ໃນວັນທີ 11 ກັນຍາ 2017 ນີ້ ໜ່ວຍພັກ ບ້ານສອນມີໄຊ ເມືອງເຊໂປນ ແຂວງສະຫວັນນະເຂດ ໄດ້ຈັດພີທີເລື່ອນສະມາຊີກພັກສໍາຮອງ ຈໍານວນ 5 ທ່ານ, ຍີງ 3 ຂື້ນສົມບູນ ຢູ່ຫ້ອງການບ້ານດັ່ງກ່າວ, ໂດຍການເປັນປະທານຂອງ ທ່ານ ນ. ພູທອງ ພົມມະຈັນ ກໍາມະການພັກເມືອງ, ປະທານສະຫະພັນແມ່ຍີງເມືອງ ທັງເປັນຜູ້ຊີ້ນໍາ ບ້ານ ສອນມີໄຊ, ທ່ານ ພູວຽງ ພະທິທັກ ເລຂາ ໜ່ວຍພັກບ້ານສອນມີໄຊ ພ້ອມສະມາຊີກພັກສົມບູນ, ຄະນະໜ່ວຍພັກບ້ານອອ້ມຂ້າງ ເຂົ້າຮ່ວມຢ່າງພ້ອມພຽງ
ໃນພີທີ ຕາງໜ້າສະມາຊີກພັກສໍາຮອງ ຈໍານວນ 5 ທ່ານ ຂື້ນຜ່ານໃບປະຕິຍານຕົນ, ຈະຕັ້ງ ໜ້າຝືກຝົນຫໍ່ຫຼອມຕົນເອງ ໃຫ້ກາຍເປັນສະມາຊີກພັກຜູ້ທີ່ດີເດັ່ນ, ຫ້າວຫັນ ປະຕິບັດກົດລະບຽບຂອງພັກວາງອອກ, ເຂົ້າຮ່ວມຊີວິດພັກເປັນປົກກະຕິ, ຈາກນັ້ນເລຂາຄະນະໜ່ວຍພັກບ້ານສອນມີໄຊກໍ່ໄດ້ຂື້ນຜ່ານໃບອະນຸມັດຂອງຄະນະປະຈໍາພັກເມືອງ ວ່າດ້ວຍ ຮັບເອົາສະມາຊີກພັກສໍາຮອງຈໍານວນ 5 ທ່ານ ເລື່ອນຂື້ນສົມບູນ ພ້ອມທັງສໍາພັດມື ແລະ ອະທິບາຍກົດລະບຽບຕ່າງໆຂອງພັກ, ສິດ ແລະ ໜ້າທີ່ຂອງສະມາຊີກພັກສົມບູນ ສຸດທ້າຍ ທ່ານ ນ. ພູທອງ ພົມມະຈັນ ໄດ້ໃຫ້ກຽດຂື້ນໂອ້ລົມ ແລະໃຫ້ທິດເຍື່ອງທາງແກ່ກອງປະຊຸມດັ່ງກ່າວ ຊື່ງທ່ານໄດ້ກ່າວຄໍາຍ້ອງຍໍ-ຊົມເຊີຍ ຕໍ່ ຜົນງານທີ່ຍາດມາໄດ້ໃນໄລຍະຜ່ານມາ ໂດຍສະເພາະແມ່ນການຂະຫຍາຍພັກ ແລະ ຮຽກຮ້ອງມາຍັງສະມາຊີກພັກເກົ່າແລະ ໃໝ່ຈົ່ງພ້ອມກັນເອົາໃຈໃສ່ເປັນແບບຢ່າງທີ່ດີ ໃຫ້ແກ່ມະຫາຊົນທົ່ວໄປ, ກໍາແໜ້ນກ່ຽວກັບສິດ, ໜ້າທີ່ພາລະບົດບາດຂອງສະມາຊີກພັກສົມບູນ, ປະຕິບັດກົດລະບຽບຂອງພັກວາງອອກຢ່າງເຂັ້ມງວດ,ບຸກບືນຫ້າວຫັນ ສ້າງໜ່ວຍພັກໃຫ້ກາຍເປັນໜ່ວຍພັກແຂງ-ຮູ້ນໍາພາຮອບດ້ານ.
Editor: ກຳປານາດ ລັດຖະເຮົ້າ
