3 ອົງການຈັດຕັ້ງມະຫາຊົນຂອງລັດວິສາຫະກິດນໍ້າປະປາແຂວງຈໍາປາສັກ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດຂໍ້ແຂ່ງຂັນໄລຍະ 1 ປີ ສົກ 2016-2017 ໃນທ້າຍອາທິດຜ່ານມານີ້, ຢູ່ທີຫ້ອງປະຊຸມໂຮງງານນໍ້າປະປາແຂວງ. ເຂົ້າຮ່ວມມີທ່ານ ລາຕີ ສີມະນີວົງ ຮອງປທານສະຫະພັນກຳມະບານແຂວງ, ທ່ານ ຄໍາສິງ ໝູນເຕ້ ຮອງເລຂາໜ່ວຍພັກ ຮອງຜູ້ອຳນວຍການລັດວິສາຫະກິດນໍ້າປະປາແຂວງ, ມີຄະນະປະເມີນຜົນອົງກນຈັດຕັ້ງມະຫາຊົນຂັ້ນແຂວງ, ຄະນະໜ່ວຍ ຕະຫຼອດຮອດສະມາຊິກຊາວໜຸ່ມ, ແມ່ຍິງ, ກໍາມະບານເຂົ້າຮ່ວມຢ່າງພ້ອມພຽງ.
ໃນພິທີຄະນະໜ່ວຍທັງ 3 ອົງການຈັດຕັ້ງມະຫາຊົນ ໄດ້ລາຍງານສະພາບການຈັດຕັ້ງປະຕິບັດຂໍ້ແຂ່ງແຂ່ງຂັນຂອງຕົນໃນໄລຍະ 1 ປີທີ່ຜ່ານມາ ສົກ 2016 -2017 ເຊັ່ນ: ການປະຕິບັດຂໍ້ແຂ່ງຂັນ 4 ບຸກຂອງຊາວ ໜຸ່ມປະຊາຊົນ ປະຕິວັດລາວວາງອອກ ຄື: ບຸກທາງດ້ານແນວຄິດ, ຝຶກຝົນຫຼໍ່ຫຼອຕົນເອງ, ການຈັດຕັ້ງ ແລະ ບຸກດ້ານແບບແຜນດໍາລົງຊິວິດສ້າງວຽກເຮັດງານທຳ. ເຊິ່ງຜ່ານການປະຕິບັດສະມາຊິກຊາວໜຸ່ມທັງໝົດ 118 ທ່ານ ຕີລາຄາປະເພດແຂງ 107 ທ່ານ, ກາງ 11 ທ່ານ ປະເພດໜ່ວຍ ຈັດໃນປະເພດ: ແຂງການປະຕິບັດຂໍ້ແຂ່ງຂັນຂອງສະຫະພັນແມ່ຍິງລາວ 3 ດີ ຄື: ພົນລະເມືອງດີ, ພັດທະນາດີ, ສ້າງຄອບຄົວໃຫ້ມີຄວາມຜາສຸກ ມີເອື້ອຍນ້ອງແມ່ຍິງຈັບມືກັນປະຕິບັດຂໍ້ແຂ່ງຂັນທັງໝົດ 37 ຄອບຄົວ ປະຕິບັດໄດ້ 100 ສ່ວນຮ້ອຍ ແມ່ຍິງຈັດໃນປະເພດດີເດັ່ນ 37 ທ່ານ. ແລະ ການປະຕິບັດຄໍາຂັວນ 5 ເປັນເຈົ້າຂອງສະຫະພັນກຳມະບານລາວ.
ສະມາຊິກກຳມະບານທັງໝົດມີ 128 ທ່ານ ສາມາດປະເມີນຈັດໃນປະເພດດີເດັ່ນ 101 ທ່ານ ແລະ ປະເພດດີ 27.
ເຊິ່ງໜຶ່ງປີຜ່ານມາທັງສາມອົງການດັ່ງກ່າວ ໄດ້ຕັ້ງໜ້າປະຕິບັດຂໍ້ແຂ່ງຂັນຂອງຕົນ ຕິດພັນກັບໜ້າທີ່ວິຊາສະເພາະດ້ວຍຄວາມຮັບຜິດອບສູງ ແລະ ເປັນກຳລັງແຮງໃຫ້ແກ່ຄະນະພັກໄດ້ເປັນຢ່າງດີ. ການປະເມີນທັງ 3 ອົງການຈັດຕັ້ງມະຫາຊົນ ແມ່ນສ້າງເງື່ອນໄຂໃຫ້ແກ່ການກະກຽມຮອງຮັບໃຫ້ແກ່ການຢັ້ງຢືນໜ່ວຍພັກແຂງ-ຮູ້ນຳພາຮອບດ້ານຂອງໜ່ວຍພັກລັດວິສາຫະກິດນໍ້າປະປາແຂວງຈໍາປາສັກອີກດ້ວຍ.
Editor: ດາວໄຊ ສີວິໄລ
