ເມື່ອບໍ່ດົນມານີ້ ຄະນະການນໍາ ເມືອງເຊໂປນ ນໍາໂດຍ ທ່ານ ວົງໄຊ ໄຊຍະຈັກ ຮອງເລຂາພັກເມືອງ ຮອງເຈົ້າເມືອງເຊໂປນ ພ້ອມຄະນະການນໍາ ໄດ້ເຂົ້າວາງພວງມາລາຢູ່ຕໍ່ໜ້າ ອະນຸສາວະລີນັກຮົບນິລະນາມ ແລະ ກະຕ່າດອກໄມ້ຢູ່ ອະນຸສອນສະຖານ ປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ, ເນື່ອງໃນວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ວັນທີ 9 ກັນຍາ ຄົບຮອບ 15 ປີ, ທັງນີກໍເພື່ອເປັນການຈາລຶກຄຸນງາມຄວາມດີຂອງ ບັນດານັກວິລະຊົນທີ່ສະຫຼະເລືອດເນື້ອ ເພື່ອປະເທດຊາດ ແລະ ສິນທໍາປະຕິວັດຂອງ ປະທານໄກສອນ ພົມວິຫານ, ຈາກນັ້ນ ກໍ່ໄດ້ ເຂົ້າຮວ່ມຮັບຟັງ ປາຖະກະຖາ ເລົ່າຄືນມູນເຊື້ອວັນສ້າງຕັ້ງ ສະຫະພັນນັກຮົບເກົ່າແຫ່ງຊາດລາວ 9 ກັນຍາ 2002 ຫາ 9 ກັນຍາ 2017 ຄົບຮອບ 15 ປີ ຂື້ນຢ່າງເປັນທາງການ, ຢູ່ສະໂມສອນຫ້ອງວ່າການເມືອງເຊໂປນ, ໂດຍເປັນກຽດເຂົ້າຮ່ວມ ທ່ານ ພັນໂທ ຄໍາພາ ຄໍາມະວົງກໍາມະການປະຈໍາພັກເມືອງ, ຫົວໜ້າກອງບັນຊາການຕໍາຫວຼດເມືອງ, ເຂົ້າຮ່ວມມີບັນດາໃນຄະນະປະຈໍາພັກເມືອງ,ກໍາມະການພັກເມືອງ, ຫົວໜ້າ, ຄະນະຫ້ອງການ, ສະມາຊີກສະຫະພັນນັກຮົບເກົ່າເມືອງ ພ້ອມພະນັກງານ-ລັດຖະກອນ ອອ້ມຂ້າງເມືອງ ເຂົ້າຮ່ວມຢ່າງພ້ອມພຽງ.
ທ່ານ ພັນໂທ ຄໍາພາ ຄໍາມະວົງ ໄດ້ໃຫ້ກຽດຂື້ນເຜີຍແຜ່ປະຫວັດຄວາມເປັນມາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ທີ່ ໜູນວຽນມາອີກວາລະໜຶ່ງ ໂດຍວັນດັ່ງກ່າວແມ່ນມີຄວາມ ໝາຍຄວາມສໍາຄັນຢ່າງຍີ່ງ ຕໍ່ ກໍາລັງຖັນແຖວນັກຮົບເກົ່າທົ່ວປະເທດ ເພື່ອແນ່ໃສ່ໃຫ້ຄົນລຸ້ນຫລັງກໍາໄດ້ມູນເຊື້ອອັນພິລະອາດຫານຂອງ ນັກຮົບ ມີຄວາມເອກອ້າງທະນົງໃຈ ຕໍ່ ຜົນງານການຕໍ່ສູ້ກູ້ເອກະລາດຂອງຊາດລາວເຮົາ ພ້ອມນີ້ທ່ານຍັງຍົກໃຫ້ເຫັນເຖີງປະຫວັດມູນເຊື້ອການຕໍ່ສູ້ອັນຍາວນານແລະ ມີໄຊຍີ່ງໃຫ່ຍ ໃນແຕ່ລະໄລຍະການປະກອບສ່ວນ ແລະ ຜົນງານການເຄື່ອນໄຫວຂອງນັກຮົບເກົ່າ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ສະພາບຄວາມຈໍາເປັນ ທີ່ພາໃຫ້ກໍາເນີດພາລະບົດບາດສິດ ແລະ ນ້າທີ່ຂອງອົງການຈັດຕັ້ງສະຫະພັນນັກຮົບເກົ່າ ໃນການປະກອບສ່ວນສ້າງສາພັດທະນາ ເສດຖະກິດ-ສັງຄົມ ໃຫ້ຈະເລີນຮຸ່ງເຮືອງ ຕາມແນວທາງນະໂຍບາຍປ່ຽນແປງໃໝ່ຂອງພັກ-ລັດຖະບານວາງໄວ້ ,ຈາກນັ້ນກໍໄດ້ມອບຫລຽນກຽດຕິຄຸນກອງທັບປະຊາຊົນລາວໃຫ້ແກ່ຜູ້ທີ່ມີຄຸນງາມຄວາມດີ ທີ່ ໄດ້ປະກອບສ່ວນເຮັດສໍາເລັດໜ້າທີ່ຢ່າງສົມກຽດ ໃນພາລະກິດຕໍ່ສູ້ປົດປ່ອຍຊາດປົກປັກຮັກສາ ແລະ ສ້າງສາພັດທະນາປະເທດຊາດຈໍານວນ11ທ່ານ ໂດຍແມ່ນທ່ານ ພັນໂທ ຄໍາພາ ຄໍາມະວົງ ເປັນຜູ້ກ່າວມອບ ແລະ ຕ່າງໜ້າບຸກຄົນດັ່ງກ່າວຂື້ນຮັບ ທ່າມກາງແຂກເຂົ້າຮ່ວມທັງໝົດເປັນສັກຂີພິຍານ.
Editor: ກຳປານາດ ລັດຖະເຮົ້າ
