ອາທິດຜ່ານມາ ກອງບັນຊາການທະຫານ ເມືອງເຊໂປນ ຈັດກອງປະຊຸມໃຫ່ຍຄັ້ງທີ 3 ຂອງໜ່ວຍພັກຄະນະພັກຮາກຖານຂື້ນ ຢ່າງເປັນທາງການ, ຢູ່ຫ້ອງປະຊຸມ ປ້ອງກັນຊາດເມືອງ ໂດຍເປັນກຽດເຂົ້າຮ່ວມ ທ່ານ ວົງໄຊ ໄຊຍະຈັກ ຮອງເລຂາພັກເມືອງ ຮອງເຈົ້າເມືອງເຊໂປນ , ທ່ານ ພັນໂທ ຄໍາຜົງ ພັດທະນາ ຄະນະພັກຮາກຖານ ກອງບັນຊາການທະຫານ ແຂວງ, ທ່ານ ພັນໂທ ຄໍາແພງ ກອນທິສັກ ເລຂາຄະນະພັກຮາກຖານ ກອງບັນຊາການທະຫານ ເມືອງເຊໂປນ, ມີບັນດາຄະນະ ໜ່ວຍພັກການເມືອງ, ພາລາ, ເສນາພ້ອມສະມາຊີກພັກເຂົ້າຮ່ວມ 54 ທ່ານ.

ທ່ານ ພັນໂທ. ຄໍາແພງ ກອນທິສັກ ເລຂາຄະນະພັກຮາກຖານຊຸດເກົ່າ ຂື້ນຜ່ານບົດລາຍງານການເມືອງ ໃນການຈັດຕັ້ງປະຕິບັດວຽກງານໄລຍະ 5 ປີ ຜ່ານມາ ເຫັນວ່າຄະນະພັກຮາກຖານ, ໜ່ວຍໄດ້ເອົາໃຈໃສ່ ຊີ້ນໍາ-ນໍາພາ ສະມາຊີກພາຍໃນໜ່ວຍ, ຮາກຖານຂອງຕົນໃຫ້ມີແນວຄິດຫລັກໝັ້ນ,ມີສະຖຽນລະພາບທາງດ້ານການເມືອງ, ປຸ້ມລຸມຄວາມສາມັກຄີ, ເຮັດວຽກເປັນໝູ່ຄະນະ, ມີການຕໍານິສົ່ງຂ່າວກໍ່ສ້າງຜູ້ທີ່ມີຜົນງານ ແລະ ປະຕິບັດລະບຽບວິໄນໄດ້ດີ, ກອງບັນຊາການທະຫານເມືອງ ມີ 1ຮາກຖານ 3 ໜ່ວຍພັກ ຂື້ນກັບຄື: ໜ່ວຍພັກການເມືອງ, ໜ່ວຍພັກເສນາ ແລະ ໜ່ວຍພັກພາລາມີສະມາຊີກພັກທົງໝົດ 54 ທ່ານ, ຍີງ 9, ໃນກອງປະຊຸມຍັງໄດ້ພັດປ່ຽນກັນຂືນປະກອບຄໍາຄິດຄໍາເຫັນເຂົ້າໃສ່ບົດສະຫລຸບ ແລະ ທິດທາງແຜນການຕໍ່ໜ້າຢ່າງກົງໄປກົງມາ, ຈາກນັ້ນກໍໄດ້ມີການປ່ອນບັດຄັດເລືອກເອົາຄະນະພັກຮາກຖານ, ໜ່ວຍຊຸດໃໝ່ເຊີ່ງມີຜູ້ສະໝັກແຕ່ລະໜ່ວຍ 5 ທ່ານ, ຮາກຖານ 7 ທ່ານ ມີຜູ້ມາໃຊ້ສິດປ່ອນຕົວຈິງຮາກຖານພັກ 54 ທ່ານ, ໜ່ວຍ 18 ທ່ານ, ໃນຕອນທ້າຍ ທ່ານ ວົງໄຊ ໄຊຍະຈັກຮອງເລຂາພັກເມືອງ,ຮອງເຈົ້າເມືອງ ໄດ້ໃຫ້ກຽດມີຄໍາເຫັນ ແລະ ໃຫ້ທິດເຍື່ອງທາງຊື່ງ ທ່ານ ໄດ້ກ່າວຄໍາຍ້ອງຍໍ-ຊົມເຊີຍ ຕໍ່ ຜົນງານໄລຍະຜ່ານມາທີ່ຍາດມາໄດ້ ແລະ ສຶບຕໍ່ຈັດຕັ້ງປະຕິບັດ ແຜນການທີ່ວາງໄວ້ໃຫ້ບັນລຸຈຸດປະສົງເປົ້າໝາຍ, ຮຽກຮ້ອງໃຫ້ຄະນະພັກຮາກຖານ,ໜ່ວຍຊຸດໃໝ່ເອົາໃຈໃສ່ ກໍາໄດ້ສິດພາລະບົດບາດ ໜ້າທີ່ຂອງພັກ ໂດຍສະເພາະເນື້ອໃນ 3 ທິດນໍາ5 ຫລັກມູນຂອງພັກ ຜັນຂະຫຍາຍໃຫ້ປະກົດຜົນເປັນຈິງ, ສ້າງໜ່ວຍພັກໃຫ້ກາຍເປັນໜ່ວຍພັກແຂງຮູ້ນໍາພາຮອບດ້ານ, ຕ້ານ ແລະ ສະກັດປະກົດການຫຍໍ້ທໍ້ສັງຄົມໂດຍສະເພາບັນຫາຢາເສບຕິດ,ຄ້າຂາຍເຖື່ອນ, ຂີ້ລັກງັດແງະ, ການພະນັນ, ຕ້ານການແຊກແຊງກຸ່ມຄົນບໍ່ດີໃຫ້ມີຄວາມສະຫງົບປອດໄພໂດຍພື້ນຖານ.

Editor: ກຳປານາດ ລັດຖະເຮົ້າ