ຂອບໃຈທີມຂ່າວ ຈາກ ແຂວງໄຊຍະບູລີ
Editor: ກຳປານາດ ລັດຖະເຮົ້າ
