ເພື່ອເປັນການຜັນຂະຫຍາຍວຽກງານກຳມະບານໃຫ້ມີຄວາມເຂັ້ມແຂງ ແລະ ໜັກແໜ້ນ ໃນວັນທີ 6 ກັນຍາ ທີ່ຜ່ານມາ ກົມໂຄສະນາອົບຮົມສູນກາງສະຫະພັນກໍາມະບານລາວໄດ້ຈັດກອງປະຊຸມຖອດຖອນບົດຮຽນວຽກງານກຳມະບານວາງແຜນການຈັດຕັ້ງ ແລະ ການສ້າງ ສັນຍາແຮງງານລວມໝູ່ຢູ່ຫົວໜ່ວຍແຮງງານ ໂດຍການເຂົ້າຮ່ວມຂອງທ່ານ ນາງ ຈົງຈິດ ວົງສາ ຄະນະບໍລິຫານງານ ຫົວໜ້າກົມໂຄສະນາອົບຮົມ ສູນກາງສະຫະພັນກຳມະບານລາວ, ມີທ່ານ ຄຳປະສົງ ສີຫາລາດ ຫົວໜ້າຫ້ອງການອະພິດ້າປະຈຳ ສາທາລະນະລັດ ປະຊາທິປະ ໄຕ ປະຊາຊົນລາວ, ມີຄະນະຮັບຜິດຊອບຈາກສູນກາງສະຫະພັນກຳມະບານລາວ, ສະຫະ ພັນກຳມະບານ ນະຄອນຫຼວງວຽງຈັນ ແລະ ສະຫະພັນກຳມະບານຈາກ 5 ຕົວເມືອງ, ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ຍັງໄດ້ທົບທວນຄືນ ການຈັດຕັ້ງປະຕິບັດໂຄງການຂະຫຍາຍການຈັດ ຕັ້ງກຳມະບານເຂົ້າສູ່ຫົວໜ່ວຍແຮງງານ ໃນໄລຍະຜ່ານມາ ແລະ ຍັງໄດ້ຈັດຊຸດອົບຮົມໃຫ້ປະ ທານກຳມະບານ, ສະມະຊິກກຳມະບານຢູ່ຂັ້ນຮາກຖານໂດຍສະເພາະແມ່ນ ບັນດາເມືອງເປົ້າໝາຍຈາກ 5 ຕົວເມືອງ ແລະ ບັນດາຫົວໜ່ວຍທຸລະກິດ, ເອກະຊົນ, ຈາກນັ້ນຍັງມີການແລກປ່ຽນບົດຮຽນກ່ຽວກັບຜົນໄດ້ຮັບຈາກການຈັດຕັ້ງປະຕິບັດວຽກງານຕົວຈິງ ແລະ ບົດຮຽນທີ່ຖອດຖອນໄດ້ພ້ອມການເສີມຂະຫຍາຍຈຸດດີ, ປັບປຸງແກ້ໄຂສິ່ງທ້າທາຍ ແລະ ກອງປະຊຸມຍັງໄດ້ວາງແຜນການເຄື່ອນໄຫວ 6 ເດືອນ ທ້າຍປີ 2017 ຕື່ມອີກ.

Editor: ດາວໄຊ ສີວິໄລ