ໃນເມື່ອບໍ່ດົນມານີ້ ຢູ່ທີ່ສໍານັກງານປົກຄອງນະຄອນຫຼວງວຽງຈັນ ສະຫະພັນແມ່ຍິງ ນະຄອນຫຼວງວຽງຈັນ ແລະ ສະຫະພັນແມ່ຍິງ ໂຮ່ຈີມິ່ງ ສາທາລະນະລັດ ສັງຄົມນິຍົມ ຫວຽດນາມ ໄດ້ພົບປະແລກປ່ຽນບົດຮຽນເຊິ່ງກັນ ແລະ ກັນ.
ທ່ານນາງ ຄໍາໄຜ່ ລັດສະໝີ ປະທານສະຫະພັນແມ່ຍິງ ນະຄອນຫຼວງວຽງຈັນ ໄດ້ກ່າວໃນພິທີວ່າ: ການມາຢ້ຽມຢາມພົບປະກັນໃນຄັ້ງນີ້ ແມ່ນຢູ່ໃນທ່າມກາງບັນຍາກາດທີ່ປະຊາຊົນສອງຊາດ ລາວ-ຫວຽດນາມ ພວມສະເຫຼີມສະຫຼອງສອງວັນປະຫັວດສາດ, ເປັນການປະຕິ ບັດຕາມແນວທາງນະໂຍບາຍຂອງ ສອງພັກ-ສອງລັດ ກໍຄືທິດຊີ້ນຳຂອງ ນະຄອນຫຼວງວຽງຈັນ ແລະ ບົດບັນທຶກຊ່ວຍຈຳຂອງສອງສະຫະພັນແມ່ຍິງ ເພື່ອເຮັດໃຫ້ສາຍພົວພັນມິດຕະພາບມີຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ ໝັ້ນຄົງທະນົງແກ່ນ.
ທ່ານ ນາງ ໂດະ ທິ ແຈງ ຮອງປະທານ ສະຫະພັນແມ່ຍິງ ໂຮ່ຈີມິ່ງ ກໍ່ໄດ້ລາຍງານການ ເຄື່ອນໄຫວວຽກງານຂອງ ສະຫະພັນແມ່ຍິງ ໂຮ່ຈີມິ່ງ ເພື່ອແລກປ່ຽນຖອດຖອນບົດຮຽນເຊິ່ງກັນ ແລະ ກັນ ເຮັດໃຫ້ສະຫະພັນແມ່ຍິງ ຂອງສອງນະຄອນ ມີການພັດທະນາກ້າວໜ້າຂຶ້ນໄປພ້ອມກັນ.

Editor: ດາວໄຊ ສີວິໄລ